Morgunblaðið - 07.06.2002, Qupperneq 57

BRÉF TIL BLAÐSINS
MORGUNBLAÐIÐ FÖSTUDAGUR 7. JÚNÍ 2002 57
Triumph sundbolir
og bikini
Útsölustaðir: Útilíf, Intersport,
Hringbrautarapótek, Músík og
sport Hf., HB búðin Hf, Axel Ó.,
Vestm., Palóma Grindavík,
Silfurtorg Ísafirði.
Heildsöludreifing: Aqua Sport ehf,
Hamraborg 7, sími 564 0035.
Reiki-, heilunar- og sjálfstyrkingarnámskeið
Skráning á námskeið í síma 553 3934 kl. 10–12 virka daga.
Guðrún Óladóttir, reikimeistari.
Hvað fá þátttake
ndur út
úr slíkum námsk
eiðum?
Læra að nýta sér orku til að lækna sig
(meðfæddur eiginleiki hjá öllum)
og/eða koma sér í orkulegt og tilfinningalegt jafnvægi.
Læra að beita hugarorkunni á jákvæðan og uppbyggi-
legan hátt í staðinn fyrir að beita henni til niðurrifs.
Læra að hjálpa öðrum til þess sama.
Einkatímar í sjálfstyrkingu
Námskeið í Reykjavík
18.-20. júní 1. stig. Kvöldnámskeið
25.-27. júní 2. stig Kvöldnámskeið
Í MORGUNBLAÐINU 7. maí sl.
birtist sorgleg grein eftir Steinþór
Þórðarson, prest Boðunarkirkjunn-
ar, undir fyrirsögninni „Er Ísrael
enn útvalin þjóð Guðs?“
Það er líklegt að þessi grein hafi
hryggt marga, því það er alltaf
harmsefni þegar menn túlka Ritn-
inguna gegn Anda hennar. Slíkt
framferði er mjög alvarlegt mál. Það
leynir sér nefnilega ekki á vali grein-
arhöfundar á versum, að hann snið-
gengur þau vers algjörlega sem
fjalla um endurkomu Ísraels til síns
lands. Hinsvegar minnist hann á
dreifinguna og telur, að því er virð-
ist, að hún verði í gildi til frambúðar.
Steinþór virðist alfarið inni á línu
hinnar tilbúnu staðgengilskenningar
kaþólsku kirkjunnar, þar sem því
hefur verið haldið fram að kirkjan sé
hið nýja Ísrael og Guð hafi sagt skilið
við Gyðinga fyrir fullt og allt. Stein-
þór segir að Gyðingar hafi fengið síð-
asta tækifærið, fyrir löngu síðan, til
að sanna sig sem Guðs útvöldu þjóð,
en þeir hafi þá endanlega brotið svo
gegn Guði, að útvalningarhlutverk
þeirra hafi verið gefið öðrum. Svo
hnykkir Steinþór á í grein sinni og
segir : „Ísrael er ekki lengur, og mun
aldrei aftur verða, sérstakur „tals-
maður“ Guðs á meðal þjóðanna. Nú
geta allir, af hvaða þjóð sem er, kall-
ast Ísrael Guðs.“
Þvílík orð frá manni í þeirri stöðu
sem Steinþór Þórðarson er!
Það er oft hryggilegt að sjá hvern-
ig farið er með Orð Guðs af þeim sem
ættu að vita betur. Ólíklegustu menn
virðast geta farið út í það að dansa
eftir tíðarandanum. Sú breytni felur
það í sér að sannleika Orðsins er
hafnað og vinsældaleiðin valin. En
boðun af því tagi er boðun til falls.
Ritningin segir berlega að Guð
muni safna lýð sínum saman og leiða
hann heim í land sitt að nýju. Það má
sjá í Jes.11:10-16, 43:1-7, 56:8,
Jer.16:14-15, 23:7-8, 30:10-11, 31:7-
12, 32:37- 44, Es.11: 14- 20, 36:17-38,
37:21-28, Amos. 9:11-15. Óbadía. 17-
21. Míka 4: 6-7. Zefanía 3: 19-20, og
víðar.
