Morgunblaðið - 10.10.2005, Blaðsíða 34

34 F MÁNUDAGUR 10. OKTÓBER 2005 MORGUNBLAÐIÐ
V
allahverfið í Hafnarfirði er
að byggjast upp með
undraverðum hraða. Því
veldur góð eftirspurn eftir
íbúðum í hverfinu. Talsvert er síðan
flutt var inn í fyrstu húsin, en enn er
mikið í byggingu. Víða má sjá krana
og önnur stórvirk tæki að verki, þeg-
ar ekið er um hverfið.
Þetta verður stórt hverfi með um
6.000 íbúum, þegar það er fullbyggt
og mun hafa yfir sér ósvikið hafn-
firskt yfirbragð. Hverfið er byggt á
hrauni enda hraunið mjög áberandi í
landslaginu og við skipulagningu
hverfisins var reynt að halda í hraunið
eins og frekast er unnt og þess gætt
að láta kosti þess njóta sín.
Þó að Vallahverfið liggi í útjaðri er
það ekki einangrað, því að tengslin
milli þess og miðbæjar Hafnarfjarðar
eru mjög auðveld um Ásbraut. Jafn-
framt er örstutt í Reykjanesbraut og
leiðin því greið, hvort heldur er til
Reykjavíkur eða suður með sjó. Jafn-
framt er mjög stutt frá Vallahverfi í
útiveru og til fjalla. Útivistarmögu-
leikarnir eru miklir.
Yfir 500 nýjar íbúðir og hús
Vallahverfi hefur verið skipulagt í
áföngum, eftir því sem það hefur
byggst upp. Nú eru til kynningar til-
lögur að deiliskipulagi fyrir 5. og 6.
áfanga í Vallahverfi. Þetta eru allstór-
ir áfanga með yfir 500 íbúðum sam-
tals í einbýlishúsum, rað- og parhús-
um og fjölbýlishúsum. Tillögurnar
eru til sýnis hjá þjónustuveri Hafn-
arfjarðarbæjar og athugasemdum við
þær skal skila eigi síðar en 14. nóv-
ember nk.
Samkvæmt deiliskipulagi fyrir
Velli 5 eru í þeim áfanga skipulagðar
lóðir fyrir 88 einbýlishús, 54 íbúðir í
raðhúsum, tvær íbúðir í parhúsum og
242 íbúðir í fjölbýli, samtals 386 íbúð-
ir.
Í 6. áfanga Valla felur deiliskipu-
lagið m. a. í sér lóðir fyrir 24 einbýlis-
hús, 83 íbúðir í rað- og parhúsum og
56-64 íbúðir í fjölbýli, samtals 145-153
íbúðir, auk lóðar fyrir 4-6 deilda leik-
skóla.
Þórhallur Pálsson hefur stýrt hópi
arkitekta hjá Arkís ehf, sem unnið
hafa skipulagið fyrir báða þessa
áfanga, en Arkís hefur einnig skipu-
lagt 2., 3. og 4. áfanga Vallasvæðisins.
Tengiliður umhverfis- og tæknisviðs
Hafnarfjarðar hefur verið Gunnhild-
ur Gunnarsdóttir arkitekt.
Þau Gunnhildur og Þórhallur telja
líklegt, að ásóknin verði mikil í ein-
býlishúsalóðirnar, en ásókn í sérbýlið
hefur verið mikil í Vallahverfi líkt og
annars staðar á höfuðborgarsvæðinu.
Þegar um 60 einbýlishúsa- og rað-
húsalóðir voru auglýstar í 4. áfanga
Valla snemma á þessu ári bárust um
1.400 umsóknir. Svo mikil var ásókn-
in.
Einbýlishúsalóðum á Völlum 5 og 6
verður úthlutað í haust og gera má
ráð fyrir, að lóðirnar verði bygging-
arhæfar næsta vor.
„Yfirleitt er gert ráð fyrir einbýlis-
húsum á einni hæð,“ segja arkitekt-
arnir. „Nýtingarhlutfallið er 0,4, sem
þýðir að það má byggja á 40% af lóð-
arstærðinni. Sem dæmi má nefna, að
ef lóðin er 600 ferm., þá má húsið vera
240 ferm. En landið er fremur óslétt
frá náttúrunnar hendi og þar sem
hagar þannig til á lóðum að hluti lóða
liggur mun lægra en gatan, þá má
byggja húsin á pöllum og auka þannig
nýtingu lóðarinnar.“
Ný íbúðar- og atvinnuhverfi á
suðursvæðum Hafnarfjarðar
Nú eru til kynningar til-
lögur að deiliskipulagi
fyrir nýja áfanga í Valla-
hverfi í Hafnarfirði.
Magnús Sigurðsson
kynnti sér tillögurnar.
Kostir hraunsins eru látn-
ir njóta sín.
Horft yfir Vallahverfi í byggingu. Efst sést Reykjanesbrautin, en Vellir 5 og 6 eru fyrir ofan rafmagnslínurnar neðst á myndinni. Í hverfinu fullbyggðu verða um 6.000 íbúar.
Morgunblaðið/RAX
Í Vallahverfi. Frá vinstri: Þórhallur Pálsson, arkitekt hjá Teiknistofunni Arkís, dr. Bjarki Jóhannesson, skipulags- og bygg-
ingafulltrúi Hafnarfjarðar, og Gunnhildur Gunnarsdóttir, arkitekt hjá skipulagssviði Hafnarfjarðar. Þórhallur er aðalhöf-
undur deiliskipulags fyrir 5. og 6. áfanga Vallahverfis.
Á Völlum er Þyrping langt komin með að reisa 1.500 ferm. nýbyggingu. Þar verður m.a. Bónus með verslun.