Þjóðviljinn - 13.07.1984, Síða 6
HEIMURINN
Lausar stöður
Á skattstofu Vestfjarða er laus til umsóknar ein staða
fulltrúa til starfa við skatteftirlit. Nauðsynlegt er að
umsækjendur séu endurskoðendur eða hafi lokið
prófi í lögfræði, hagfræði eða viðskiptafræði eða hafi
staðgóða þekkingu á bókhaldi og skattskilum.
Umsóknir, ásamt upplýsingum um aldur, menntun og
fyrri störf, sendist fjármálaráðuneytinu fyrir 10. ágúst
n.k.
Fjármálaráðuneytið, 10. júlí 1984.
Lausar stöður
Á skattstofunni í Reykjavík eru lausar til umsóknar
fjórar stöður fulltrúa til starfa við skatteftirlit. Nauðsyn-
legt er að umsækjendur séu endurskoðendur eða hafi
lokið prófi í lögfræði, hagfræði eða viðskiptafræði eða
hafi staðgóða þekkingu á bókhaldi og skattskilum.
Umsóknir, ásamt upplýsingum um aldur, menntun og
fyrri störf, sendist fjármálaráðuneytinu fyrir 10. ágúst
n.k.
Fjármálaráðuneytið, 9. júlí 1984.
Lausar stöður
Á skattstofu Reykjanesumdæmis eru lausar til um-
sóknar fjórar stöður fulltrúa til starfa við skatteftirlit.
Nauðsynlegt er að umsækjendur séu endurskoðend-
ur eða hafi lokið prófi í lögfræði, hagfræði eða við-
skiptafræði eða hafi staðgóða þekkingu á bókhaldi og
skattskilum.
Umsóknir, ásamt upplýsingum um aldur, menntun og
fyrri störf, sendist fjármálaráðuneytinu fyrir 10. ágúst
n.k.
Fjármálaráðuneytið, 10. júlí 1984.
Iðntæknistofnun
íslands
Lokað verður vegna sumarleyfa 16. júlí -
3. ágúst. Þeim, sem nauðsynlega þurfa á
þjónustu stofnunarinnar að halda, er bent
á að hringja til Skrifstofu Rannsóknar-
stofnana atvinnuveganna, sími 26588.
I^l Kópavogsbúar -
Grænlandsferð
Nokkrum Kópavogsbúum gefst kostur á að
heimsækja vinabæ Kópavogs á Grænlandi, Ang-
magssalik, og dvelja þar vikuna 31. júlí 7. ágúst.
Nánari upplýsingar gefur Ásthildur Pétursdóttir í síma
40159.
Vinabæjarnefnd Kópavogskaupstaðar
Útför mannsins míns
Jóns Sigurðssonar
fyrrverandi formanns Sjómannasambands íslands
fer fram frá Dómkirkjunni mánudaginn 16. júlí nk. kl. 13.30.
Blóm afþökkuð, en þeim sem vildu minnast hans er bent á
líknarfélög.
Jóhanna Guðmundsdóttir.
Eiginmaður minn,
Ragnar Jónsson,
forstjóri
lést á Borgarspítalanum 11. júlí.
Björg Ellingsen
börn og tengdabörn
Upphefd
frá Frakklandi
Sem fyrr er ritað, voru Alavítar
yfirleitt í litlum metum frá því að
valdatíð ísmailssinna lauk í Sýr-
landi. f ríki Mamlúka og síðar
ósmans-Tyrkja var yfirstéttin þar
súnnísk, en annarrar trúar menn,
hvort heldur þeir voru kristnir eða
af múhameðskum „sértrúarflokk-
um“, urðu að sætta sig við að vera
annars flokks þegnar og máttu
þakka fyrir ef þeir sluppu við of-
sóknir. En hagur Alavíta hækkaði
skyndilega eftir fyrri heimsstyrj-
öld, er Frakkar tóku við stjórn í
Sýrlandi. Súnnítar tóku þeirri
breytingu af engri vinsemd; hin
gamalgróna yfirstétt úr þeirra hópi
óttaðist valdamissi og horfði með
söknuði um öxl til Tyrkjatímans,
auk þess sem margir Súnnítar,
einkum þeir sem einhverja
menntun höfðu hlotið, hölluðust
að arabískri þjóðernishyggju, er þá
var farið að vaxa fiskur um hrygg
og beindist nú gegn Evrópu-
i mönnum.
