Morgunblaðið - 22.05.2003, Blaðsíða 17

HÖFUÐBORGARSVÆÐIÐ
MORGUNBLAÐIÐ FIMMTUDAGUR 22. MAÍ 2003 17
Jöklaferðir • golfmót • kajakaferðir • hestaferðir • opið lausagöngufjós
vörukynningar • handverksmarkaðir • skoðunarferðir
sig í björg undir sterkri leiðsögn • sérstakar barnastundir • dorgkeppni
sjávarréttaveisla • kaffihlaðborð • sjávarsafn • sjóminjasafn
ljósmyndasýning • verslunarsögusýning • tónleikar/kórsöngur
hellasig • grillveisla • knattspyrnumót o.m.fl.
Leitið eftir Vor undir Jökli blöðrunum
því þar er alltaf eitthvað að gerast.
Ítarleg tímasett dagskrá liggur frammi í Upplýsingamiðstöðinni í Borgarnesi,
á Vegamótum og bensínstöðvum/veitingastöðum/gististöðum í Snæfellsbæ.
Öll gisting og tjaldsvæði eru opin og eru á sérstöku tilboðsverði.
Ferðaþjónustuaðilar í Snæfellsbæ halda Vorhátíð dagana 23.-25. maí
næstkomandi. Snæfellsjökull er í miðju bæjarfélaginu og allt í kringum
hann verður tekið vel á móti ferðamönnum með veglegri dagskrá:
Það tekur rúmlega tvo tíma að aka til Snæfellsbæjar frá
höfuðborgarsvæðinu og upplifa stórfenglega og magnaða náttúru
og njóta hinnar fjölbreyttu afþreyingar sem þar er að finna
Vor undir Jökli
BORGARRÁÐ hefur hafnað kröfu
húseiganda við Garðastræti 23 um að
borgin viðurkenni bótaskyldu vegna
breytinga á deiliskipulagi í Grjóta-
þorpi í nóvember í fyrra.
Lögmaður húseigandans taldi
skipulagið skerða möguleika umbjóð-
anda síns til nýtingar á eign sinni á
lóðinni. Í skipulaginu er mælt fyrir
um að húseignin Garðastræti 23
standi áfram en leyfð er minniháttar
viðbygging á lóðinni. Húseigandinn
hafði á hinn bóginn þau áform uppi að
rífa húsið og reisa þar tvílyft hús líkt
og heimild var fyrir í staðfestu deili-
skipulagi frá 1981, að því er fram
kemur í bréfi lögmannsins til borg-
arinnar.
Eitt elsta timburhúsið
í Grjótaþorpi
Í umsögn fulltrúa borgarlögmanns
sem tekin var fyrir á fundi borgaráðs
á dögunum segir að við endurskoðun
á deiliskipulaginu hafi m.a. verið
stuðst við tillögur um að öll timbur-
hús innan reitsins njóti verndar og
æskilegt sé að útlit húsanna verði lag-
fært með hliðsjón af upprunalegri
gerð.
Segir þar að húsið við Garðastræti
23, „Vaktarabærinn“ sem svo nefnist,
hafi verið byggt árið 1848 og sé sam-
kvæmt heimildum að öllum líkindum
fyrsta timburhúsið sem byggt var í
Grjótaþorpi fyrir utan hús Innrétt-
inganna í Aðalstræti. Vegna aldurs sé
varðveislugildi hússins mjög mikið og
af sömu ástæðu sé húsið sjálfkrafa
friðað sbr. ákvæði í húsafriðunarlög-
um.
„Skipulagsyfirvöldum er skylt við
gerð deiliskipulags að hlíta fyrirmæl-
um löggjafans. Var því bæði rétt og
skylt að afgreiða hið nýja deiliskipu-
lag fyrir Grjótaþorp með þeim hætti
sem gert var.[ …] Ákvörðun löggjaf-
ans um friðun framangreindrar fast-
eignar getur undir engum kringum-
stæðum haft í för með sér bótaskyldu
fyrir Reykjavíkurborg,“ segir í áliti
fulltrúa borgarlögmanns.
Morgunblaðið/Kristinn
Vaktarabær „hinn nýi“, gegnt Hallveigarstöðum, er lítið og lágt timb-
urhús. Það var áður borðaklætt en er nú klætt bárujárni að utan.
Vaktarabærinn Garðastræti 23
Bótakröfu húseig-
andans hafnað
Grjótaþorp
ÁRSREIKNINGUR Bessastaða-
hrepps fyrir árið 2002 var samþykkt-
ur að lokinni síðari umræðu í hrepps-
nefnd í fyrradag. Í tilkynningu frá
Bessastaðahreppi segir að rekstrar-
niðurstaða hans sé jákvæð um 51
milljón króna sem sé 23 milljónum
betri niðurstaða en fjárhagsáætlun
gerði ráð fyrir. Eigið fé sveitarsjóðs
jókst um 51 milljón króna á árinu
2002 og veltufé frá rekstri er um 63
milljónir króna sem er einnig nokkru
betra en áætlun gerði ráð fyrir.
Stefnt er að því að birta ársreikn-
inginn von bráðar á vef sveitarfé-
lagsins.
