Dagblaðið Vísir - DV - 08.09.1988, Blaðsíða 2
2
FIMMTUDAGUR 8. SEPTEMBER 1988.
Fréttir______________
Heimsókn Olafs Noregskonungs:
Sjóferðin út í Viðey
átti vel við konunginn
Síöasti dagur heimsóknar Ólafs
fimmta Noregskonungs hófst klukk-
an tíu árdegis með því aö fariö var í
heimsókn í Árnasafn. Doktor Ólafur
Halldórsson tók á móti konungi og
sýndi honum gersemar íslenskra
bókmennta. Þegar Noregskonungur
hafði skoöaö Árnasafn lá leiðin yfir
götuna og í Norræna húsiö þar sem
Knut Odegaard, forstöðumaöur
hússins, sagöi frá starfsemi þess. Eft-
ir um hálftímadvöl í Norræna húsinu
var farið í Listasafn íslands en þar
tók Hrafnhildur Schram á móti Ólafi
og sýndi honum safnið.
Ólafur konungur hélt því næst út
í Viðey á spegilsléttum sjó í glamp-
andi sólskini. Sjóferðin virtist eiga
vel við hann því að hann var glaö-
beittur að sjá er hann tók land og
vildi ekki þiggja aðstoð viö að stíga
niður úr tollbátnum Val, sem ferjaði
hann yfir Viðeyjarsund, en skipstjóri
var Gunnbjöm Guðmundsson. Klifr-
aði Ólafur niður úr bátnum en not-
aði ekki landganginn enda má minn-
ast þess að hann keppti fyrir hönd
Norðmanna í siglingum á ólympíu-
leikunum í Amsterdam og krækti í
gullverðlaun.
Davíð Oddssqn borgarstjóri og eig-
inkona hans, Ástríður Thorarensen,
og forseti borgarstjórnar, Magnús L.
Sveinsson, tóku á móti konungi og
buðu hann velkominn í Viðey. Því
næst settist konungur ásamt forseta
íslands inn í Nissan Prairie bifreið
sem flutti þau að Viðeyjarstofu sem
mun vera elsta hús á íslandi, varð-
veitt í upprunalegri mynd.
í Viðeyjarstofu var snæddur há-
degisverður þar sem aðalrétturinn
var léttsteiktur lambavöðvi, krydd-
aður með vallhumli, með ijómasósu
og frönsku kryddsmjöri. Að hádegis-
verði loknum var Viðeyjarkirkja
skoðuð og dvaldist Ólafur þar inni
dágóða stund.
Frá Viðey var haldið í Höfða þar
sem drukkið var kaffi um nónbilið
en síðdegismóttaka var í ráðherrabú-
staðnum í boði utanríkisráðherra.
Um kvöldiö hélt Ólafur fimmti Nor-
egskonungur Vigdísi Finnbogadótt-
ur, forseta íslands, veislu í Þingholti
á Hótel Holti.
Konungur hélt heim í morgun en
flugvél hans hélt af stað frá Reykja-
víkurflugvelli klukkan tíu.
-JFJ
Hveijir sitja konungsveislur?
Konungur hélt veislu
til heiðurs Vigdísi
Dagskrá vegna heimsóknar Ólafs
fimmta Noregskonungs lauk í gær-
kvöldi með veislu í Þingholti.
Veisluhaldari var Ólafur konungur
en veislan var haldin forseta ís-
lands, Vigdísi Finnbogadóttur, til
heiðurs. Tæplega 60 manns sátu
veisluna sem stóð frá klukkan hál-
fátta til hálfellefu. Var samkvæ-
misklæðnaður áskilinn. í veislunni
fengu gestir konungs að gæða sér
á laxi í forrétt, reyktum, gröfnum
og sitrónumarineruöum. Með
þessu voru svo tilheyrandi sósur. í
aöalrétt var boðið upp á hreindýra-
kjöt á norskan máta með villibráö-
arsósu. í eftirrétt gæddu gestírnir
sér síðan á ávaxtaís með heitri
apríkósusósu. Þeir sem mættu í
„konungsgarö,‘ í gær voru auk
konungs og Vigdísar Finnbogadótt-
ur:
Þorsteinn Pálsson forsætisráö-
herra og eiginkona hans, Ingibjörg
Rafnar. Steingrímur Hermannsson
utanríkisráðherra og eiginkona
hans, Edda Guðmundsdóttir. Birg-
ir ísleifur Gunnarsson mennta-
málaráðherra og eiginkona hans,
Sonja Bachmann. Matthías Á. Mat-
hiesen, samstarfsráöherráNorður-
landa, og eiginkona hans, Sigrún
Þ. Mathiesen. Þorvaldur Garðar
Kristiánsson, forseti Sameinaös
þings, og eiginkona hans, Elísabet
Kvaran. Davið Oddsson borgar-
stjóri og eiginkona hans, Ástriður
Thorarensen. Níels Þ. Sigurösson,
sendiherra i Noregi, og eiginkona
hans, Ólafia R. Sigurðardóttir. Per
Aasen, sendiherra Noregs á ís-
landi, og eiginkona hans, Liv Aas-
en. Komelíus Sigmundsson for-
setaritari og eiginkona hans, Inga
Hafsteinsdóttir. Böðvar Bragason
lögreglustjóri og eiginkona hans,
Gígja Haraldsdóttir. Guömundur
Benediktsson, ráöuneytisstjóri i
forsætisráöuneytinu, og eiginkona
hans, Kristín Claessen. Hannes
Hafstein, ráöuneytisstjóri í utan-
ríkisráðuneytinu, og eiginkona
hans, Ragnheiður Hafstein. Sveinn
Björnsson siðameistari og eigin-
kona hans, Sigrún Bjömsson. Frú
Erna Hjaltalin. Vigdís Bjarnadóttir
deildarstjóri og eiginmaður henn-
ar, Guölaugur Tr. Karlsson. VO-
borg G. Kristjánsdóttir deildar-
stjóri og eiginmaöur hennar, Hrafn
Pálsson. Aðalsteinn Maack for-
stöðumaður og eiginkona hans,
Jarþrúöur Maack. Hans Andreas
Djtu-huus, sendiherra Danmerkur,
og eiginkona hans, Lise Djurhuus.