Frakkar hlóðu því undir Alavíta,
sem litla ástæðu höfðu til að sakna
Tyrkjatímans og litu því svo á, að
þeir hefðu allt að vinna með því að
koma sér vel við hina nýju hús-
. bændur. Tóku Frakkar þá einkum í
her þann, er þeir höfðu til gæslu í
Sýrlandi, en þann her tók hið
, sjálfstæða Sýrland í arf, er það varð
til íheimsstyrjöldinni síðari. Víðast
hvar í þriðja heiminum fara saman
vopn og völd, og það gildir um Sýr-
land. Þegar Frakkar fóru þaðan á
brott, voru Alavítar þegar miklu
eða mestu ráðandi í hernum, og í
gegnum herinn náðu þeir síðan
völdum í Baþflokknum, ríkisflokki
landsins undanfarin ár, og þar með
j í ríkisstjórninni. (Upphaflega voru
i aðrir en Alavítar mestu ráðandi í
J þeim flokki, ekki síst menntamenn
j af kristnum ættum.)
Súnnítar brugðust stórilla við
þessum gangi mála. Þeir sjálfir,
valdhafar landsins um langan aldur
og þar að auki mikill meirihluti
íbúa þess, voru nú völdum sviptir
að mestu, en Alavítar, sem í alda-
raðir höfðu verið hafðir í hvað
mestu forakti af landsmönnum,
sportuðu sig nú á valdastólum. Illt
verra - eða jafnvel miklu verra -
gerði að mati Súnníta, að Alavítar
voru að þeirra dómi miklir villu-
menn; raunar munu þeir varla eða
alls ekki taldir til Múhameðinga í
Súnnasið. Samkvæmt íslömskum
réttrúnaði eiga pólitísk völd að
vera í höndum sanntrúaðra Mú-
hameðinga einna, og því lá beint
við fyrir Súnníta að telja upphefð
Alavíta gróft brot á lögmáli Allah.
Þar að auki hafa margir íhalds-
samir og strangtrúaðir Súnnítar ill-
an bifur á Baþflokknum sem slík-
um. í stefnuskrá flokks þessa vefst
saman einskonar sósíalismi, ara-
bísk þjóðernishyggja og veraldar-
hyggja; í því síðastnefnda felst, að
flokkurinn vill halda stjórnmálum
og trúarbrögðum aðskildum og
fullt pólitískt jafnrétti fyrir alla
trúarflokka. Sú afstaða er að sjálf-
sögðu í hag minnihlutatrúarflokk-
um eins og kristnum mönnum og
Alavítum, en einmitt hún er mörg-
um Súnnítum þyrnir í augum, þar
eð þeir líta svo á, að samkvæmt
íslamskri hefð eigi þeirra trú að
hafa tvímælalausan forgang fram-
yfir aðra.
Ógnaröld
Forustu í andófi Súnníta gegn
hinni alavísku Baþistastjórn Ass-
ads forseta tók fljótlega íslamska
bræðralagið svokallaða, sem mikið
fylgi hefur í Sýrlandi og Egypta-
landi. Bræðralag þetta er eitt
þeirra samtaká, sem mest hefur
borið á í strangtrúarhreyfingu
þeirri. sem undanfarið hefur verið
svo ofarlega á baugi í Islams-
löndum, og það herskáasta af þeim
öllum, mikið fyrir manndráp og
önnur hryðjuverk. Það þykir og
hafa talsverðan svip af dervisjum,
dultrúarkenndum reglum innan fs-
lams. Iðkanir sumra þeirra hópa að
minnsta kosti ganga talsvert út á
það að falla í einskonar leiðslu,
verða frá sér numinn, ganga
jafnvel berserksgang, ef þannig
stendur á. Þegar þesskonar iðkanir
eru samfara bjargfastri trú á algert
réttmæti og heilagleika málstaðar
þess, er barist er fyrir, og
sannfæringu um eilífa sælu og para-
dísarvist fyrir hvern þann, sem
deyr í þágu hugsjónarinnar, má lík-
legt telja að með þeim sé hægt að
framleiða skæruliða og hryðju-
verkamenn, sem fátt eða ekkert
láti hræða sig frá ætlunarverkum
sínum.
