Skólablaðið - 01.07.1914, Qupperneq 4

100
SKOLABLAÐIÐ
Hér á sjálfsagt ekki við máltækið, að betra sé „að veifa
röngu tré en engu“.
í ár lauk enginn nemandi kennaraskólans kennaraprófi
í söng. Og engin trygging er fyrir því, að neinn geri það
eftirleiðis, þó að líkur séu til að einhverjir verði til þess.
Erfiðleikarnir á því að búa sig undir söngkennarapróf eru
margir: annríki mikið í skólanum við annað nám, hljóð-
færaleysi og tímaleysi. Hver sem það nám iðkar þarf að
hafa hljóðfærið heima hjá sér, svo að hann geti gripið í það
í hvíldarstundum sínum. Oftast er auðið að leigja hljóðfæri,
en það kostar fé. Fæstir hafa efni á að eignast þau.
Ýmsir annmarkar eru á því að gera söngpróf öllum að
skyldu, jafnvel öllum þeim, sem sönghæfir eru; en það verð-
ur eina ráðið; og þá þyrfti að ætla þeim tíma og tæki-
færi til námsins. Börnin læra ekki að syngja vel nema
kennarinn geti leiðbeint þeim vel í því.
það er að verða að fastri trú hér, að rétt að eins ein-
staka barn geti lært að syngja, allur fjöldinn geti það ekki,
Og svo þykir ekki vert að kosta tíma og fyrirhöfn til þess
að eiga nokkuð við kenslu þessara örfáu barna. En sé
kennarinn söngelskur og hæfur til að kenna, þá reynist
honum annað. það sýna dæmin þar sem góðir söngkenn-
arar eru til, þar má heita að allur skólinn syngi. Og hví-
líkur ávinningur! En því miður sér margur ekki að það
sé neinn ávinningur.
Fýrir fáum árum var haldið upp á 25 ára kennaraaf-
mæli skólakennara hér á landi. Einn af samverkamönnum
hans hafði ort til hans kvæði undir nafni barnanna, og þetta
kvæði áttu börnin að flytja honum. En haldið þið að börn-
in hafi flutt honum það í söng? Sungið honum þökk fyr-
ir starfið, og heillaóskir? Nei, eitt barnið var látið /esöþað
fyrir honum! þetta er óhugsandi annarstaðar en á fslandi.
Hið fyrsta sem skáldíð hetði hugsað um annarstaðar
hefði verið að velja fallegt lag til að yrkja undir, svo að
börnin gætu flutt kennaranum hjartans óskir sínar á máli
söngsins. En til hvers er að bjóða það barnahópi, sem ekki
kann það mál, sem aldrei hefur lært að mæla það?