Árbók Landsbókasafns Íslands - 01.01.1968, Blaðsíða 139

ÍSLENZK BÓKAÚTGÁFA 1887-1966
139
flokkar eru sagnfræði með 668 bækur og stjórnmál með 696. Báðir þessir flokkar hafa
aukizt að mun á síðari árum.
Bækur um sveitastj órnarmál eru 927. Mikill vöxtur hefur hlaupið í þennan flokk, og
telur hann margt smátt, sem segir þó sögu viðkomandi staða. Nokkru hærri er flokkur-
inn um trúarbrögð með 958 bækur. Arlega hafa komið út bækur í þessum flokki og
mörg ár líkar tölur. Tala bóka um ævisögur og ættfræði er 950. Árið 1937 virðast út-
gefendur hafa að marki uppgötvað áhuga lesenda á þessum flokki, og voru gefnar út
14 bækur. Flj ótlega fór talan yfir tvo tugi og oft yfir þrj á tugi árlega.
Flokkurinn um uppeldis- og skólamál telur 1109 bækur. Er hann hæsti flokkurinn,
þegar frá eru skildar bókmenntir. Ætla má, að bókaútgáfa í þessum flokki haldist í
hendur við þróun skólamála.
Neðst á skýrslunni er birt árleg tala tímarita. Ég hef reynt að komast að heildartölu
útgefinna tímarita og blaða þetta tímabil, og virðist mér hún vera nálægt 1400.
Eins og kunnugt er, var allmikið gefið út af íslenzkum bókum í Kaupmannahöfn
og Winnipeg. Ég hef á sama hátt merkt við bækur á þessum stöðum og einnig talið
tímarit með. Hef ég talið með íslenzkar bækur, sem þýddar hafa verið á dönsku, svo
og útgáfur íslenzkra handrita. Mér telst svo til, að þetta tímabil hafi verið gefnar út
í Kaupmannahöfn um 940 bækur cg í Kanada um 970.
Utgáfa íslenzkra bóka í öðrum löndum eru einkum þýðingar, og merkti ég einnig við
þær til fróðleiks. Þó má gera ráð fyrir, að þær tölur séu of lágar, þar sem safninu
tekst tæplega að afla sér allra þýðinga úr íslenzku. Þýzkaland er með um 370 bækur,
Noregur 210, Svíþjóð 160, England 140 og Bandaríkin 110. í ýmsum löndum hafa
verið gefnar út um 320 bækur.
Að lokum vil ég taka skýrt fram, að mér kemur ekki til hugar að ætla, að tölur
þessar séu fullnaðartölur. Einkum er erfitt að gera nákvæma skýrslu um fyrri árin,
meðan bækur komu oft óreglulega til safnsins og skýrslur voru ekki eins glöggar og á
síðari árum.
Þótt draga megi fram úr skýrslunni ýmis fleiri atriði en hér hefur verið gert, verða
þessi látin nægja að sinni.