Ég bið alla sem vilja leita sann-
leikans í Ritningunni að lesa þessi
vers sem hér er bent á og hugleiða
efni þeirra. Versin um Dreifinguna
sýna aðeins hálfa mynd, mynd tyft-
unar og aga, en myndin verður heil
þegar við lesum versin um endur-
komu Ísraels, því þar kemur náðin
inn og fullgerir myndina. Hvers-
vegna tala menn eingöngu um dreif-
inguna en ekki hin stórkostlegu fyr-
irheit í spádómsversunum um
heimkomu Ísraels? Skilja menn ekki
veruleika þeirra í dag? Umrædd
vers hafa í sér fólginn sterkan boð-
skap til allra kristinna manna, að
þeir haldi vöku sinni og séu meðvit-
aðir um tákn tímanna. Þau sýna okk-
ur líka á lifandi hátt hvernig Guð er
og hvernig hann starfar. Hann tyftar
og agar af fullkomnu réttlæti, en er
jafnframt óumbreytanlegur í kær-
leika sínum og náð.
RÚNAR KRISTJÁNSSON,
Bogabraut 21, Skagaströnd.
Hvað segir Biblían
um Ísrael?
Frá Rúnari Kristjánssyni:
HVERSU mörg líf – hversu mörg
fórnarlömb þarf til að fá aukna
gæslu í miðbæ Reykjavíkur um
helgar? Hvar er löggæslan? Hverjir
eru það sem eru í löggæslunni?
Þessir fáu löggæslumenn sem eru
starfandi og mikið af þeim ungt fólk
sem hefur litla sem enga burði til að
gegna því mikilvæga starfi sem lög-
gæslan er. Vegna þess hve léleg
launin eru og lítið fjármagn sem ætl-
að er löggæslunni fæst ekkert fólk
sem í raun ætti að sinna þessu starfi.
Ég veit að neyslan er orðin miklu
harðari og glæpatíðni mun meiri en
hér áður fyrr, en er löggæslan auk-
in? Nei, og hvað fáum við borgarbú-
ar í staðinn? Jú, við missum ástvini
út í opinn dauðann, vegna þess að
ekki var nægur mannafli á vakt,
vegna fjárskorts. Af hverju er lög-
gæslan ekki aukin? Með fleiri lög-
reglumönnum og vopnum ef út í það
fer með hliðsjón af því hversu gíf-
urleg neyslan er orðin í dag og
ógæfufólk sem missir stjórn á sjálf-
um sér vegna ofneyslu áfengis og
annarra vímugjafa. Ef ekki er hægt
að treysta á löggæsluna – hverjum
er þá hægt að treysta? Ekki löndum
okkar, það er alveg ljóst. Hvernig er
hægt að standa og horfa á óverknað
sem þennan án þess að aðhafast
nokkurn skapaðan hlut? Mörg vitni
urðu að því er ógæfumenn réðust á
saklausan mann og börðu í götuna
og héldu áfram að beita spörkum og
höggum í lífvana fórnarlamb sem
enga björg gat sér veitt. Hvað gerðu
landar þessa saklausa manns? Stóðu
og horfðu á? Þetta er ekki í fyrsta
skiptið og verður eflaust ekki það
síðasta. Svo er verið að tala um að
fjölga eftirlitsmyndavélum. Til
hvers? Árásin aðfaranótt 25. maí sl.
þar sem ungur maður var barinn til
óbóta átti sér stað í miðbæ Reykja-
víkur og við hlið lögreglustöðvar.
Eftirlitsmyndavél var á staðnum en
hvar var löggæslan? Hvaða öryggi
veita eftirlitsmyndavélar? Jú, það
verður hægt að sanna hvaða ógæfu-
menn frömdu þennan hryllilega
verknað og tryggja þá á bak við lás
og slá í nokkur ár. Væri ekki frekar
að reyna að koma í veg fyrir að
svona lagað geti gerst og þá með
aukinni löggæslu? Hvar er allt þetta
fólk sem situr þing og setur lög og
bönn? Sem ákveða hverjir fá sæm-
andi laun og hverjir ekki? Sem eru
að bjóða sig fram í kosningabarátt-
unni með loforð um betrumbætta
hluti eins og styttri bið eftir leik-
skólaplássi. Hraðlest til Keflavíkur.
Byggð út í Viðey. Af hverju er ekk-
ert loforð um aukna löggæslu?
Hvers virði er líf okkar? Er ekki
spurning um að geta veitt fólki ör-
yggi til að eiga meiri möguleiki á því
að halda lífi. Hvar er allt þetta fólk
sem lofar að betrumbæta þjóðina?
