Þjóðviljinn - 14.03.1987, Side 2

—SPURNINGIN-
Hvernig finnst þér að fá
snjóinn aftur?
Sigurgeir Jóhannes
Björnsson 5 ára:
Ekki gaman. Það er alltaf svo kalt
úti - það er leiðinlegt. Það er bara
gaman þegar hægt er að vera á
snjóþotu og þegar hægt er að
gera snjókarla og kerlingar.
Sveinbjörn Jónsson 5 ára
Voða gaman að búa til snjóbolta
og karla og kerlingar.Mér finnst
hafa verið voða lítill snjór í vetur.
Berglind Anna Hilmarsdótt-
ir 5 ára:
Bara gaman. Gaman að búa til
snjókarla. Bara dálítið kalt - það
er svo voða leiðinlegt. •
Bjarni Guðmundsson 5 ára:
Gaman að fá snjóinn aftur. Það
er alltaf svo gaman að hafa snjó.
Sérstaklega þegar hægt er að
hnoða voða stóra körfubolta úr
snjó, sem maður hendir svo í
körfuna.
Hulda Sif Úlfarsdóttir 4 ára
Allt skemmtilegt við snjóinn. Mér
finnst dálítið kalt. Ég leik mér
aldrei á sleða, - bý bara til svona
karla og kerlingar - þú veist.
FRÉTTIR
Sauðárkrókur
Framlagi NATO hafnað
Þjóðmálafélag Fjölbrautaskólans á Sauðárkróki hafnar
framlagiúr mannvirkjasjóðiNATO við uppbyggingu
varaflugvallar á Sauðárkróki. Styður staðsetningu flugvallarins
A40 manna fundi í þjóðmálafé-
lagi Fjölbrautaskólans á
Sauðárkróki var samþykktur
stuðningur við að varaflugvöllur
yrði staðsettur á Sauðárkróki, en
jafnframt gerð sú krafa að upp-
bygging hans yrði ekki fjár-
mögnuð með framlagi úr
mannvirkjasjóði NATO.
Eftirfarandi ályktun var sam-
þykkt eftir líflegar umræður.
„Við lýsum eindregnum stuðn-
ingi við staðsetningu varaflug-
vallar á Sauðárkróki. Þó hljótum
við að gera þá kröfu að ekki komi
til fé úr mannvirkjasjóði NATO,
sem óhjákvæmilega myndi leiða
til hernaðarumsvifa Bandaríkja-
manna á nú „hreinu" svæði.
Umsvif Bandaríkjamanna hér
á landi eru löngu komin fram úr
því sem eðlilegt má teljast.
Heimsvaldastefna Bandaríkja-
manna og hagsmunir íslands fara
ekki saman, þó svo að um sam-
eiginlega mannvirkjagerð geti
verið að ræða. Fjárframlög úr
mannvirkjasjóði NATO er
möguleiki sem alfarið skal
hafna.“ - IJ/Sauðárkróki
Síöustu vikurnar hefur verið keppst við í frystihúsum víða um land að frysta loðnuhrogn og hefur verið
mikill handagangur í öskjunni enda mikil vinna við fyrstinguna og góð búbót í frystihúsunum. Þessi mynd var
tekin í vinnslusal Síldarvinnslunnar í Neskaupstað og þar er greinilega keppst við í hrognafrystingunni.
Mynd hb.
Uppboð
Fiskveiðasjóður hreppti Strandir
Fiskimjölsverksmiðjan Strand-
ir á Reykjanesi var í gær slegin
Fiskveiðasjóði fyrir 6 miljónir
króna. Aðeins eitt tilboð kom í
verksmiðjuna.
Strandir var fyrsta fiskimjöls-
verksmiðjan hérlendis sem not-
aði gufu til þurrkunar, sem á sam-
kvæmt öllum útreikningum að
vera afar hagkvæmur kostur, en
vegna lítillar fyrirgreiðslu í kerf-
inu, m.a. frá Fiskveiðasjóði, og
hreppssjónarmiða á Suðurne-
sjum var fyrirtækið andvana fætt.
Áhvflandi skuldir á Ströndum
eru um 40 miljónir. Stærsti kröfu-
hafi í þrotabúið var Fiskveiða-
sjóður uppá 15 miljónir en aðrir
stórir kröfuhafar voru Búnaðar-
bankinn með 13 miljónir og
Byggðasjóður með 9 miliónir.
-lg
Greenpeace
Skrifað til
þingmanna
Greenpeace samtökin hafa sent
öllum alþingismönnum bréf þar
sem útskýrð er stefna og starfs-
hættir samtakanna í umhverfis-
og verndunarmálum.
í bréfinu er m.a. tekið fram að
samtökin taki ekki þátt í aðgerð-
um þar sem fólki sé stefnt í hættu
heldur berjist fyrir málstað sínum
á friðsamlegan hátt.
Skógrœkt
Vanþróað skóg ræktarland
Skógrœktarþing haldið á Hótel Sögu um aðra helgi. Sœnskur
prófessor fjallar um möguleika íslands í skógrœktarmálum
Laugardaginn 21. mars nk. efna
Skógræktarfélag íslands og
Skógrækt ríkisins til skógræktar-
þings að Hótel Sögu. Er sú
ákvörðun í samræmi við ályktun,
sem samþykkt var á aðalfundi
Skógræktarfélags íslands í Reyni-
hlíð í haust og tekin í framhaldi af
starfsmannafundi Skógræktar
ríkisins og fulltrúafundi Skóg-
ræktarfélags Islands.
Rúmlega 20 félögum, fé-
lagasamtökum og stofnunum,
sem með einhverjum hætti tengj-
ast íslenskri skógrækt, ásamt
fulltrúum frá fjárveitingavaldinu,
hefur verið boðin þátttaka, og
hafa undirtektir verið góðar.
Þingið hefst kl. 10 árdegis með
erindi sænska prófessorsins
Morten Bendz, sem íslendingum
er að góðu kunnur. Nefnir hann
erindið ísland, vanþróað skóg-
ræktarland. Að undanförnu hef-
ur Bendz prófessor unnið að
skipulagningu skógræktarmála í
ýmsum þróunarlöndum og var á
sínum tíma rektor skógræktarhá-
skólans.
Þá flytur Sigurður Blöndal
skógræktarstjóri erindi, sem
hann nefnir: Möguleikar og
markmið skógræktar á íslandi.
Eftir hádegi flytur Magnús Pét-
ursson hagsýslustjóri erindi:
Skógrækt og þjóðarhagur. Sýnd
verður kvikmynd um sænsku
skógræktina, flutt hljómlist og
fram fara , hringborðsumræður
undir stjórn Árna Gunnarssonar.
Síðan verður borin upp álytkun
um skógræktarmál, sem flutt
verður á þinginu. Að lokum
flytur Matthías Jóhannessen rit-
stjóri ávarp.
Kvöldverðarhóf verður að
Hótel Sögur kl. 19.00.
Nánari upplýsingar eru gefnar
hjá Skógræktrafélagi íslands,
sími 18150 og Skógrækt ríkisins,
sími 13422.
-mhg
2 SÍÐA - ÞJÓÐVILJINN Laugardagur 14. mars 1987