Dagblaðið - 29.06.1977, Síða 3
DAGBLAÐIÐ. MIÐVIKUDAGUR 29. JÚNÍ 1977.
3
Af hverju ganga
lögregluþjónar í svona
I jótum fötum?
Haldið þið að það væri ekki munur ef lögregluþjónar væru létt-
klæddir á sumardögum þegar heitt er í veðri?
SKATTPÍNIÐ EKKI
GAMLA FÓLKIÐ
Kona hringdi:
Er réttlátt að skattleggja elli-
lífeyrisþega? Peningar sem það
fólk aflar eiga í rauninni að
vera eign þess. Þetta fólk er
búið að vinna alla sína ævi og
hefur byggt upp þjóðfélagið og
á því skilið að eiga góða ævi í
ellinni.
Gamla fólkið, sem er að
reyna að vinna þjóðfélaginu
gegn með því að vinna úti að
minnsta kosti hluta dags, er svo
skattpínt að það hættir að
vinna. Fyrir nú utan það að ef
unnir eru fjórir límar á dag eða
meira fellur tekjutryggingin
niður.
Við erum stolt af þvi að svo
og svo mikið sé gert fvrir gamla
fólkið. Það er alveg rétt. En
ekki nóg. Það vantar í viðbót að
gamalt fólk, að minnsta kosti
það sem komið er yfir áttrætt,
sé ekki skattpint úr hófi.
Jón Björnsson skrifar:
Mig langar til að skrifa
blaðinu nokkrar línur um
fatnað lögreglumanna á
Islandi. Ég á ágætan vin sem er
í lögreglunni i Reykjavik og
höfum við eytt löngum stund-
um í að ræða þessi mál en samt
ekki komizt að neinni niður-
stöðu. Mig langar því til að
biðja blaðið að koma eftirfar-
andi spurningum á framfæri til
réttra aðila:
1. Hvernig stendur á því að
fataverzlunin Ultíma er látin
sjá um það ár eftir ár að sauma
föt á lögreglumenn og aðra
opinbera starfsmenn þótt sú
fataverzlun hafi sýnt það fyrir
löngu að klæðskerarnir þar eru
algerlega óhæfir til þess verks?
Það heyrir til algerra undan-
tekninga að föt, sem lögreglu-
menn fá, passi þeim. Oft þurfa
þeir að fara margar ferðir til
þess að fá 'föt sem þeir mögu-
lega geta notað og oftast eru
þau illa sniðin og hreinlega ljót
að vart er hægt að láta sjá sig í
þeim á götum úti. Það hlýtur að
vera til annar aðili í landinu
sem ferst þetta betur úr hendi.
2. Hvernig stendur á því að
þetta ullartausefni er notað í
lögguföt? Ástæðan til þessarar
spurningar er sú að efnið er
svo lint að sé verið í fötunum
dagspart eða svo er eins og
sofið hafi verið í þeim heila
viku. Bæði hné og rass móta
greinilegt far í buxurnar og ol-
bogarnir í jakkana. Auk þess er
efnið þannig að útilokað er að
þvo það, því það hleypur mjög.
Slettist éitthvað smávegis á
fötin verða menn að tölta með
þau í hreinsun. Ég er
sannfærður um að það er æði
oft á ári sem slikt gerist.
3. Af hverju svört föt? Á
sumrin eru þau allt of heit, að
minnsta kosti á meðan sólin
skín. Væri ekki hægt að útvega
lögreglumönnum létt föt úr til
dæmis kaki til að vera í á
sumrin? Málunum gæti t.d.
verið þannig háttað að annað
hvort ár fengju þeir föt úr léttu
efni til sumarbrúks en hitt árýð
fengju þeir hlýrri föt. Eg vil þó
leyfa mér að benda á að þau föt
þyrftu alls ekkert frekar að
vera svört. Það sést miklu
meira á svörtum fötum, en
fötum í öðrum litum.
4. Mér skilst á vini mínum að
lögreglumenn megi ekki ganga
í skyrtum sem eru öðruvísi á.
litinn en bláar eða hvítar. Samt
fá þeir ekki fé til skyrtukaupa.
Ég held þó áreiðanlega að ég
hafi einhversstaðar séð að ef
vinnuveitandi krefst þess að
starfsmaður gangi í einhverj-
um sérstökum klæðum beri
honum að greiða þau klæði.
Skór lögreglumanna eru
sams konar mál. Þeir verða að
vera í svörtum skóm við
búninginn en fá ekki greitt fé
til skókaupa.
5. Vinur minn i lögreglunni
segir mér að húfur lögreglu-
þjóna séu alveg eins
ómögulegar og hægt sé að
hugsa sér. I fyrsta lagi gera þær
ekkert gagn sem skjól fyrir
veðri og vindum. í öðru lagi
fjúka þær af í smágusti. í þriðja
lagi eru þær mjög þungar og er
erfitt að fá þær til að sitja vel.
Og í fjórða lagi er sá sem
saumar þær alltaf „veikur"
þegar á honum þarf að halda.
Er enginn sem gæti saumað
betri húfur?
Ég ætla að láta þetta gott
heita í bili en ég vonast
eindregið eftir svari réttra yfir-
valda.
Spurning
dagsins
Er nauðsynlegt að eiga
bíl?
(Flateyri)
Lilja Guðmundsdóttir: Nei,
maður hefur víst ekki nema gott,
af því að ganga, ég hef aldrei átt’
bíl og hef ekki bílpróf.
Guðmundur Aðalsteinsson
beitingamaður: Já, það held ég sé
alveg nauðsynlegt og ég er Iíka
búinn að fá mér skellinöðru.
Guðmundur Gíslason í frysti-
húsinu: Það er alveg nauðsynlegt
að eiga bíl finnst mér, og þess
vegna ætla ég að fara að fá mér
skellinöðru.
Sverrir Guðbrandsson ökumaður:
Það held ég sé nú alls ekki
nauðsynlegt, manni er ekki of
gott að ganga, þess vegna á ég
engan bíl.
Fanney Annasdóttir: Já, ég tei
Það nauðsynlegt að eiga bil
og langbezt væri að allir gætu átt
bila.
Þórir Steinarsson: Já. mér
finnst það nauðsynlegt til að geta
skroppið i biltúra o. þ.h. eitthvað
út f.vrir plássið. ég á ekki skelli-
nöðru.