Þjóðviljinn - 14.03.1987, Blaðsíða 6

ViÐHORF
Nú stefnir allt í það, að enn á ný
verði nemendur framhalds-
skóianna fyrir barðinu á launa-
stefnu ríkisstjórnar Steingríms
Hermannssonar. Enn á ný segi
ég, vegna þess að að á síðustu
þremur árum hefur starfsemi
framhaldsskólanna stöðvast í tví-
gang vegna kjarabaráttu ríkis-
starfsmanna og það verður því í
þriðja skiptið sem nám okkar
framhaldsskólanema raskast, ef
til verkfalls kemur þann 16. mars
n.k.
Það þarf ekki að fara mörgum
orðum um þær hörmulegu afleið-
ingar sem langt verkfall kennara
hefði, nú f lok skólaársins. Fyrir
það fyrsta myndi fjöldi nemenda
hætta námi um óákveðinn tíma.
Fyrir þetta fólk yrði öil sú vinna
sem það hefur á sig Iagt það sem
af er vetri, að engu gerð. Allt að
átta mánaða námi kastað á glæ og
fyrir því er engin trygging að þeir
sem hætta nú, muni hefja aftur
nám næsta haust. Það ber að hafa
það hugfast að þetta er ekki í fyrs-
ta sinn sem námið raskast!
Fyrir þá sem hyggjast útskrif-
ast í vor, hefur verkfall einnig af-
drifaríkar afleiðingar. Mikill
fjöldi námsmanna hefur nú þegar
gert ráðstafanir vegna náms er-
lendis. Sumir hafa lagt í nokkurn
kostnað, aðrir fengið inni í eftir-
sóttum menntastofnunum sem
ekki bíða, enn aðrir gert ráðstaf-
anir vegna búslóðaflutninga, at-
vinnu eða búsetu, og svo mætti
lengi telja. Frestun útskriftar, þó
ekki væri nema í eitt ár, gæti hæg-
lega gert öll framtíðaráform
þessa fólks að engu.
Á það má einnig benda, að ef
ekki tekst að útskrifa nýstúdenta
í vor, blasir við að ekki verða
Hrannar B. Arnarsson skrifar
„Slœm kjör kennara bitna að verulegu
leyti á gœðum þeirrar kennslu sem við
fáum íframhaldsskólunum. Okkar
kröfur eruþví að gerð verði veruleg
breyting á kjörum kennarastéttarinnar
til hins betra. “
innritaðir neinir nýir framhalds-
skóianemar næsta haust. Hvert á
þá að senda þær þúsundir náms-
manna sem koma úr grunn-
skólum landsins, albúnar til
átaka við framhaldsnám? - Spyr
sá sem ekki veit.
Eins og áður sagði þá hafa
framhaldsskólarnir heldur betur
fengið að súpa seyðið af launa-
stefnu Sjálfstæðis- og Framsókn-
arflokksins síðustu árin. Ekki
einungis það, að yfir okkur hafi
dunið verkföll og uppsagnir,
heldur hefur yfirvinna og flótti
kennara úr stéttinni látið
áþreifanlega til sín taka. Margir
af hæfustu kennurum framhalds-
skólanna hafa horfið til annarra
og betur launaðra starfa, og þótt
sá skaði verði seint reiknaður í
krónum og aurum, þá er hann
gífurlegur.
Lág laun kennara hafa einnig
gert það að verkum, að ætli kenn-
arar að lifa sómasamlegu lífi af
launum sínum, verða þeir að taka
á sig mikla aukavinnu. Gæði
kennslunnar og tími kennarans
fyrir nemendur sína minnkar því í
samræmi við það og bitnar á nem-
endunum af fullum krafti.
Slæm kjör kennara bitna því að
verulegu leyti á gæðum þeirrar
kennslu sem við fáum í fram-
haldsskólunum. Okkar kröfur
eru því að gerð verði veruleg
breyting á kjörum kennarastétt-
arinnar til hins betra.
Það er ljóst að eigi menntun
landsmanna ekki að grotna niður
á næstu áratugum, verður að
snúa af þeirri óheillabraut sem
fylgt hefur verið síðustu árin.
Frumskilyrði þess að hefja megi
nýja sókn í menntamálum er að
til skólanna laðist hæfustu ein-
staklingarnir á hverju sviði. Það
segir sig sjálft að eins og kjör
kennara eru höfð í dag mun það
aldrei gerast. Stórbætt kjör kenn-
ara er því alger forsenda framfara
í skólakerfinu!
