Þjóðviljinn - 19.11.1964, Blaðsíða 7
Fimmtudagur 19. nóvember 1964
H6ÐVIUINN
SÍÐA
gert það, þvi að framhaldið
hefði þá tæpast getað orðið
nema á einn veg, en þess í
stað fór hann leið, sem gaf
honum skiptamun í 25. leik
og hefði lika átt vel að duga
til sigurs, ef tími hefði verið
nægur til úrvinnslunnar. Sak-
ir tímaeklu tefldi hann fram-
haldið mjög veikt. 1 35. leik
missteig hann sig hraparlega,
og í 39. leik féll vísirinn í
gertapaðri stöðu. Grátlegur
endir á skák, sem hefði borið
hróður Björns víða vegu, ef
ekki hefði sköpum skipt í
kapphlaupinu við sekúndurnar.
— Jópas Þorvaldsson beitti
skandínavískri vörn gegn And-
erson. Hann gerðist illilega
andvaralaus í 10. leik, reyrð-
ist í þær viðjar að geta ekki
hrókað á stuttveginn, eins og
þurft hefði, náði sér því aldrei
á strik og mátti gefast upp í
27. leik. — í skák Jóns Krist-
inssonar og Dr. Macskasys urðu
mikil uppskipti snemma, og
einfaldaðist við það taflið
heldur um of fyrir Jón, sem
átti áður sízt minni möguleika.
Macskasy náði peði um stund-
arsakir, en eftir að hann
missti það aftur', sömdu þeir
um jafntefli um leið og kom
að biðtímanum. — Magnús
Sólmundarson beitti Caro-Kann
gegn byrjunarleik Witts. Var
leitað færa og gagnfæra fram
eftir skákinni, og langhrókuðu
báðir. Um tíma jaðraði við, að
Magnús gæti unnið biskup, en
hinum tókst ^að forða þeim
geistlega herra frá píslarvætt-
isdauða og jafna taflið. Og
þar sem ekki var fyrirsjáan-
legur vinningsendir á skákinni,
gerði Magnús langa sögu stutta,
fórnaði hrók og náði fyrir það
þráskák í 31. leik.
Okkar hlutur gegn Kanada
varð minni en efni stóðu til
um tíma, 1 vinningur gegn 3.
A.-Þjóðverjar unnu Uruguav-
menn með 3,5 gegn 0,5, og
Mónakómenn unnu Ekvadorbúa
með 2,5 gegn 1,5, og var það
furðulega gott hjá þeim spila-
bankamönnum. Kemur það á
óvart, hvað þeir etja hér fram
góðu liði, og má raunar segja
slíkt hið sama um Ekvadorbúa.
Er því ekki jafn auðhlaupið
að vinningum í þessum riðli,
eins og kannski hefði mátt
búast við að óreyndu.
Laugardaginn 7. nóv. gengum
við til móts við öflugasta !ið
forkeppninnar Argentínumenn,
og tefla þeir þó ekki fram
ýmsum sinna beztu manna,
s.s. Najdorf, Panno, Rosetto og
Sanguinetti. En þeir eru sf-
teflandi á stórmótum þar suð-
vestur frá og eiga orðið sand
af ágætum skákmönnum. Biörn
settist andspænis hinni öldruðu
kempu Elfasi Eliskases fyrrum
Austurríkismanni og langvar-
andi stórmeistara. Yfir honum
hvílir mikil ró. látorýði og f-
Framhald á 9 síðu.
Annað fréttabréf Baldurs Pálma-
sonar frá Olympíuskákmótinu
Fyrri hluti
Framundan mótsstaðnum,
Sheraton-hóteli, blakta dag
hvem við hún fimm fánar á
háum stöngum; blakta segi ég,
þótt oftar sé hitt, að þeir bær-
ist ekki í logninu. Til end-
anna er ísraelski fáninn og
milli þeirra borgarfáninn, og
þjóðfánar Svía og Svisslend-
inga. Er það til heiðurs for-
seta alþjóðasambands skák-
manna Folke Rogard og aðal-
dómara mótsins, Alois Nagler
frá Zúrich. Mótsstjórinn heitir
N. Firth og hefur hann með
sér mikla hirð allskonar hjálp-
armanna, enda er starfið langt-
upi umfangsmeira við slíkt
mótshald heldur en hægt er
að ímynda sér, jafnvel fyrir
þátttakendur hvað þá ókunn-
uga. Og þess er sjálfsagt að
geta, að verndari mótsins er
Davíð Ben Gourion fyrrum for-
sætisráðherra, og meðal margra
virðingarmanna í heiðursnefnd
er Golda Meir utanríkisráðherra,
svo aðeins séu nefnd þau tvö.
sem verið hafa góðir gestir á
Islandi.
