Dagblaðið - 29.06.1977, Blaðsíða 4

4
DAGBLAÐIÐ. MIÐVIKUDAGUR 29. JUNÍ 1977.
Grásleppan er okkar hobbí
—Sigurður Árnason Rifi tekinn tali
Sigurður Arnason var að koma
úr grásleppuróðri er við hittum
hann við höfnina á Rifi fyrir
skemmstu. „Það er frekar lélegt
núna á grásleppunni, en var
sæmilegt í vor. Þetta er að
tregðast núna en við verðum að
fram að 10. júlí, þá eigum við að
hætta.“
Hvernig stendur á því að grá-
sleppunni er hent og aðeins hirt
hrognin?
„Það er enginn markaður fyrir
þennan fisk og nú er of seint að
láta síga. Við verkum þetta sjáifir
og fáum u.þ.b. 42 þúsund krónur
fyrir tunnuna af hrognunum."
„Við sækjum ekki langt, förum
hér með fram landinu út að Gufu-
skálum. Þegar við hættum í júlf
förum við að leika okkur á
færum. Þetta er nú hálfgert hobbí
hjá okkur, við vinnum önnur
störf líka. Ég er við saltfiskmat
þess utan og vinn auk þess í
fiski.“
„Það er nú ekki hægt að segja
að grásleppuveiðin sé sérstaklega
skemmtileg. Það er það versta ef
þarinn kemst í netin, þá er erfitt
að hreinsa þau. Þetta er ekki
skemmtilegur veiðiskapur en
getur gefið vel af sér.
Hér á Rifi hefur verið töluvert
byggt síðastliðin ár. Hér eru 3
saltfiskverkunarhús og eitt frysti-
hús. Höfnin hér er orðin nokkuð
góð fyrir smábáta, en hér þarf
nauðsynlega að dýpka fyrir stærri
skip.“
JH
' :
Höfnin á Rifi er orðin góð fyrir smábáta, en þyrfti að dýpka fyrir stærri báta.
DB-myndir Hörður.
Grásleppuhrognin eru sett í poka, en flskinum sjálfum er hent þar
sem enginn markaður er fyrir hann. Hér sést Slgurður landa aflanum.
/. r
P - 4« ,' v 4’ \
l mtBk
Gummi skó á Flateyri:
Spilaheppnin horfin
95 ára öldungur sóttur heim
„Taflið skvrpir svo hugsunina." Guðmundur Guðmundsson fyrrum
skósmiður á Flateyri. (DB-mynd BH)
Gummi skó var hann kallaður
til aðgreiningar frá öllum hinum
Guðmundunum í Önundarfirði.
Guðmundur verður 95 ára innan
skamms og hefur frá mörgu að
segja, bæði gömlu og nýju frá
Flateyri þar sem hann hefur
dvalið lengst af ævinnar.
Man Ellefsen
og Hafstein
Hann var einn þeirra heppnu
sem fengu skíðin og skóna sem
Ellefsen gaf önfirðingum vetur-
inn 1896-’97, fermingarár
Guðmundar. Ellefsen var einn
Norðmannanna sem stunduðu
hvalveiðar hér við land og urðu
stórauðugir á. Gaf Ellefsen 20 pör
sem dreift var á bæina við
Önundarfjörð. „Skíðin var mikið
gaman að eiga og notaði maður
þau óspart . Ég man vel eftir
Hannesi Hafstein, um hann finnst
mér allt það bezta sem ég get
hugsað mér,“ segir Guðmundur
og heldur áfram að hnýta spott-
ana við önglana fyrir frystihúsið
sem greiðir honum 450 krónur
fyrir að hnýta á 1000 öngla. Alítur
hann sig hafa haldið heilsu og viti
svo lengi sem raun ber vitni því
hann gætir þess að hafa alltaf nóg
að gera. Áður fyrr batt hann inn
bækur í frístundunum frá skó-
smíðinni en nú prjónar hann,
hnýtir á öngla og bindur perlur.
Þess á milli sem hann er ekki með
eitthvað í höndunum teflir hann
og spilar, hlustar á útvarp og les
blöð. „Ég er farinn að verða svo
óheppinn í spilum upp á síðkastið
að það er alveg magnað," Engu að
siður skákaði hann blm. með
glæsibrag í einni skák og fór þar
saman snilldarleg taflmennska
Guðmundar og léleg taflkunnátta
blm.
Átti geitur í húsi
„Ég byggði húsið mitt á árinu
1923, frá því í júní og fram i
ágúst, það þætti víst ekki langur
byggingatími nú til dags. Ég átti
geitur hér áður og fyrr, geita-
injólkin kom lífi í krakkana. Einn
hafur og tvær geitur hafði ég, sem
ég keypti af Vilmundi Jónssyni
landlækni tneðan hann var á ísa-
firði. Þó svo ég hafi unnið að
skósmíðum alla tíð hef ég aldrei
fengið til þess formleg réttindi,
samt lauk ég námi í skósmíðum
hjá honum Katli gamla skósmið á
ísafirði 1921. Hins vegar hlaut ég
réttindi til húsasmíða og vann að
þeim i Hafnarfirði."
Þrátt fyrir háan aldur ber
Ciuinmi skó, Guðmundur
Guðmundsson, áldurinn vel, ern
bæði til sálar og likama. Er þetta
taflmennskunni að þakka? Eða
einhverju öðru? Guðmundur
segist sjálfur hafa verið veiklu-
legt barn i æsku, en a.m.k. virðist
tafl og vinnusemi hafa koinið
Guðmundi alla tíð til góða.
BH
íþróttakennara
vantar að grunnskólanum Blönduósi.
Ibúð til staðar. Uppl. gefur Sigurður
Kristjúnsson í síma 95-4383 eða 95-
4240.
Skólanefndin
Bílasmiðirog
bílamálarar
Viljum ráða sem fyrst bílaSmið eða
mann vanan réttingum og bílamálara.
— Mikil vinna. —
Bílasmiðjan Kyndill
Súðarvogi 36.
Sími 35051.