ÁBYRGÐIN
STJÓRNVALDA
Á sama hátt og nemendur
styðja kröfur kennara sinna,
munu þeir auðvitað fylgja þeim í
komandi verkfallsbaráttu. Þar
munu stjórnvöld mæta einum
sameinuðum flokki nemenda og
kennara sem hefur það eitt að
markmiði, að forða menntakerf-
inu úr þeim þrengingum sem það
nú er statt í.
Nemendur framhaldsskólanna
eru ekki það skyni skroppnir að
þeir láti Morgunblaðið egna sig
gegn kennurum, jafnvel þó verk-
fall þeirra bitni fyrst og fremst á
nemendum. Verkfallsaðgerðir
eru neyðarréttur launamanna og
svo fremi að við styðjum þær
kröfur sem settar eru fram, hljót-
um við að styðja allar löglegar
aðgerðir til að ná þeim fram. Bar-
átta kennara er því einnig barátta
nemenda í þessu tilfelli.
Komi til verkfalls nú á mánu-
daginn verða afleiðingar þess
alfarið skrifaðar á reikning nú-
verandi ríkisstjórnar. Ríkis-
stjórninni ber sem atvinnurek-
anda, að halda sínum starfs-
mönnum ánægðum. Það hefur
henni ekki tekist og nú er svo
komið að þeir neyðast til að boða
verkfall kröfum sínum til stuðn-
ings. Gangi stjórnvöld ekki að
réttmætum kröfum HÍK fyrir
mánudaginn, eru þau því að kalla
yfir þjóðina þær afleiðingar sem
raktar voru hér í upphafi. Það
yrði stjórninni lítt til sóma.
UPPGJÖR
í KOSNINGUM
Nú er aðeins rúmur mánuður
til alþingiskosninga. í þessum
kosningum munu þúsundir nýrra
atkvæða vega þungt þegar talið
verður upp úr kjörkössunum.
Stór hluti þessa nýja kjósenda-
hóps eru framhaldsskólanemar.
Eg skora á nemendur fram-
haldsskólanna og alla þá sem
vilja öflugt íslenskt menntakerfi
að fylgjast vel með aðgerðum
stjórnarflokkanna í deilu þeirra
við HÍK. Það verður fróðlegt að
sjá hvort vegur þyngra á metun-
um hjá stjórnarflokkunum, fram-
tíð íslenska menntakerfisins eða
áframhaldandi láglaunastefna
ríkisstjórnarinnar. Uppgjör okk-
ar í komandi kosningum hlýtur
að taka mið af vali stjórnarinnar.
11.03.1987
Hrannar B. Arnarsson er forseti
nemendafélags MH.
Eiginmaður minn, faðir, tengdafaðir og afi
Bjarnleifur Bjarnleifsson
blaðaljósmyndari, Gnoðarvogi 34
verður jarðsunginn frá Langholtskirkju þriðjudaginn 17.
mars kl. 15.00. Þeir sem vildu minnast hans láti Minningar-
sjóð íþróttamanna njóta þess (ÍSÍ).
María G. Jóhannsdóttir
Ólafía K. Bjarnleifsdóttir Magnús Sigurðsson
Bjarnleifur Á. Bjarnleifsson
Soffía H. Bjarnleifsdóttir
Guðmundur R. Bjarnleifsson
Erla Strand
barnabörn
LiljaGunnarsdóttir
Snorri S. Konráðsson
Ása Þorsteinsdóttir
Einar Strand
Útför Jakobs Gíslasonar fv. orkumálastjóra
fer fram frá Dómkirkjunni þriðjudaginn 17. mars kl. 13.30.
Sigríður Ásmundsdóttir
Gísli Jakobsson Johanne Jakobsson
JakobJakobsson Ásmundur Jakobsson Moira Jakobsson
Aðalbjörg Jakobsdóttir Steinunn Jakobsdóttir Hallgrímur Geirsson
Hjartans þakkir fyrir sýnda samúð og vinarhug við andlát og
útför
Guðrúnar Sveinsdóttur,
Hraunhóli 7, Nesjum
Ásmundur Gíslason og börn
Inga Valborg Einarsdóttir og Sveinn K. Sveinsson
________MINNING______
Skúli Guðmundsson
kennari
Fœddur 6. nóv. 1902 - Látinn 3. mars 1987
Skúli Guðmundsson var fædd-
ur í Reykjavík 6. nóvember 1902
og var því á áttugasta og fimmta
aldursári er hann lést 3. mars s.l.