Skuldaaukning þrátt fyrir
gengisbreytingar
Í bókun Álftaneshreyfingarinnar
á fundi hreppsnefndar í fyrradag
segir að framlagðir reikningar
Bessastaðahrepps fyrir árið 2002
staðfesti að fjárhagsáætlun ársins sé
óraunsæ. „Fjárhagsáætlun sem gerð
var í upphafi ársins 2002 miðaði við
að heildarskuldir yrðu í lok ársins,
án lífeyrisskuldbindinga, um 575
milljónir króna. Raunin varð hins-
vegar sú að skuldir sveitarfélagsins
jukust um 32 milljónir frá upphaf-
legri fjárhagsáætlun ársins 2002 og
eru nú 607 milljónir. Þetta gerist
þrátt fyrir að erlendar skuldir hafi
lækkað um 29 milljónir vegna geng-
isbreytinga og að Jöfnunarsjóður
hafi gefið 15 milljónum meira en
áætlað var. Eins og áður hefur komið
fram var þessari skuldaaukningu og
rekstrarvanda sveitarfélagsins mætt
með 40 milljóna króna láni í lok árs-
ins,“ segir í bókuninni.
Í bókun fulltrúa Sjálfstæðisfélags-
ins segir að fjárhagsstaða sveitar-
sjóðsins sé sterk. Vísað er m.a. í já-
kvæða rekstrarniðurstöðu og aukið
eigið fé sveitarsjóðs. Þá segir enn-
fremur að skuldir sveitarfélagsins,
án lífeyrisskuldbindinga og áfallins
orlofs á árinu 2002, séu heldur lægri
en gert var ráð fyrir í árslok 2002.
Þess má geta að í Bessastaða-
hreppi, sem og öðrum sveitarfélög-
um, var uppgjör sveitarfélagsins nú í
fyrsta sinn lagað að miklu leyti að al-
mennum reikningsskilavenjum í stað
sértækra uppgjörsaðferða sem áður
giltu um sveitarfélög.
Ársreikningur 2002 samþykktur í hreppsnefnd
Rekstrarniðurstaða
jákvæð um 51 milljón
Bessastaðahreppur
ÞORGERÐUR E. Brynjólfs-
dóttir, fulltrúi Álftaneshreyf-
ingarinnar í hreppsnefnd, til-
kynnti á fundi hreppsnefndar í
fyrradag að hún segði sig úr
nefndinni frá og með 1. júlí nk.
þar sem hún heldur til náms í
útlöndum í haust. Sigurbjörn
Úlfarsson mun taka sæti henn-
ar sem aðalfulltrúi í sveit-
arstjórninni.
Breytingar í
hreppsnefnd
HÚSIÐ við Garðastræti 23,
gegnt Hallveigarstöðum, jafnan
nefnt Vaktarabær, var pakkhús
við einn Grjótabæjanna sem
nefndur var sama nafni. Nafnið
mun vera dregið af því að þar bjó
lengi svonefndur vaktari, bruna-
og næturvörður bæjarins á þeim
tíma. Er fyrst getið um pakk-
húsið árið 1848 og sagt að Guð-
mundur vaktari Gissurarson í
Grjóta hafi byggt
það.
Vaktarabærinn
gamli mun hafa
verið vestasti bær-
inn í Grjótahvirf-
ingunni og staðið
þar sem nú er
Garðastræti 25.
Stefán Egilsson
múrari breytti
pakkhúsinu í íbúð-
arhús um 1880 og
flutti í það ásamt
eiginkonu sinni,
Sesselju Sigvalda-
dóttur. Af börnum
Stefáns og Sesselju
ber fyrst að geta
Sigvalda Kaldalóns, tónskálds og
læknis (1881-1946) en hann er
fæddur í húsinu. Sigvaldi samdi á
annað hundrað sönglög sem
mörg hver hafa orðið mjög vin-
sæl, má þar nefna Á Sprengi-
sandi, Hamraborgina og Svana-
söng á heiði. Þá samdi hann
einnig nokkur kórlög, m.a. Ís-
land ögrum skorið. Ekki hefur
verið búið í húsinu undanfarna
áratugi.
Í gegnum árin hafa nokkrar
hugmyndir skotið upp kollinum
um framtíðarnotkun hússins og
staðsetningu. Dagblaðið Dagur
rifjaði upp í grein fyrir nokkrum
árum að borgarráð hafi árið
1977 falið forstöðumanni Árbæj-
arsafns að kanna hvort unnt yrði
að flytja húsið á Árbæjarsafn.
Kaldalónssafn í húsinu?
Í bréfi fyrrum forstöðumanns
húsadeildar Árbæjarsafns til
framkvæmdastjóra MUF, Menn-
ingar, uppeldis og fræðslumála,
frá árinu 2000 fagnar fyrrum
forstöðumaður húsa-
deildar framkominni
tillögu um að í húsinu
verði komið fyrir
Kaldalónssafni. Þess
má geta að á Árbæj-
arsafni eru nokkrir
munir úr eigu Sig-
valda, m.a. forláta
flygill sem vinir hans
færðu honum að gjöf
eitt sinn og fluttur var
sjóleiðina frá Ísafirði.
„Þannig yrðu tvær
flugur slegnar í einu
höggi því bæði yrði
varðveisla sögulegs
húss í miðborg
Reykjavíkur tryggð
og ævi eins ástsælasta tónlistar-
manns landsins gerð skil,“ segir í
svarbréfi fyrrum forstöðumanns
húsadeildar.
Páll V. Bjarnason, núverandi
deildarstjóri húsadeildar, sagði í
samtali við Morgunblaðið að
hugmyndin um að koma upp
Kaldalónssafni í húsinu hefði
ekki komið á borð til sín síðustu
misseri og honum væri ekki
kunnugt um hvernig þeirri hug-
mynd hefði reitt af innan borg-
arkerfisins.
Sigvaldi Kaldalóns
fæddur í húsinu
Grjótaþorp
Sigvaldi Kaldalóns
Heimild: Árbæjarsafn.