Þjóðviljinn - 13.07.1984, Síða 17
LANDtÐ
Fótboltinn
Ætlum að fylgja
FH ífyrstudeild
Nýi malarvöllurinn bœtir aðstöðu ÍBÍ verulega.
KSIþarfað „hugsa rœkilega“ um hag landsbyggðarfélaganna.
Þaö rigndi duglega á malar-
vellinum viö botn Skutuls-
fjarðar föstudagskvöldið sem
Framarar slógu ÍBÍ úr bikarn-
um þrátt fyrir góð tilþrif græn-
klæddra heimamanna,
hættulegar sóknarlotur og
markfæri í seinni hálfleik.
„Það er alltaf sárt að tapa, en
ég er ekki óhress“ sagði okk-
ur Jakob Ólafsson á leiðinni
úteftir að leik loknum. Hann er
formaður Knattspyrnuráðs-
ins. „Munurinn var ekki mikill
og við áttum skilið að jafna“.
- Við vorum ekki á grasvell-
inum, - útaf bleytunni. Hann er
ekki búinn að jafna sig eftir
slæma kafla um daginn og vallar-
stjóri sagði að völlurinn yrði
önothæfur þrjá til fjóra leiki ef
við lékjum þar núna. En við erum
á móti því að spila á möl.
Þið félluð strax niðrúr 1.
deildinni ífyrra. Er ísafjarðarlið-
ið fyrstudeildarlið eða annarrar-
deildarlið?
- Þessu er erfitt að svara.
Munurinn á milli flestra liða í
fyrstu deild og bestu liðanna í
annarri er svo óskaplega lítill að
það byggir á heppni hvorum
megin liðin lenda. Það var
óheppni hjá okkur að falla í fyrra,
sem sést best á því að
Vestmannaeyingar, sem féllu á
kæru, eru núna fyrir neðan okkur
í annarri deild.
- Breytingar á liðinu, - jú
það hættu fjórir fastamenn hjá
okkur og fóru í önnur lið.Þetta er
orðið algengt hjá liðunum núna
að fjórir til fimm menn fari á
hverju ári. Áður var hver maður
hjá sínu félagi. En auðvitað spilar
inní að liðið féll. Það koma koma
menn í staðinn, þarámeðal að
sunnan úr Kópavogi og Reykja-
vík. Það er enginn fastur í sínu
félagi lengur, menn meta sína
stöðu og sjá út hvar þeir eiga
besta möguleika. Þeir kæmu
varla ef þeir gætu gengið að fastri
stöðu í fyrstudeildarliði, en þeir
eiga líka auðvelt með að komast í
góða vinnu hér, það getur verið
ákveðinn vandi fyrir sunnan.
Nýr þjálfari, Gísli Magnússon
úr Eyum?
- Já, og reynist vel. Við höf-
um lent í næstum árvissum vanda
með þjálfara undanfarið, - feng-
um Gísla ekki fyrren viku fyrir
fyrsta leik í sumar og það háir
auðvitað honum og liðinu.
Æfingar?
- Meistaraflokkurinn æfir á
grasinu og kvennaliðið að nokkru
leyti, en yngri flokkarnir allir á
mölinni innfrá. Aðstaðan hér á
vorin og veturna er slæm, malar-
völlurinn á kafi í snjó, og innisal-
urinn í sundhallarhúsinu mjög lít-
ill, þetta hefur háð okkur geysi-
lega. En nýi malarvöllurinn innaf
grasinu ætti að bæta úr þessu.
Annað sport en boltinn?
- Það eru auðvitað skíðin yfir
veturinn, og golf; sundið er líka
mjög líflegt. Og körfubolti, en
allir leikirnir hafa verið spilaðir
fyrir sunnan nema í vor útí Bol-
ungarvík. Handbolti? Nei, það
var reynt eitthvað fyrir nokkrum
árum en aðstaðan leyfir það ekki.
