Morgunblaðið - 10.09.2005, Blaðsíða 23

MORGUNBLAÐIÐ LAUGARDAGUR 10. SEPTEMBER 2005 23
DAGLEGT LÍF | FERÐALÖG
Þeir sem heimsækja San Francisco
ættu endilega að skreppa aðeins út
fyrir borgina og skoða sig um þar í
nágrenninu. Til dæmis tekur aðeins
um klukkustund að aka til Napa-
dalsins (Napa Valley) en þar slær
hjarta vínframleiðslu í Kaliforníu.
Hlíðarnar eru þaktar vínviði og
gaman að heimsækja vínbúgarða,
smakka vín og versla. Napa Valley
er norður af San Francisco og nafnið
er komið úr tungumáli Wappo-
indíána sem byggðu þetta svæði áð-
ur en fyrstu landnemarnir komu
þangað árið 1823.
Þeir sem ekki eru á bíl geta tekið
Vínlestina (Napa Valley Wine Train)
sem keyrir í gegnum dalinn á þrem-
ur klukkustundum og í henni er bor-
inn fram úrvals matur og eðalvín,
fyrir þá sem slíkt kjósa. Fjölmargar
rútur fara í dagsferðir um Napa dal-
inn og einnig er boðið upp á útsýn-
isferðir þangað í loftbelg og þeir
allra hraustustu leigja sér hjól.
Fegurðin í vínræktinni
Í Napa-dalnum eru yfir 250 vín-
framleiðendur enda hentar loftslagið
og jarðvegurinn þar mjög vel til vín-
ræktar. Að öðrum ólöstuðum er
óhætt að mæla með heimsókn á
vínbúgarð Roberts Mondavi (Robert
Mondavi Winery), en Robert Mond-
avi er ókrýndur leiðtogi bandarískra
vínframleiðenda og á búgarði hans
er tekið einstaklega vel á móti gest-
um. Þar er hægt að skoða sig um,
bæði utandyra sem og innandyra
þar sem tunnurnar liggja í löngum
röðum og snyrtimennskan og feg-
urðin er greinilega í hávegum höfð.
Verslun er á staðnum þar sem hægt
er að kaupa Mondavi-vín, úrvals
ólífuolíur, bækur um mat og vín og
ýmislegt annað girnilegt. Ef haft er
samband fyrirfram er hægt að panta
mat og vín í sérstökum sal (Vineyard
Room), þar sem sjóðheitt áhugafólk
um vín og matargerð getur setið
undir fróðlegri dagskrá um lysti-
semdirnar og smakkað ólík vín.
Sumarhátíð er árlegur viðburður á
vínbúgarðinum hjá Robert Mondavi
og í júlímánuði síðastliðnum var að-
algesturinn enginn annar en Julio
Iglesias.
Sumir töldu hann brjálaðan
Robert Mondavi er af ítölskum
ættum, fæddur í Bandaríkjunum en
foreldrar hans voru ítalskir innflytj-
endur. Hann byggði eina stærstu
víngerðina í Napa-dalnum árið 1966,
en þá var hann kominn yfir fimm-
tugt og var staurblankur, svo að
margir álitu að hann væri orðinn
brjálaður. En hugsjónakrafturinn
og ástríðan komu honum þangað
sem hann ætlaði sér og hann var
meðal þeirra fyrstu sem fluttu út
gæðavín frá Bandaríkjunum til Evr-
ópu á áttunda áratugnum. Nú er Ro-
bert Mondavi orðinn 92 ára og í fullu
fjöri og vínframleiðsla hans er enn í
blóma, þó að hann komi ekki lengur
sjálfur að rekstrinum.
Indíánarnir sögðu „skál“
Mikil ástríða liggur að baki öllu
því starfi sem innt er af hendi á bú-
garðinum og þar er litið á vínfram-
leiðslu sem listgrein. Robert Mond-
avi segir að vína eigi fyrst og fremst
að njóta og þau skuli nota á góðum
stundum til að krydda samveru með
öðru fólki. Takmark hans hefur
ævinlega verið að sameina evrópska
vínmenningu og hefðir, sem for-
eldrar hans báru meðal annars með
sér frá heimalandinu, við nýjustu
stefnur og strauma frá Bandaríkj-
unum.
Þess má geta að þegar Halldór
Ásgrímsson heimsótti búgarð Ro-
berts Mondavi í sumar, þá tjáði hann
leiðsögumanni þeim sem leiddi hann
um svæðið að skiptar skoðanir væru
á því hverjir hefðu komið fyrstir til
Ameríku og því til staðfestingar
sagði hann að þegar Kólumbus kom
til Ameríku og opnaði sitt besta vín
til að fagna með indíánunum, sögðu
þeir „skál“, af því að Íslendingar
höfðu komið þar á undan.

KALIFORNÍA | Vínbóndinn Robert Mondavi lítur á vínrækt sem listgrein
Vínsmökkun
í Napadalnum
Endalausar og fagrar breiður af vínviði eru allt í kringum vínbúgarðinn.
Morgunblaðið/Þorkell
Eðalhvítvíni hellt í glös fyrir vín-
smökkun hjá Robert Mondavi.
Napa Valley Visitors Bureau, 1310
Napa Town Center. s: (707)226–
7459
Eftir Kristínu Heiðu Kristinsdóttur
khk@mbl.is