Þjóðviljinn - 13.02.1985, Blaðsíða 15

ÍÞRÓTTIR
Skíði
Tvöfalt hjá
Guðmundi
Guðmundur Jóhannsson frá
ísafirði sigraði tvöfalt, í svigi og
stórsvigi, á fyrsta punktamóti
vetrarins, Myllumótinu, sem
haldið var í Bláfjöllum um helg-
ina. Snædís Úlriksdóttir, Akur-
eyri, sigraði í stórsvigi kvenna og
Guðrún Kristjánsdóttir, Akur-
eyri, í svigi kvenna.
Fyrsta bikarmót unglinga í
alpagreinum fór fram í Hlíðar-
fjalli við Akureyri. Brynjar
Bragason, Akureyri, sigraði bæði
í svigi og stórsvigi drengja,
Kristín Ólafsdóttir, Reykjavík, í
svigi stúlkna og Kristín Jóhanns-
dóttir, Akureyri, í stórsvigi
stúlkna.
V-Þýskaland
Happel kyrr
í Hamborg
Frá Jóni H. Garðarssyni frétta-
manni ÞjóðviljansíV-Þýskalandi:
Ernst Happcl þjálfari Ham-
burger SV hefur skrifað undir
nýjan samning við félagið, til
tveggja ára. Þar með er ljóst að
hann fer ekki til starfa í ítölsku
knattspyrnunni eins og jafnvel
stóð til, a.m.k. ekki fyrr en haust-
ið 1987.
Sund
Gross með
tvö met
Frá Jóni H. Garðarssyni frétta-
manni Þjóðviljans í V-Þýskalandi:
Michael Gross setti tvö heims-
met í sundi um helgina. Hann er
ekki vanur að taka þátt í iengri
sundunum en hann sló til og bætti
heimsmet Sovétmannsins Salnik-
ovs í 800 m skriðsundi, synti á
7:38,35 mín.. Síðan bætti hann
eigið heimsmet í 200 m flugsundi
um 2/100 úr sekúndu, synti á
1:54,78 mín..
Lyftingar
Meistaramót
í Grindavík
Kraftlyftingameistaramót ís-
Iands undir 23 ára verður haldið í
Festi, Grindavík, laugardaginn
23. febrúar, kl. 12. Vigtun verður
kl. 10. Þátttökutilkynningar
þurfa að berast til Óskars Sigur-
pálssonar fyrir 17. febrúar í
Orkubót, Grensásvegi 7, sími 91-
39488. ____________
Knnar
Ormar
á gulli
Bandaríkjamenn ætla sér að
nýta gróðann af Ólympíuleikun-
um í Los Angeles sl. sumar alfarið
í eigin þágu - þeir ætla ekki að
skipta honum á milli þátttöku-
þjóða eins og Alþjóða Olympíu-
nefndin fór framá. „Með slíkri
skiptingu er verið að kasta fjár-
munum á glæ“, segja Kanar, sem
ætla að verja fénu til aukinna
samskipta við aðrar þjóðir. Það
telst víst ekki sóun á þeim bæ.
Guðmundur Guðmundsson átti mjög góða leik í gærkvöldi og hér hefur hann brotist framhjá Mrkonja í horninu og skorar eitt fjögurra marka sinna. E.ÓI.
Frábœrt
Leikur sóknarinnar
Handbolti íheimsklassa þegar Júgóslavar sigruðu Islendinga
24-23 ígœrkvöldi. Sigurmark á síðustu sekúndu. Bogdan
ánœgðurmeð alltnema úrslitin
Ekki lágu Ólympíumeistararn-
ir í Laugardalshöllinni í gær-
kvöldi - en það er erfitt að
kvarta. Frábær leikur tveggja
stórgóðra liða, jafnt á öllum
tölum frá 3-3 til leiksloka - og, í
lokin, stórkostlegt sigurmark frá
skeggjaða snillingnum Vujovic
eftir aukakast, 3 sekúndum fyrir
leikslok. Lokatölur 24-23, og eins
og Kristján Arason sagði eftir
leikinn, var hægt að vera ánægð-
ur með 59 mínútur og 55 sekúnd-
ur - fyrir rothögginu í lokin var
varla hægt annað en að klappa.
Aftur fær íslenska liðið á sig
úrslitamark á síðustu sekúndu.
„Þetta var allt annað en gegn
Tékkum. Vujovic er 1,97 m á hæð
og með gífurlegan stökkkraft.
Það voru enn 3 sekúndur eftir og
möguleiki á sendingu áður en var
skotið, það var ekkert við þessu
að gera“, sagði Bogdan landsliðs-
þjálfari.
Júgóslavar voru komnir í 0-2
áður en menn höfðu komið sér
fyrir, og áður en íslenska vömin
hafði áttað sig á snerpu þeirra og
útsjónarsemi. Síðan 1-3 en þá
komu þrjú frábær íslensk mörk
eftir pottþéttar fléttur, 4-3, og
eftir það munaði aldrei meiru en
einu marki á liðunum. Staðan 10-
11 í hálfleik fyrir Júgóslava og í
fyrri hálfleiknum sýndu bæði lið
allt sitt besta í sóknarleiknum.
Með leikfléttunum var opnað
hvað eftir annað fyrir íslensku
skyttunum sem röðuðu inn mörk-
um gegn hinum hávöxnu ands-
tæðingum sínum. Júgóslavarnir
sýndu líka snilli sína - það var
ekkert grín að vera markvörður í
þessum leik. Vörn íslenska liðs-
ins mátti aldrei stíga skrefi of
langt, þá voru Júkkarnir búnir að
stinga sér innum bakdyrnar og
skora.