Innrás Sýrlendinga í Líbanon,
sem upphaflega var gerð til hjálpar
kristnum mönnum þarlendis, er
voru þá að þrotum komnir í viður-
eign sinni við Palestínumenn og lí-
banska bandamenn þeirra, virðist
hafa magnað mjög andófið gegn
stjórn Assads, enda súnnískir Sýr-
lendingar yfirleitt á bandi Palest-
ínumanna (sem að meirihluta til
eru Súnnítar) og líbanskra Mú-
hameðstrúarmanna. Hófst nú
mögnuð hryðjuverkaalda, senni-
lega fyrst og fremst af völdum ís-
lamska bræðralagsins, sem tók á
sig svip útrýmingarherferðar gegn
Alavítum í stjórnkerfi, her og
leyniþjónustu. Herforingjar af
Súnnatrú virðast hafa verið í makki
við bræðralagið, og stundum kom-
ust átökin á það stig, að jaðraði við
borgarastyrjöld. Eitt mesta hryðj-
uverk sitt frömdu bræðralagsmenn
íjúní 1979, ervopnaðirmenn rudd-
ust inn í herforingjaskólann í Al-
eppó og skutu til bana sextíu og
þrjá menn af Alavítatrú. Yfirleitt
var óöldin mest í norðurhluta
landsins, ekki síst í borgunum Al-
eppó, Hama og Latakíu og víðar á
svæðunt í námunda við helstu
byggðir Alavíta. Stjórnin svaraði
fyrir sig af fullu vægðarleysi, þann-
ig kvað herinn í ársbyrjun 1981
hafa drepið um tvö hundruð stjórn-
arandstæðinga, sennilega bræðra-
lagsmenn eða stuðningsmenn
þeirra í Aleppó, og í mars sama ár
strádrápu hermenn um fimm
hundruð fanga í fangelsum Palmýr-
uborgar. Átökin virðast hafa náð
hámarki í ársbyrjun 1982. I janúar
það ár voru um fimmtíu herforingj-
ar, sennilega Súnnítar, teknir af
lífi, að sögn vegna hlutdeildar í
samsæri gegn stjórn Assads. í fe-
brúarbyrjun kom til beinnar upp-
reisnar í Hama og voru nokkrir
tugir hermanna þá drepnir. Um-
kringdu hersveitir þá borgina,
lögðu um fjórðung hennar í rústir
og drápu um þrjátíu þúsund
manns, samkvæmt ágiskun frétta-
manna.
Tilgangur Sýrlandsstjórnar með
þessum ógnaraðförum virðist eink-
um vera sá, að sýna íslamska
bræðralaginu og raunar Súnnítum
landsins í heild fram á, að hryðju-
verkaherferðin gegn stjórninni
borgi sig ekki; fyrir hverja tíu
stjórnarmenn, sem skotnir séu eða
sprengdir í loft upp, muni stjórnin
slátra hundrað eða þúsund af
bræðralagsmönnum eða kannski
bara einhverjum, sem líklegir
kunna að þykja til að hafa samúð
með þeim. Einhvern árangur kann
þessi aðferð að hafa borið í svipinn,
því að síðastliðið ár hefur tiltölu-
lega lítið frést af hermdarverkum
gegn stjórninni í Sýrlandi.