Af hverju sér maður ekki þetta fólk
á götum úti? Þurfum við virkilega að
halda okkur innandyra til að vera
örugg? Hvernig var löggæslan þeg-
ar NATO-fundurinn var haldinn hér
um daginn? Fólki var meinað að
mæta til vinnu vegna ótta við mann-
skaða. Hvar er þessi löggæsla? Af
hverju fáum við hinir almennu borg-
arar ekki slíka löggæslu? Erum við
hinir almennu borgarar eitthvað
minna virði en fólk sem stundar
vinnu á þingi? Ég bara spyr. Í minn-
ingu ungs manns sem brosti við
komandi framtíð en féll fyrir ógæfu-
mönnum og lét lífið vil ég spyrja:
Hvað þarf til þess að fá betri lög-
gæslu? Hvað þarf til þess að maður
heyri ekki bara talað um að betr-
umbæta löggæsluna en engin breyt-
ing á sér stað þegar fram í sækir?
Hvað þarf til? Hversu mikils virði er
mannslífið í raun? Hvað þarf mörg
mannslíf til að geta sagt, nú er kom-
ið nóg. Af hverju heyrir maður ekk-
ert í þingmönnum og stjórnendum
þjóðar okkar þegar fólk lætur lífið
vegna bágrar löggæslu? Hvað þarf
til þess að fá viðbrögð? Hvað þarf
mörg mannslíf í viðbót? Getur ein-
hver svarað því? Er ekki komið nóg?
RAGNHEIÐUR EDDA
VIÐARSDÓTTIR,
Engihjalla 15.
Er ekki
komið nóg?
Frá Ragnheiði Eddu Viðarsdóttur:
FIMM fyrirtæki hafa ásamt um-
hverfisráðuneytinu undirritað sam-
starfssamning við Landvernd sem
felur í sér fjárstuðning við verkefnið
Vistvernd í verki svo og bjóða sum
þeirra starfsmönnum sínum að taka
þátt í verkefninu. Fyrirtækin eru
Fjarðarkaup, Landsvirkjun, Orku-
veita Reykjavíkur, Sorpa og Toyota.
Hvert fyrirtæki stendur fyrir
ákveðin viðfangsefni Vistverndar í
verki sem eru: Sorp, orka, sam-
göngur, innkaup og vatn og voru
fyrirtækin valin með það í huga, að
sögn Sigurborgar Kr. Hannesdóttur
hjá Landvernd. Markmið verkefn-
isins Vistverndar í verki er að efla
vitund og þekkingu fjölskyldna og
einstaklinga á því hvað gera má í
daglegu lífi svo umgengni við um-
hverfið verði vistvænni og stuðli að
betri nýtingu náttúruauðlinda. „Nú
eru ákveðin þáttaskil í starfinu þar
sem umhverfisráðuneytið og fimm
fyrirtæki hafa gengið til liðs við
verkefnið,“ segir Sigurborg.
„Það gerir okkur kleift að hefja
mjög öfluga sókn í verkefninu á
næstu tveimur árum í átaki sem mið-
ar að því að gera það sýnilegra á
landsvísu og fjölga þátttakendum.“
Að sögn Sigurborgar hefur Land-
vernd gert samninga við 11 sveit-
arfélög en markmiðið er að bæta við
tveimur sveitarfélögum á ári, en þau
sjá um að halda utan um starf vist-
hópa sem skipaðir eru fjölskyldum
og einstaklingum.
Sigurborg segir að árangur af
verkefninu sé góður og telur að um
300 fjölskyldur hafi tekið þátt í verk-
efninu nú þegar, eða um 930 ein-
staklingar. „Fyrstu tölur um árang-
ur verkefnisins benda til þess að fólk
sé að minnka sorp um 1 kíló á viku á
hvern heimilismann, rafmagns-
notkun minnkar um 21 kílóvattstund
á viku sem þýðir að á ári er fólk að
spara um 6.500 krónur. Svo erum
við að sjá minnkandi eldsneytis-
notkun um 6% sem þýðir sparnað
upp á 5–10 þúsund krónur á ári mið-
að við venjulegan akstur.“
Sigurborg segir að árangurinn sé
þó oft mun meiri hjá einstaka fjöl-
skyldum.
