Árbók Landsbókasafns Íslands - 01.01.1968, Síða 127

ÓLAFUR PÁLMASON
SKRÁR LANDSBÓKASAFNS
Eitt hlutverk bókasafna er að afla bóka, en annað hlutverk þeirra er að gera efni
bókanna aðgengilegt notendura. Til þess eru m. a. spjaldskrár safnanna, og hin
stærri söfn telja það einnig skyldu sína að gefa út skrár í þessu skyni.
Hér verður gerð grein fyrir helztu skrám, sem Landsbókasafn hefur sjálft látið
gera eða birzt hafa á vegum þess, og skrám um íslenzkt efni í safninu eða utan þess,
sem safninu hafa verið látnar í té og aðeins eru aðgengilegar þar, þótt unnar hafi
verið á vegum annarra. Skránum verður skipt eftir efni í tvo flokka: skrár um prent-
að efni og handritaskrár.
í báðum flokkum verður jöfnum höndum greint frá prentuðum skrám, sem víða
eru tiltækar, og spjaldskrám eða skrám í handriti, sem eru aðeins til nota í safninu.
Verður bæði getið um þær skrár, sem lokið er að fullu, og hinar, sem enn er ólokið,
en þó má hafa nokkurt gagn af. Þarf um not þeirra að hafa samráð við bókaverði.
Nær allar þær skrár safnsins, er nú mega að verulegu gagni koma, eru gerðar á
þessari öld. Aður en hafin var regluleg útgáfa ritaukaskrár á fyrri öld, voru þrisvar
prentaðar allsherjarskrár um bækur safnsins, og skal þeirra getið hér:
Registr yfir Islands stiftisbókasafn. Kh. 1828.
Registr yfir Islands stiftisbókasafn. Viðey 1842.
Skrá yfir prentaðar íslenzkar bækur og handrit í Stiptisbókasafninu í Reykjavík. Rv. 1874.1
Fleiri allsherjarskrár um prentaðar bækur safnsins hafa ekki komið út, en hlul-
verki þeirra gegnir nú aðalspjaldskrá safnsins.
SKRÁR UM PRENTAÐ EFNI
SPJALDSKRÁ UM BÆKUR SAFNSINS
Árið 1900 var tekið að semja skipulega spjaldskrá um prentaðar bækur Lands-
bókasafns. Jón Ólafsson ritstjóri hóf það verk og sinnti því fram til 1913, er við
því tók Páll Eggert Ólason, og lauk hann spjaldskrá bókaforðans á næstu árum.
1 Sama ár var prentuð Skýrsla um bækur þær, sem gefnar hafa verið Stiptisbókasafninu á ís-
landi, í minningu þjóðhátíðar íslands. Rv. 1874.