Svo fór sem ég lét í skína
f bréfi mínu um daginn, að
ekki horfði vel fyrir Jóni
Kristinssyni í biðskák hans við
Fuchs frá Austur-Þýzkalandi í
þriðju umferð forkeppninnar.
Raunar tókst Jóni að beita
býsna haldgóðri vörn lengi
vel, en þar kom að hann gætti
sín ekki sem skyldi á við-
sjálum ísnum, féll f vök og
skaut ekki upp aftur. Varð ó-
sigur okkar því alger gegn
A.-Þjóðverjum. í riðlinum urðu
þau úrslit með öðrum þjóð-
um, að Argentína og Kanada
skildu jöfn 2:2. og Ekvador
vann Uruguay með 3,5 gegn
0,5. — Gútkljáðum skákum
Argentínumanna og A.-Þjóð-
verja, er fóru aftur f bið i
annarri umferð, lauk hinum
fyrmefndu í vil, svo að við-
ureign þeirra endaði með 3
gegn 1.
Komum við þá að fjórðu um-
ferð, er við mættum Kanada-
mönnum. Bjöm Þorsteinsson
hafði hvítt gegn Davíð Yanov-
sky, sem er alþjóðlegur skák-
meistari af Gyðingaætt. Byrj-
unin, sem var Sikileyjarvörn
YANOFSKY
frá hendi Yanovsky, var Birni
mjög hagstæð, og jók hann
yfirburði sína jafnt og þétt
en eyddi aftur á móti tíma
sínum að sama skapi. í 20
leik lætur hann riddara standa
ofan í peði og færir biskup
með skák upp í ginið á öðru
peði. Með þessum fallega leik,
sem Yanovsky hefur varla séð
fyrir, nær Björn algerum
kverkatökum á mótherjanum.
1 23. leik datt honum í hug
að fórna hrók og hefði betur
Hér er mynd af dilkum úr sláturhúsinu á Húsavík og reyndist nieðalþungi 2,2 kílóum hærri en
síðastliðið haust. — (Ljósm. Pétur).
Hér.er mynd af hringfláningu í sláturhúsinu á Húsavík og hefur þessi verkaðferð reynzt með
ágætum síðustu þrjú árin. — (Ljósm. Pétur).
Heimasætan í Víðikeri átti
þyngstu meðalvigt dilka
Húsavík — Slátrun á félags-
svæði Kaupfélags Þingeyinga
lauk um miðjan október og eru
eftirfarandi upplýsingar hafðar
eftir sláturhússtjóranum, Benó-
ný Arnórssyni.
Slátrun hófst um miðjan
september og stóð þannig slát-
urtíðin um mánaðartíma. Slátr-
að var á þessu tímabili 31
þúsund fjár eða tólf hundruð
kindum á dag. Notuð var svo-
kölluð hringfláning, — var hún
tekin upp fyrir þrem ái*um og
hefur reynzt mjög vel.
Við slátrun í haust unnu um
115 manns víða að úr Suður-
Þingeyjarsýslu. Þungi dilka
reyndist óvenju góður i haust
og flokkun hagkvæm eftir því,
— meðalþungi dilka reyndist
15 kíló eða um 2,2 kg. meiri en
á síðastliðnu hausti. Þyngsta
meðalvigt hjá einstaklingi var
lijá heimasætunni frá Víðikeri
í Bárðaraal. Þar reyndist meðal-
vigt 20,5 kíló eftir 33 dilka,
en þyngsla dilkinn átti Vagn
Sigtryggsson, bóndi í Hriflu,
og vóg hann 29 kíló.
Nýtt sláturhús er í byggingu
hjá K.Þ. og hefur frystihúsið
þegar verið tekið í notkun og
var allt kjötið geymt þar
í haust í fyrsta sinn án þess
að nokkurt skip kæmi til að
taka kjötið.
Þá hafa verið verkaðar fimm
hundruð tunnur á Noregsmark-
að af saltkjöti og nautgripa-
slátrun hófst 19. október og
stóð í viku. K.E.J.
Ý0USAMTÖiCUNyM
MálmiBnaSmmenn og
byggingnmenn krefjnst aukins
öryggis é vinnustað
Meðal tillagna þeirra og þingskjala sem nú
liggja fyrir Alþýðusambandsþingi eru eftirfar-
andi frá fulltrúum félaga í Málmiðnaðar- og
skipasmiðasambandi íslands og Sambandi bygg-
ingamanna. Fjalla þær um bvggingu og stækk-
un dráttarbrauta, um öryggi oa eftirlit á vinnu-
stöðum, um handbók fyrir launþega og um
stofnun sameiginlegra félaga launþega pg at-
vinnurekenda á nokkrum stöðum.
29. þing Alþýðusambands ís-
lands ályktar eftirfarandi;
í daglegu lífi manna er vinnu-
staðurinn sá staður utan heim-
ilis, sem mest áhrif hefur á
andlega og líkamlega líðan
hvers og eins. Þvi er mikils-
vert að aðbúnaði, hollustuhátt-
um og öryggi sé þannig háttað.
að komið verði í veg fyrir slys
og tjón á heilsu manna.