Andres Huldén sendiherra og eig-
inkona hans, Rita Elmgren-Huld-
én. Per Olof Forshefi sendiherra
og eiginkona hans Helene Forshell.
Othar Ellingsen aöalræðismaður
og eiginkona hans, Sigríöur Ell-
ingsen. Inge Utstumo. Knut Ödega-
ard, forstööumaöur Norræna húss-
ins, og eiginkona hans, Þorgerður
Ingólfsdóttir. Per Roald Landrö,
formaður Nordmansamlaget, og
eiginkona hans, Anna María Páls-
dóttir. Eystein H. Isaksen sendi-
ráðsritari og eiginkona hans, Aud
Isaksen. Gunnerius Flakstad
hirðmarskálkur. Willum Steen
sendiráðunautur. E. Amundsen
hermálafulltrúi.
JFJ
Davíð Oddsson kveður hér Noregskonung með virktum við Höfða en þar
drakk konungur kaffi um nónbilið eftir að hafa snætt hádegisverö í Viðey.
DV-mynd BG
Heimsókn Ólafs fimmta:
Slys í Almannagjá
Heimsókn Ólafs fimmta Noregs-
konungs hefur ekki alveg gengið sly-
salaust þó að ekki hafi verið um
stóróhöpp að ræða. Eitt óhapp varð
í fyrradag á Þingvöllum en þar skoð-
aði konungur þjóögarðinn í boði Þor-
steins Pálssonar forsætisráðherra
undir leiðsögn séra Heimis Steins-
sonar þjóðgarðsvarðar.
Einn norsku blaðamannanna, sem
fylgdu konungi, steig ofan í gjótu á
barmi Almannagjáar viö hringsjána
og datt og braut tvö rifbein. Blaða-
maðurinn, sem mun vera ljósmynd-
ari frá Scanfoto, lét þetta þó ekki
aftra sér og var mættur meö mynda-
vélina úti í Viðey daginn eftir.
-JFJ
Vel hefur farið ó með Vigdisi Finnbogadóttur og Ólafi Noregskonungi meö-
an á heimsókninni hefur staðið. Hér biða þau eftir bilum sínum eftir kaffi-
drykkju í Höföa. DV-mynd BG
Vigdís Finnbogadóttir forseti fékk þátttökumerki i Heimshlaupiö '88 að gjöf
þegar hún kom að stjórnarráðinu i gær. Þau Sólveg Þórarinsdóttir og Karl
Guðmundsson, sem verða fulltrúar íslands þegar Heimshlaup '88 verður
ræst i New York á sunnudag, afhentu Vigdísi merkið. DV-mynd KAE
Heimshlaupiö ’88:
Markmiðið að
íslendingar hlaupi
umhverfis hnöttinn
Undirbúningur heimshlaupsins,
sem fer fram á sunnudag, er í fullum
gangi. Veröur sjónvarpað beint um
allan heim frá hlaupinu í yfir 20 borg-
um heimsins og er þaö umfangs-
mesta sjónvarpssending sem farið
hefur um gervihnött. Til saman-
burðar má geta þess aö á ólympíu-
leikunum er sjónvarpað beint frá 5-7
stöðum í einu.
Verða sýndir þrír myndbútar frá
íslandi daginn sem hlaupið er auk
tveggja mínútna landkynningar-
myndar. Verður sjónvarpið með fjór-
ar tökuvélar við Lækjartorg en fyrir
utan sjálft hlaupið verður ýmislegt á
seyði.
Utitaflið verður í gangi, ýmsir
skemmtikraftar munu koma fram og
lúðrasveitir munu blása viös vegar á
leið þátttakénda. Meðal þeirra atriða
sem mesta athygh munu vekja er að
lándsliöið í handbolta mun mæta á
svæðið og kveðja landann áður en
haldið verður af staö á ólympíuleik-
ana seinna um daginn.
Þátttökunúmer í hlaupið eru fáan-
leg víðs vegar í bænum, í fyrirtækj-
um, verslunum, skólum og i tjaldi á
Lækjartorgi og síðast en ekki síst á
yfir tuttugu stöðum umhverfis
landið.
„Markmiðið er að hlaupa umhverf-
is hnöttinn. Þaö gerum við ef 12.200
þátttakendur fara einn hring í bæn-
um,“ sögöu aðstandendur hlaupsins
hjá Rauða krossinum viö DV í gær.
-hlh