- Þetta er mest fótbolti. Við
höfum lagt áherslu á yngri flokk-
ana, þar eru fyrstudeildarlið
framtíðarinnar, - rekum núna
knattspyrnuskóla fyrir sjötta
flokk með góðri þátttöku. Svo
erum við með fyrstudeildarlið í
kvennaboltanum, - þetta er
fjórða árið sem þær eru að og
unnu sig uppúr annarri deild á
tveimur árum, enda mikill áhugi.
Það eru byrjaðar æfingar hjá
yngri stelpum og von á góðu liði
áfram.
Suðvesturhornið er langsterk-
ast í boltanum, - hvernig ganga
landsbyggðarliði samskiptin við
Faxaflóasvœðið ?
-Við eigum mjög góð sam-
skipti við félögin syðra. Við finn-
um fyrir miklum mun á aðstöðu
hjá til dæmis
Reykjavíkurfélögunum og svo
okkur útá landi. En við kennum
félögunum ekki um það. Við vilj-
um leyfa öllum flokkum að vera
með í íslandsmótinu. Við eigum
þá fimm leiki í hverjum flokki í
Reykjavík og þurfum þaraðauki
að fljúga þangað til að fara svo
lengra, í Borgames, til Þorláks-
hafnar, Grindavíkur,
Hveragerðis... Stundum finnst
okkur á mörkunum að þetta sé
hægt. í meistaraflokknum eru tíu
útileikir og í kvennaboltanum
fimm og hver ferð kostar um 30
þúsund.
- Eitt enn: Reykjavíkurfé-
lögin taka flugvél á leigu útá land
og láta hana bíða og fara með
henni aftur heim. Ef við gerðum
þetta þyrftum við að fá hana
tóma frá Reykjavík og senda
hana tóma til baka. Þetta verður
ennþá verra í annarri deild en
fyrstu, hún er miklu dreifðari um
landið og þarf oft að fara utanvið
allar flugáætlanir.
- KSÍ þarf að fara að hugsa
rækiiega um hvað hægt er að gera
til að laga þetta. Við verðum að
geta verið með, og þegar ég segi
við er ég að tala um alla lands-
byggðina.
Komist þið uppí fyrstu aftur í
sumar?
- FH-ingar eru nánast búnir að
tryggja sér sæti, en við ætlum að
fylgja þeim upp. Hræddur við
Völsunga? - Nei, við megum
ekkert vera það! Þeir byrjuðu vel
í fyrra líka, en svo datt botninn úr
þessu hjá þeim. Okkur hefur ekki
gengið nógu vel í sumar,vorum
óheppnir að fá Gísla svona seint í
þjálfunina, en núna er þetta að
koma.
Traust og vönduð hús
r
Otæmandi möguleikar
Afgreiðslutími einingahúsa frá SAMTAKI er oftast
3 — 6 mánuðir. Þau er hægt að fá á öllum mögulegum
byggingarstigum, allt frá því að vera fokheld til þess að
vera fullþúin.
Þau er hægt að flytja hvert á land sem er. Það kemur
sér vel þar sem skortur er á iðnaðarmönnum.
Engin tvö einingahús eru eins. Til þess eru valmögu-
leikarnir allt of margir. Sérhvert hús er lagað til eftir þínum
óskum. Einingahús eru því aldrei eins.
Verð og greiðslukjör
Hjá okkur kostar 124 m2 hús með milliveggjum og
fullfrágengin að utan kr. 845.000. Lán Húsnæðisstofnun-
ar er meira en kr. 649.000 fyrir 2 — 4 manna fjölskyldu.
Greiðslukjör eru ávallt samningsatriði. Sláðu á þráðinn
til okkar og við sendum þér upplýsingabækling okkar. Þar
finnurðu örugglega hús sem þér hentar. Sýningarhús á
Selfossi.
SÍMI: 99-2333
AUSTURVEGI 38 I
800 SELFOSSI