Töluvert skortir á að aðbún-
aðar, hreinlætis og öryggis sé
gætt, eins og nauðsynlegt er
á fjölmörgum vinnustöðum.
Framkvæmd laga um öryggi
og eftirlit á vinnustöðum er
slæleg, enda eru ekki til reglu-
gerðir um framkvæmd laganna
í fjölmörgum starfsgreinum.
Einnig virðist sem eftirlits-
menn heilbrigðisyfirvalda
og Öryggiseftirlits rikrsins
skorti vald til að knýja fram
nauðsynlegustu úrbætur, þar
sem þeirra er þörf.
29. þing Alþýðusambands ís-
lands telur að brýn nauðsyn sé,
að á þessu verði ráðm bót,
jafnframt skorar þingið á heil-
brigðisyfirvöld og öryggiseftir-
lit að hefja nú herferð til
verulegra umbóta á aðbúnaði,
hollustuháttum og öryggi á
vinnustöðum
(Frá fulltrúum málmiðnaðar-
manna og skipasmiða).
Drátt-arbrautir
29 þing Alþýðusambands ís-
lands ályktar eftirfarandi;
Sú mikla aukning og stækk-
un fiskibátanna, sem átt hefur
sér stað á undanförnum árum,
gerir brýnar kröfur til þess.
að strax verði hafizt handa um
að byggja og stækka dráttar-
brautir á fjölmörgum stöðum á
tandinu
Það er ekki vanzalaust, að
bjóð eins og fslendinga. sem
byggir lífsafkomu sina að mjög
verulegu leyti á sjávarútvegi
skuli skorta nauðsynlegustu
tæki til að gera við fiskiskip
sín. En nú er svo komið, að
ekki er mögulegt að anna við-
gerðum. nema á litlum hluta
bessara skipa, vegna vöntunar
á dráttarbrautum.
Einnig þarf að verða breyt-
ing á, í sambandi við nýsmíði
skipa i landinu. Árlega bætist
við fiskiskipastól landsmanna
fjöldi nýrra skipa, sem smíðuð
hafa verið erlendis, en mörg
þeirra skipa hefði verið hægt
að smíða hér innanlands.
Það er þjóðhagsieg nauðsyn
að skapa skilyrði fyr>r þvi að
hægt verði að auka srníði íiski-
skipa hér, en lánsf járskorlur og
háir vextir hafa aðallega kom-
ið í veg fyrir, að svo hafi get-
að orðið.
Þingið skorar þvi á stjóm-
arvöld landsins og aðra ábyrga
aðila, að gera ráðstafanir, eins
fljótt og við verður komið, til
lausnar í þessum þjóðhagslegu
nauðsynjamálum.
(Frá fulltrúi.m málmiðnaðar-
manna og skipasmiða).
Handbók
launþega
29 þing Alþýðusambands ís-
lands samþykkir að fela vænt-
anlegri sambandsstjórn að gefa
út, eða hlutast til um að gefir>
verði út handbók fyrir laun-
þéga. •
í handbók þessari verði 61!
lög, reglugerðir, dómar og e»j-
inberar samþykktir, er varða
rétt. vernd og öryggi launþega
Lög þau, sem í handbókinni
þurfa m.a. að vera, eru: Lög
um stéttarfélög og vinnudeil-
ur, lög um rétt verkafólks til
uppsagnarfrests og launa vegna
sjúkdóma og slysa, lög um ör-
yggiseftirlit á vinnustöðum, lög
um atvinnuleysistryggingar, lög
um almannatryggingar, lög um
orlof, lög um iðju og iðnað,
lög um iðnfræðslu, lög um
tekjuskatt og útsvör, einnig
reglugerðir viðkomandi lögum
þessum svo og dóma, er skýrt
geta lög þessi.
Einnig heilbrigðissamþykktir
varðandi hverskonar vinnu-
staði og starfsgreinar, svo og
aðrar leiðbeiningar og upplýs-
ingar er launþega .varða.
(Frá fulltrúum málmiðnaðar-
manna og skipasmiða).
Öryggi
á vinnustað
Fundur fullskipaðrar sam-
bandsstjórnar Sambands bygg-
ingamanna, haldinn í Reykja-
vík laugardaginn 7. nóvember
1964, telur að mikið skorti enn
á að nægilega vel sé gætt alls
aðbúnaðar á vinnustöðum, sér-
staklega varðandi allan örygg-
isútbúnað og hollustuhætti.
Urbóta er víðast mikil þörf
enda t.d verkstæðishúsnæði
margra iðnaðarmanna naumast
bjóðandi sem vinnuhúsnæði,
svo Sem > lélegum kjöllurum,
Fi-amhald á 9. sídu.