Dauðadómur
stórmúftans
í ógnarstjórninni lýsir sér ótti
valdahópsins kringum Assad við
valdamissi og útrýmingu. Með sér
hafa þeir Assad Alavíta, trúbræður
sína, en ekki marga aðra. Á bakvið
stefnu þeirra, jafnt í innanríkis- og
utanríkismálum, sem fylgt hefur
verið fram af miskunnarleysi og
klókindum, má greina hugarfar fá-
menns trúarflokks, sem engum
treystir nema sjálfum sér og leitast
kerfisbundið við að hindra myndun
hverskyns bandalaga á svæðinu
umhverfis sig. Assad og félagar
hans hafa reynt að koma sér í álit í
Arabaheiminum með harðlínuaf-
stöðu gagnvart Israel og með því að
reyna að láta líta svo út, að þeir séu
sérstakir verndarar Palestínu-
manna, en þar eð þeir óttast hugs-
anlega samstöðu PLO og stjórnar-
andstöðuaðila í Sýrlandi, gera þeir
sér allt far um að hindra, að PLO
eflist stórlega, brugðu þannig fæti
fyrir Palestínumenn í Líbanon og
hafa seint og snemma stuðlað að
klofningi í röðum þeirra. í sam-
ræmi við þetta lítur Sýrlandsstjórn
batnandi samkomulag Palestínu-
manna og Hússeins Jórdaníukon-
ungs illu auga og er í því sambandi
grunuð um að róa undir óspektir í
Jórdaníu. Kannski óttast Assad og
hans menn ntest af öllu, að á lagg-
irnar komist einskonar súnnískt
bandalag Jórdaníu, Palestínu-
manna og Múhameðstrúarmanna í
Líbanon, en slíku bandalagi væri
trúandi til að efla súnnísku stjórn-
arandstöðuna í Sýrlandi. Samstaða
Palestínumanna og líbanskra sam-
taka, sem sækja liðsstyrk sinn eink-
um til Súnníta, sýnir að þessi ótti er
ekki ástæðulaus; þannig börðust lí-
banskir Súnnítar með Arafat í
Trípólí nýverið Og stórmúftinn af
Jerúsalem, helsti trúarleitogi
súnnískra Palestínumanna, tók ný-
lega beinlínis afstöðu með ísl-
amska bræðralaginu með því að
bannfæra Assad og hvetja opin-
skátt til þess, að hann yrði myrtur.
Hét stórmúftinn því um leið að
hver sá er banaði Sýrlandsforseta
og léti sjálfur lífið fyrir vikið, skyldi
komast tafarlaust til Paradísar.
í Líbanon hafa Assad og hans
menn frá upphafi leitast við að
deila og drottna, stutt hina ýmsu
aðila til skiptis og reynt að hindra,
að nokkur ein fylking yrði hinum
yfirsterkari. Þar hafa þeir hegðað
sér af sama purkunarleysinu og
heimafyrir, stilltu þannig fallbyssur
stórskotaliðs síns beint á íbúða-
hverfin í Austur-Beirút og Zahle,
þegar þeir voru að reyna að berja
kristna menn til hlýðni, og grunur
leikur á, að leyniþjónusta þeirra
hafi ráðið af dögum ýmsa þá leið-
toga líbanska, sem mest sópaði að
og líklegastir voru til sterkrar for-
ustu, svo sem Kamal Júmblatt,
leiðtoga Drúsa, og bróður Gemay-
els, núverandi Líbanonsforseta.
Hryðjuverkahópar þeir, sem und-
anfarið hafa mest beitt sér gegn
Bandaríkjamönnum og Frökkum
þarlendis, kunna einnig að njóta
stuðnings sýrlensku leyniþjónust-
unnar.
dþ.
6 SÍÐA - ÞJÓÐVILJINN Föstudagur 13. júlí 1984
Beirut eftir sýrlenska stórskotahríð í Líbanon og víðar reyna Alavítar
að della og drottna.