Morgunblaðið - 07.06.2002, Qupperneq 27

ERLENT
MORGUNBLAÐIÐ FÖSTUDAGUR 7. JÚNÍ 2002 27
MEISTARINN.IS
KRÖFTUGT OFNÆMISLYF
Lóri t ín
Notkunarsvið: Lóritín inniheldur virka efnið lóratadín sem hefur kröftuga og langvarandi verkun við algengustu tegundum ofnæmis. Lyfið er
ætlað við frjókorna- og dýraofnæmi, sem og ofnæmi af völdum rykmaura. Varúðarreglur: Gæta þarf sérstakrar varúðar hjá börnum með alvarlega
nýrna- og lifrarsjúkdóma. Sjúklingar með skerta lifrarstarfsemi þurfa minni skammta. Aukaverkanir: Lóritín þolist yfirleitt vel en algengustu
aukaverkanirnar eru munnþurrkur og höfuðverkur. Svimi getur einnig komið fyrir. Skömmtun: Ein tafla af Lóritíni er tekin daglega. Börnum 2-14
ára sem eru undir 30 kg að þyngd nægir hálf tafla á dag. Lyfið er ekki ætlað börnum yngri en 2ja ára. Lesið vandlega leiðbeiningar sem fylgja lyfinu.
16.05.00.
®
FJÓRIR létust og 17 særðust þegar
sprengja sprakk í fólksflutninga-
vagni á leið til bæjarins Poso í
Indónesíu, á miðri Sulawesi-eyju,
síðastliðinn miðvikudag. Á þessu
svæði hafa múslimar og kristnir
menn barist um langa hríð. Stöð-
ugur ófriður, allt síðan einræðis-
herrann Suharto féll frá árið 1998,
hefur skilið Indónesíu eftir í sárum.
Fréttin af sprengingunni barst seint
til höfuðborgarinnar Jakarta, enda
er Poso um 1.600 km frá Jakarta.
Að sögn lögreglu stendur leit yfir
að þremur óþekktum einstaklingum
sem fóru út úr vagninum áður en
hann sprakk. Særðum farþegum
var komið á sjúkrahús hið snarasta.
Sprengingin er alvarlegasta tilræð-
ið á Sulawesi-eyju síðan múslimar
og kristnir menn sömdu um vopna-
hlé í desember síðastliðnum. Rík-
islögreglustjóri Indónesíu, Da’i
Bachtiar, bað íbúa eyjarinnar um að
halda ró sinni og ekki láta tilræðið
hleypa öllu í bál og brand að nýju.
Þrátt fyrir skærurnar hefur
Indónesíuher flutt á brott um 1.500
hermenn frá svæðinu í kringum
Poso, og segja forsvarsmenn hers-
ins það vera til marks um bætt
ástand á eyjunni. Sprengingar í síð-
ustu viku, sem skemmdu nokkrar
verslanir en sökuðu engan, ásamt
sprengjutilræðinu í fólksflutninga-
vagninum, benda þó til þess að öld-
ur hafi síður en svo lægt á þessu
svæði.
Mannskætt
tilræði í
Indónesíu
Jakarta. AP.
RANNSÓKN er hafin á vegum öld-
ungadeildar Bandaríkjaþings á því
hvort ásakanir gegn bandarísku al-
ríkislögreglunni, FBI, um að hafa
hindrað rannsókn starfsmanns FBI í
Minneapolis á meintum tengslum
Zacarias Moussaoui við al-Qaeda
hryðjuverkamenn, eigi við rök að
styðjast.
Patrick Leahy, formaður dóms-
málanefndar öldungadeildar Banda-
ríkjaþings, segir þörf á skýrum svör-
um um hvaða upplýsingar hafi legið
fyrir áður en árásirnar voru gerðar
11. september og hvers vegna ekkert
hafi verið að gert þrátt fyrir mögu-
legar vísbendingar um yfirvofandi
hryðjuverk.
Coleen Rowley, yfirlögfræðingur
FBI í Minneapolis, sendi yfirmanni
FBI, Robert Mueller, harðort bréf
21. maí síðastliðinn þar sem hún sak-
aði yfirstjórn FBI um að hindra
rannsókn á Moussaoui og flugnámi
hans sumarið 2001, en Moussaoui
hefur nú verið handtekinn vegna
hryðjuverkanna 11. september.
Gert var ráð fyrir að Rowley yrði
kölluð fyrir öldungadeildina í gær,
fimmtudag, en marga þingmenn
fýsti að vita hvað hún teldi vera að
FBI, til þess að fyrirbyggja mætti að
svona háttalag endurtæki sig.
George W. Bush forseti styður rann-
sóknina, en Leahy segir hana mjög
mikilvæga til þess að tryggja að FBI
sinni raunverulegu hlutverki sínu, að
gæta öryggis Bandaríkjanna.
Vafi leikur á hvenær Mueller og
aðaleftirlitsmaður dómsmálaráðu-
neytisins, Glenn Fine, vissu af svo-
nefndu Phoenix-minnisblaði, dag-
settu í júlí 2001, um rannsókn á
flugnámi íslamskra bókstafstrúar-
manna í Arizona. Svo virðist sem
minnisblaðinu hafi verið haldið
leyndu eða það legið óhreyft þar til
eftir árásirnar 11. september.
Mueller hefur fyrirskipað upp-
stokkun á starfsemi alríkislögregl-
unnar með aukinni áherslu á varnir
gegn hryðjuverkum. Meðal annars
er gert ráð fyrir að valdamiklir yf-
irmenn taki að sér stjórn á vettvangi
og 900 nýir starfsmenn verði ráðnir
fyrir haustið, aðallega tölvufræðing-
ar, vísindamenn og tungumálafólk.
Að sögn Muellers er nú fylgst með
fjölda fólks allan sólarhringinn sem
talið er tengjast al-Qaeda hryðju-
verkahópnum. Rannsókn FBI á
mögulegum fylgjendum al-Qaeda
hefur vakið óhug meðal Bandaríkja-
manna af arabaættum.
Þingmenn krefja FBI sagna
Washington. AP.
JÓHANNES Páll páfi II mun ekki
segja af sér í ár, líkt og sögusagnir
höfðu gefið í skyn. Kaþólski bisk-
upinn í Köln,
Joachim Meis-
ner, lýsti því yfir
eftir samtal við
páfann að hann
myndi sitja í
embætti uns
dauðans stund
rynni upp, líkt og
fyrirrennarar
hans hafi gert.
Yfirlýsing Meis-
ners styrkir svör Vatíkansins um
sögusagnir í þá veru að páfi ætlaði
að segja af sér í heimsókn til fæð-
ingarborgar sinnar og fyrrum erki-
biskupsdæmis, Krakár í Póllandi,
nú í ágúst næstkomandi.
Að sögn talsmanna Vatíkansins
er páfinn störfum hlaðinn um þess-
ar mundir og bíður hans mikil dag-
skrá næstu mánuði. Pólskir bisk-
upar höfðu talið að páfinn myndi
setjast í helgan stein í pólsku
klaustri, og nokkrir fyrirmenn inn-
an kaþólsku kirkjunnar höfðu tekið
undir þessar sögusagnir, enda páf-
inn með Parkinson-veiki, lasburða
og þreklítill. Síðastliðinn mánudag
mátti sjá þverrandi þrek páfans á
því, að hann tók á móti bólivíska
forsetanum í einkaherbergjum sín-
um en ekki í móttökuhöll Vatíkans-
ins.
Sögusagnir um afsögn
páfa kveðnar niður
Situr í
embætti til
dauðadags
Jóhannes Páll
páfi
♦ ♦ ♦