Frjáls verslun - 01.05.1998, Page 6

RITSTJORNARGREIN
SÓTT AÐ AGLISTERKA
Akæra lögreglustjórans í Reylqavík á hendur Ölgerðinni
Agli Skallagrímssyni um brot á áfengislöggjöfinni vegna auglýs-
inga á Agli sterka, sem er sterkur bjór, orkar tvímælis. Nær
væri að lögreglustjórinn beitti sér fyrir því að lögum um auglýs-
ingar á áfengi væri breytt - og þær leyfðar. Lögreglustjóri getur
ekki með neinum ráðum komið böndum á
þær bjórauglýsingar sem flæða inn í Iandið í
erlendum Ijölmiðlum og þvi á hann ekki að
setja eitthvert sírenuvæl í gang gagnvart ein-
um innlendum auglýsanda. Það eiga allir að
vera jafnir gagnvart lögum! Það er homsteinn
réttarríkisins! Sömuleiðis vekur það athygli að
hið áberandi Samkeppnisráð, sem krefst þess
að bjórflöskur í ATVR skuli seldar í stykkjatali
eins og bjórdósir - neytendum til gagns - taki
ekld á þessu stóra máli og berjist fyrir því að
lögum um auglýsingar á áfengi skuli breytt til
að jafna samkeppnisaðstöðu innlendra og út-
lendra iðnrekenda - sem og fjölmiðla.
Embætti lögreglustjórans í Reykjavík lítur á
málið gegn Agli sterka sem prófinál um auglýsingar á áfengi og
vill fá úr því skorið hvort birta megi lítt dulbúnar auglýsingar
á bjór eða ekki - en það hefur tíðkast nánast fiá því bjórinn var
leyfður 1. mars árið 1989. Algengasta aðferðin er sú að birta
heiti bjórsins með flennifyrirsögn - en bæta síðan orðinu
„léttöli” við með mjög smáu letri. Lögreglan telur þetta á gráu
svæði og vill fá botn í málið. Sérkennilegt er að lögreglan velji
auglýsingu Egils sterka því talan 6,2% kom fram í auglýsingu
hans, en í slag lögfræðinganna verður hún væntanlega túlkuð
sem styrkleiki bjórsins. Stóm spurningunni, um hvort leyfilegt
sé að nafn bjórs sé í stríðsletri og orðið „Iéttöl” haft í smáu
Ietri, verður því eftir sem áður ósvarað. Sömuleiðis er það ekki
trúverðugt hjá lögreglustjóranum í Reykjavík að tína út eitt fyr-
irtæki tíl að ákæra. Það er eins og að velja sér fómarlamb - og
er tæplega að sið laganna varða. Þess í stað á hann að taka all-
ar þær „bjórauglýsingar” - sem hann telur á gráu svæði og vera
ólöglegar - og höfða mál gegn hveijum og einum auglýsanda.
Auglýsingar útlendra bjór- og vínframleiðenda í erlendum
fjölmiðlum verða ekki „handteknar” af lögreglustjóranum í
Reykjavík. I heimi alþjóðlegrar fjölmiðlunar er einfaldlega ekki
hægt að koma í veg fyrir að auglýsingcir birtíst
í einu landi séu þær leyfðar í öðrum löndum.
Auglýsingar á afengi og vindlingum birtast í
erlendum fréttum sjónvarps, útlendum dag-
blöðum, tímaritum, sjónvarpsþáttum, bíó-
myndum og á Netinu. Þessir miðlar fljóta á
milli Ianda og lögreglustjórinn í Reykjavík stífl-
ar ekki þann flaum. Það er ekkert flóknara -
hvort sem mönnum líkar betur eða verr. Ætl-
ar hann að banna íþróttafréttir um Liverpool
vegna þess að liðið auglýsir Carlsberg? Banna
íþróttafréttir frá keppni í kappakstri þar sem
allt morar af auglýsingum á víni og tóbaki?
Fara í bókabúðir og á bensínstöðvar og taka úr
sölu erlend tímarit sem auglýsa áfengi og eru
í hillunni við hlið íslenskra tímarita sem ekki mega auglýsa
áfengi? Svona mættí áfram spyrja. Betra er að breyta lögunum
en slást við vindmyllur.
Einhver kann að segja sem svo að ekki mega auglýsa áfengi
því nægur sé áfengisvandi þjóðarinnar fyrir. Það hljómar ef til
viU út úr kú að segja að auglýsingarnar muni ekki auka heild-
ardrykkju á áfengi mikið heldur færa frekar drykkjuna tíl á
miUi tegunda. Þetta er þó málið. Það er tvískinnungur að leyfa
framleiðslu á bjór, gera allt í vínbúðum ATVR tíl að hann selj-
ist betur, heimta að bjórflöskur séu seldar í stykkjataU, neyt-
endum til gagns, eins og Samkeppnisráð krefst, og leyfa síðan
sumum framleiðendum og fjölmiðlum að auglýsa bjór - en öðr-
um ekld. Vonandi reynist Egill nægilega sterkur í málaferlun-
um!
Jón G. Hauksson

ISSN 1017-3544
Stofiiuð 1939
Sérrit um viðskipta-, efhahags- og atvinnumál - 59. árgangur
RTTSTJÓRI OG ÁBYRGÐARMAÐUR: Jón G. Hauksson - AUGLÝSINGASTJÓRI: Sjöfii Sigurgeirsdóttir -
BLAÐAMAÐUR: Páll Ásgeir Ásgeirsson - UÓSMYNDARAR: Geir Ólafsson og Kristin Bogadóttir -
UMBROT: Ágústa Ragnarsdóttir. - ÚTGEFANDI: Talnakönnun hf. - RITSTJÓRN, AUGLÝSINGAR OG AFGREIÐSLA:
Borgartúni 23,105 Reykjavík, sími: 561-7575, fax: 561-8646 - ASKRIFEARVERÐ: 2.895 kr. fyrir 1.-5. tbl. -10% lægra
áskriftarverð ef greitt er með kreditkorti. - LAUSASÖLUVERÐ: 699 kr. nema bókin 100 stærstu sem er á 1.995,- -
DREIFING: Talnakönnun, hf„ sími 561 7575 - FILMUVINNA, PRENTUN OG BÓKBAND: Prentsmiðjan Grafi'k hf. -
LJTGREININGAR: Prentmyndastofan hf. - Öll réttindi áskilin varðandi efiii og myndir.
6