Fyrstu 10 mínútur seinni hálf-
leiks voru hrein sýning. ísland
nýtti sex fyrstu sóknir sínar og
Júgóslavar fjórar sínar fyrstu og
fsland því yfir, 16-15. Aftur náð-
ist forysta, 17-16 og 18-17, en þá
gerðu Júkkar tvö og það sem eftir
var leiddu þeir með einu eða
engu. Þeir klúðruðu langdreginni
sókn þegar 1,45 mín. var eftir en
léku síðan vörnina frábærlega,
komu íslenska liðinu í vandræði
og skot Sigurðar Gunnarssonar
55 sek. fyrir leikslok var auðveld-
lega varið af Basic. Spennan var
gífurleg lokamínútuna, Júgósla-
var með boltann, og svo kom
aukakastið...
„Eg er ánægður með allt nema
úrslitin“, sagði Bogdan í samtali
við Þjóðviljann. „Þetta gekk
mjög vel en það er alltaf erfitt að
leika við Júgóslava, þeir eru alltaf
jafn góðir. Náum við sama
,rstandard“ í Eyjum og á
fimmtudagskvöldið? Það verður
mjög erfitt en ég ætla í þeim
leikjum að gefa fleirum tækifæri.
í kvöld var númer eitt að ná sigri,
leikurinn þróaðist þannig að ég
varð að keyra hann mest allan á
sömu mönnunum", sagði Bog-
dan.
Sóknarleikur íslenska liðsins
riðlaðist um miðjan seinni hálf-
leik þegar „klippt“ var á Kristján
hægra megin. „Það er erfitt að
spila þegar maður er klipptur
svona. Ég fékk þá aldrci boltann á
ferð og sóknin hikstaði. En við
áttum góðan leik og handbolta-
lega séð var þetta mjög gott“,
sagði Kristján.
Það var gaman að sjá hve sókn-
arleikurinn var annars árang-
ursríkur. Þegar klippt var á skytt-
urnar voru önnur ráð í pokahorn-
inu og Guðmundur Guðmunds-
son og Bjarni Guðmundsson
voru þá sérstaklega skæðir í horn-
unum - galopnuðu júgóslavn-
esku vörnina oft glæsilega. „Þetta
er allt saman taktík, hrein taktík,
og hún gekk vel. Það var grátlegt
að tapa þessu eftir góðan leik í 60
mínútur á smá óheppni í lokin.
Ekkert annað en jafntefii hefði
verið sanngjarnt en við getum vel
unnið þá í þessum tveimur
leikjum sem eftir eru ef við náum
góðum leik“, sagði Bjarni.
Að tína einstaka menn útúr er
kannski ekki sanngjarnt. Liðs-
heild íslenska liðsins er orðin
ótrúlega sterk, allir vinna fyrir
alla og Bogdan hefur svo sannar-
lega unnið fyrir kaupinu sínu.
Sigurður Gunnarsson, Atli Hilm-
arsson og Guðmundur Guð-
mundsson blómstruðu best og
stigu varla feilspor. Þetta var
leikur sóknarinnar hjá báðum
liðum, lítið um tilþrif í vörn og
marki. Basic varði þó þokkalega
og Brynjar Kvaran tók mikla
rispu þegar hann kom í íslenska
markið 10 mínútum fyrir leiks-
lok. Júgóslavneska liðið er eitt
það albesta sem hingað hefur
komið og engin skömm að tapa
fyrir því.
Mörk islands: Kristján Arason 6(3v),
Atli Hilmarsson 5, Guðmundur Guð-
mundsson 4, Sigurður Gunnarsson 3,
Bjarni Guömundsson 3 og Þorbjörn Jens-
son 2.
Mörk Jugóslavíu: Vujovic 6, Cvetkovic
5, Isakovic 5(1 v), Vukovic 4, Elezcvic 2,
Mrkonja 1 og Kuzmanovski 1.
Danirnir Palle Thomasen (eina
ferðina enn!) og Leif Eliasen
dæmdu og voru lélegustu menn
vallarins. Það má fara að reyna
eitthvað nýtt.
Þjóðirnar mætast að nýju í
Vestmannaeyjum kl. 19.30 í
kvöld. Ef ekki verður gott útlit
um flug á hádegi verður leikurinn
færður yfir í Digranes í Kópa-
vogi. _VS
England
Arsenal
burstað
Liverpool gekk gjörsamlega frá
Arsenal í ensku 1. deildinni í
knattspyrnu í gærkvöldi. Þetta
átti að vera sjónvarpsleikurinn
okkar á laugardaginn. Arsenal
átti aldrei minnstu möguleika og
var heppið að sleppa 3-0 tap.
Það voru Ian Rush, Phil Neal
og Ronnie Whelan sem skoruðu
mörk meistaranna. Rush leyfði
sér þann munað að brenna af
vítaspyrnu og Liverpool átti tvö
stangarskot. Liverpool er þá í
sjöunda sæti 1. deildarinnar með
42 stig, þremur stigum á eftir
Manchester United sem er í
þriðja sætinu. Meistararnir efu
greinilega komnir á skrið og
verða með þessu áframhaldi í
baráttunni um efstu sætin, þrátt
fyrir allt. - VS
Miðvikudagur 13. febrúar 1984 ÞJÓÐVIUINN - SÍÐA 15