Kynni okkar hófust er ég
tengdist Ástu eiginkonu hans,
Jónasdóttur (læknis Kristjáns-
sonar), en hún er systir tengda-
móður minnar, Guðbjargar Jón-
asdóttur Birkis.
Mér er það í fersku minni að ég
kom fyrst á glæsilegt heimili
Skúla og Ástu á Gunnarsbraut
•28. Líklega hefur unga fólkið
vakið mesta athygli mína, hvert
öðru mannvænlegra. Svanhildur
jafnaldra konu minnar, Jónas og
Svavar Bjarnabörn Pálssonar, en
hann var fyrri eiginmaður Ástu
og Svanfríður fimmta og yngsta
barn Skúla, en hann var ekkju-
maður er þau Ásta giftust 7. júní
1952.
Skúli kom mér strax fyrir sjónir
sem einstakt ljúfmenni, fríður
sýnum og sviphreinn, glaðvær en
þó alvarlegur og traustvekjandi á
allan hátt. Maður sem gat verið
fastur fyrir ef á þurfti að halda,
maður sem vék ekki af verðinum
frekar en Sveinn Dúfa.
Aðeins 19 ára hleypir hann
heimdraganum líkt og forfeður
hans úr Rangárþingi forðum og
heldur til Noregs. Má það teljast
áræði í meira lagi af svo ungum
manni á þeim tíma þegar Evrópa
er enn í sárum eftir fyrri
heimsstyrjöldina.
Frá 1921-1924 stundaði Skúli
nám í unglingaskóla og síðan við
kennaraskóla í Osló. Kennara-
prófi lauk hann frá Kennaraskól-
anum í Reykjavík árið 1926 með
besta vitnisburði eins og við var
að búast, enda með góða undir-
búningsmenntun að utan, auk
þess sem að mestu máli skipti,
greindur vel og fróðleiksfús í
meira lagi.
Ófáir eru þeir nemendur hans í
gegnum tíðina sem notið hafa
leiðsagnar hans langt fram yfir
hefðbundna kennslu. Hugarþel
hans og áskapaðir eiginleikar
gerðu hann að virtum og vinsæl-
um kennara. Hann starfaði lengst
af við Austurbæjarskólann í
Reykjavík eða í samfellt 35 ár.
Sá er þetta ritar var oft á tíðum
undrandi á hversu víðlesinn hann
var og fróður um alla skapaða
hluti. Var oft gaman að hlusta og
nema af slíkum gnægtarbrunni.
Han var alltaf að læra eins og
segir í skólaljóðinu, „vita meira
og meira, meira í dag en í gær.“
Til skamms tíma var Skúli við
góða heilsu og bar háan aldur að-
dáunarlega vel. Hann lifði
heilbrigðu og reglusömu lífi,
neytti holustufæðu og stundaði
líkamsrækt í anda tengdaföður
síns, frumkvöðulsins og „karma-
jógans“ Jónasar Kristjánssonar
læknis, upphafsmanns Náttúru-
lækningastefnunnar á íslandi.
Það eru ekki mörg misserin síðan
sjá mátti þau hjónin leggja hvern
kílómeterinn á fætur öðrum að
baki nær daglega. Heilbrigt og já-
kvætt líferni gerði það að verkum
að Skúli varð aldrei gamall þrátt
fyrir háan aldur. Stjúpbörnum
sínum reyndist hann sem besti
faðir enda elskuðu þau hann og
virtu.
Við Regína kveðjum Skúla
með söknuði og þökkum öll liðnu
árin. Stuttu en erfiðu stríði er lok-
ið. Ég veit ég mæli fyrir munn
Ástu er sérstakar þakkir skulu
færðar eftirlifandi bróður hins
látna, Kjartani Guðmundssyni er
var henni stoð og stytta allt þar til
yfir lauk.
Góður Guð styrki Ástu og aðra
ástvini.
Hvíl þú í friði góði vinur.
Jón B. Gunnlaugsson
6 SÍÐA - ÞJÓÐVILJINN Laugardagur 14. mars 1987