Þjóðviljinn - 13.02.1985, Blaðsíða 13

MENNING
Skíðaskáiinn í Hveradölum
hefur tekið stakkaskiptum í
vetur, eins og meðfylgjandi
myndir bera með sér. Byggður
hefur verið mikill glerskáli fyrir
framan gamla húsið, jafnframt
því sem súðin á útbyggingu í
suðurenda skálans hefur verið
hækkuð til jafns við meginþak-
ið og útbyggingin breikkuð til
jafns við meginskálann. Þá
hefur verið steypt upp aðstaða
fyrir heita potta og gufubað.
Framkvæmdir þessar hafa
sætt nokkurri gagnrýni í borg-
arstjórn Reykjavíkur, en
Reykjavíkurborg er eigandi
skálans. Hafa framkvæmdir
við glerskálann verið stöðvað-
ar af borgarráði meðan leitað
er tilskilinna leyfa, og Gerður
Steinþórsdóttir borgarfulltrúi
hefur borið fram tillögu þess
efnis að skálinn verði friðaður,
en yrði slíkt samþykkt þyrfti
væntanlega að fjarlægja gler-
skálabygginguna.
Gjörbreytt
útlit
Gamli Skíðaskálinn er norskt
stokkhús, sem pantað var frá
Noregi árið 1934, og hefur verið
talið eitt þeirra húsa í eigu borg-
arinnar, sem varðveislugildi
hafa. Rekstur og viðhald skálans
var hins vegar komið í ólestur
Skíðaskálinn í Hvera-
dölum breytir um svip
Skíðaskálinn í núverandi mynd
þegar skálinn var leigður Carli
Jóhansen veitingamanni í
Veislumiðstöðinni fyrir rúmu ári.
Þjóðviljinn brá sér á staðinn og
skoðaði breytingar á húsinu með
Herjólfi Jóhannssyni smið. Ljóst
er að viðbyggingin gjörbreytir
ytra útliti hússins, og hefur bygg-
ingarnefnd Reykjavíkur verið
með efasemdir um burðarþol
glerþaksins vegna lítils halla.
Innan dyra hafa verið gerðar tals-
verðar umbætur á húsinu. Setu-
stofa með bar er innréttuð í kvist-
herbergjunum sem áður fyrr voru
leigð til gistingar. Umhverfi eld-
stæðisins niðri hefur einnig verið
breytt og þar komið fyrir bar.
Þriðji barinn er síðan í kjallara,
en þar er einnig verið að ganga
frá öðrum matsal.
Lá undir
skemmdum
Carl Jóhansen sagði í samtali
við blaðið að Skíðaskálinn hefði
verið mjög illa farinn þegar hann
tók við honum, og húsið vart
haldið regni eða vindi, auk þess
sem hitalögn hefði verið ónýt. Þá
hefði skálinn ekki lengur getað
gegnt sínu hlutverki við móttöku
skíðafólks, þar sem ekki var hægt
að hleypa fólki inn á skíðaskóm.
Sagði Carl að viðbyggingin ætti
að gegna því hlutverki að taka á
móti skíðafólki, þaryrði hellulagt
upphitað gólf. Þar verða í fram-
tíðinni bornar fram léttar veiting-
ar á meðan veitingasalirnir inni
verða með almenna veitinga-
þjónustu fyrir einstaklinga og
einkasamkvæmi.
Arðsemi og
sögulegt gildi
Carl sagðist hafa lagt mikla
vinnu í það að bjarga húsinu frá
skemmdum. Steypuveggir í kjall-
ara hefðu verið vatnsvarðir og
sett ný ntöl að húsinu. Hitalögn
utan dyra endurnýjuð, en skálinn
er nú kyntur með vatni sem hitað
er upp í hver um 1,5 km frá hús-
inu. Þá hefur rafmagn í húsinu
verið endurnýjað, innréttingar í
kjallara og fleira. Carl sagðist
hafa látið borgarráð vita áður en
hann hóf framkvæmdirnar, en
hins vegar hefði hann verið ein-
um of fljótur á sér því hann hefði
ekki enn fengið tilskilin leyfi frá
heilbrigðiseftirliti. - Ég hóf bygg-
ingu glerskálans fyrir áramótin til
þess að geta klárað þetta fyrir
vorið. Við höfum lagt nótt við
dag hérna, - sagði Carl, - og ég
ætla mér ekki annað en að reka
hér gott fyrirtæki, sem gæti jafn-
framt orið til að bjarga skálanum
sem lá undir skemmdum. Mér
þykir það hart ef á nú að fara að
rífa þetta út úr höndunum á
manni og ég skil ekki þau sjón-
armið.
Eins og sjá má af meðfylgjandi
myndum er hér tekist á um þau
markmið að vernda hús sem á sér
sögulegt gildi og jafnframt að
skapa þann grundvöll fyrir notk-
un þess, sem getur staðið undir
eðlilegu viðhaldi. Trúlega hefði
mátt finna betri leiðir til að sam-
ræma þessi markmið ef staðið
hefði verið að framkvæmdum
með meiri forsjálni.
Þess má að lokum geta að
Skíðaskálinn er opinn fyrir
veitingasölu og einkasamkvæmi í
vetur þrátt fyrir framkvæmdirnar
sem þar standa yfir. ólg.

Skíðaskálinn í upprunalegri mynd.
Myndin er tekin einhvern tímann í
kringum 1940.
Herjólfur Jóhannsson smiður inni
í glerskálanum, þar sem aðstaða
verður fyrir skíðafólk.
Útbygginu suður af kvisti hefur
verið breytt: súðin hækkuð og út-
bygging breikkuð til samræmis
við gömlu veröndina. Eins og sjá
má er glerskálinn mikill að flatar-
máli.
Heitir pottar, gufubað og aðstaða
til útigrills hefur verið steypt upp
sunnan við söluskálann. Ætlunin
er að taka þetta i notkun næsta
sumar.
Miðvikudagur 13. febrúar 1984 ÞJÓÐVILJINN - SÍÐA 13