Morgunblaðið/Sverrir
Samstarfssamningurinn var undirritaður í kaffihúsinu Flórunni í Grasagarðinum. Á myndinni eru (f.v.) Björn
Víglundsson frá Toyota, Ólöf Guðný Valdimarsdóttir, formaður Landverndar, Siv Friðleifsdóttir umhverf-
isráðherra, Guðmundur Þóroddsson, forstjóri Orkuveitu Reykjavíkur, Ragnheiður Ólafsdóttir, umhverfisstjóri
Landsvirkjunar, og Ögmundur Einarsson, framkvæmdastjóri Sorpu.
Um 300 heimili hafa tekið
þátt í Vistvernd í verki
FRÉTTIR
AÐALFUNDUR Samtaka um nátt-
úruvernd á Norðurlandi, Sunn,
verður haldinn í húsakynnum Nátt-
úrustofu Norðurlands vestra, Að-
algötu 2 á Sauðárkróki, á sunnudag,
9. júní, og hefst hann kl. 16.30.
Þorsteinn Sæmundsson, forstöðu-
maður Náttúrustofu Norðurlands
vestra, heldur fyrirlestur fyrir aðal-
fundinn en hann nefnist: Náttúruvá
á Íslandi: Hver er hún og má búast
við henni?
Í erindinu mun Þorsteinn fjalla
um helstu náttúrufarsógnanir á Ís-
landi og greina frá því hvar og hve-
nær þeirra má vænta og hvað gert
er hér á landi til að sporna við
þeim. Einnig segir hann frá rann-
sóknum sem unnar eru hér á landi í
sambandi við náttúruvá. Fyrirlest-
urinn er öllum opinn.
Að loknum fyrirlestri hefjast
venjuleg aðalfundarstörf. Nýir fé-
lagar eru boðnir velkomnir.
Markmið Sunn, sem stofnuð voru
árið 1970, er verndun náttúrulegs
umhverfis á láði og legi, jurta- og
dýralífs, og skynsamleg nýting
náttúruauðlinda, landslýð til heilla í
nútíð og framtíð. Síðustu tvö ár hef-
ur starfsemi samtakanna beinst að
því að taka þátt í mati á umhverfis-
áhrifum, t.d. jarðganga á Trölla-
skaga, kísilnáms úr Mývatni,
Kröfluvirkjunar og Villinganes-
virkjunar.
Fyrirlestur um
náttúruvá á Íslandi
Aðalfundur Samtaka um
náttúruvernd á Norðurlandi
SIGMAR Karl Stefánsson flyt-
ur fyrirlestur um verkefni sitt til
meistaraprófs í rafmagns- og
tölvuverkfræði í dag, föstudag-
inn 7. júní, kl. 15.30 í fyrirlestr-
arsal Íslenskrar erfðagreining-
ar, Sturlugötu 8. Verkefnið
heitir Raðgreining próteina með
massagreiningu.
Verkefnið er unnið í samstarfi
við Íslenska erfðagreiningu.
Leiðbeinendur Sigmars Karls
eru: Jón Atli Benediktsson við
Háskóla Íslands, sem jafnframt
er aðalleiðbeinandi, Hákon Guð-
bjartsson, framkvæmdastjóri
upplýsingatæknisviðs Íslenskr-
ar erfðagreiningar, og Jóhannes
R. Sveinsson, dósent við Há-
skóla Íslands.
Allir eru velkomnir á fyrir-
lesturinn.
Fyrirlest-
ur um
greiningu
próteina
UTANRÍKISRÁÐUNEYTIÐ býð-
ur fyrirtækjum, samtökum, stofn-
unum og einstaklingum viðtalstíma
við sendiherra Íslands til þess að
ræða hagsmunamál sín erlendis,
viðskiptamöguleika og önnur mál-
efni þar sem utanríkisþjónustan
getur orðið að liði.
Þorsteinn Pálsson, sendiherra Ís-
lands í London, verður til viðtals í
utanríkisráðuneytinu mánudaginn
10. júní kl. 14–16. Umdæmi sendi-
ráðsins nær einnig til Grikklands,
Hollands, Indlands, Írlands, Maldí-
veyja, Nepal og Nígeríu, sam-
kvæmt því sem fram kemur í
fréttatilkynningu frá utanríkisráðu-
neytinu.
Viðtalstími
sendiherra