Fréttablaðið - 10.12.2004, Qupperneq 57

37FÖSTUDAGUR 10. desember 2004
Innra eftirlit í fyrirtækjum
kemur í veg fyrir misferli og
gerir upplýsingar til stjórn-
enda áreiðanlegri. Sé það
samofið annarri starfsemi
þarf því ekki að fylgja mikill
kostnaður.
Sjónir manna hafa beinst að innra
eftirliti fyrirtækja eftir hneykslis-
mál sem skóku bandarískt efna-
hagslíf. World Com og Enron eru
þau fyrirtæki sem framsögumenn
á fundi Verslunarráðs um innra
eftirlit fyrirtækja tiltóku sem
helstu kveikju þess að umræður
um innra eftirlit í fyrirtækjum
hafa fengið meiri athygli upp á
síðkastið.
Hér á landi hafa slík hneyksli
ekki verið áberandi. Hins vegar
skjóta fjárdráttarmál stöku sinn-
um upp kollinum. Síminn er eitt
þeirra fyrirtækja sem lent hafa í
slíku og miðlaði Brynjólfur
Bjarnason, forstjóri félagsins, af
reynslu sinni á fundi Verslunar-
ráðsins. Auk Brynjólfs voru fram-
sögumenn á fundinum Ólafur
Kristinsson frá Pricewater-
houseCoopers og Heiðrún Jóns-
dóttir, lögmaður hjá Lex.
PricewaterhouseCoopers hefur
gefið út rit um innra eftirlit í
fyrirtækjum. Ólafur sagði á fund-
inum að mikilvægt væri að skil-
greina hvað átt væri við með hug-
takinu innra eftirlit. Skilgreining-
in sem gengið er út frá í ritinu er
að innra eftirlit sé ferli sem ætlað
sé að tryggja árangur og skil-
virkni í starfseminni, áreiðanleika
upplýsinga og samkvæmni við lög
og reglur. Ólafur lagði áherslu á að
slíkt eftirlit ætti að vefjast saman
við daglegt starf í fyrirtækinu og
því ekki að verða íþyngjandi fyrir
starfsemi þess. Þvert á móti ætti
það að geta stuðlað að því að fyrir-
tæki næði rekstrarmarkmiðum
sínum og komið í veg fyrir að
verðmæti spillist og fari forgörð-
um.
Brynjólfur Bjarnason tók undir
þetta sjónarmið er hann lýsti því
hvernig fjárdráttarmálið hefði
leitt til þess að verkferlum var
breytt í fyrirtækinu. Innra eftirlit
var eflt til muna og ráðinn hefur
verið innri endurskoðandi sem
ráðinn er af stjórn án atbeina for-
stjóra. Brynjólfur sagði að hlut-
verk innri endurskoðunar væri
einnig að benda á það sem betur
mætti fara í rekstri. „Ég tel því að
hér sé um virðisaukandi starfsemi
að ræða.
Í kjölfar hneykslismála í
Bandaríkjunum voru sett svoköll-
uð Sarbanes-Oxley lög. Þættir í
lögunum lúta að starfsemi skráðra
félaga. Lögin hafa sett fyrirtækj-
um skyldur á herðar um innra eft-
irit. Smærri skráð hlutafélög hafa
talið lögin íþyngjandi og verið
skráð af markaði. Ólafur sagði að
samkvæmt þeim skilgreiningum
sem eru efni rits Pricewater-
houseCoopers og byggja á svo-
nefndri COSO-skýrslu ætti inn-
leiðing innra eftirlits ekki að vera
íþyngjandi. Fram kom að æskileg-
ast væri að fyrirtækin innleiddu
sjálf innra eftirlit í samræmi við
góða stjórnarhætti fremur en að
slíkt væri innleitt með utanaðkom-
andi löggjöf. haflidi@frettabladid.is
Rafmagn í stað olíu
HREINNI ORKA Starfsmenn Norðuráls fyrir framan biðofninn sem nú er hitaður með
rafmagni í stað olíu. Guðbrandur Gimmel iðnaðarverkfræðingur og Ívar Már Jónsson raf-
magnsverkfræðingur.
Norðurál hefur tekið í gagnið nýja
tækni við hitun á svonefndum bið-
ofni í steypuskála álversins á
Grundartanga. Nýja tilhögunin felst
í því að ofninn verður framvegis
hitaður með rafmagni í stað olíu,
sem er ásamt gasi algengasti orku-
gjafinn til slíkra nota í álverum.
Ávinningur af breytingunni er
margvíslegur. Áhrif á vinnuum-
hverfi starfsmanna eru jákvæð
vegna þess að hitun með rafmagni
er mjög hljóðlát og loftgæði
aukast. Þá er tekin upp notkun á
vistvænum orkugjafa í stað
olíu.Við breytinguna sparast á
annan tug milljóna árlega með því
að nota íslenskan orkugjafa í stað
innflutts og í fimmta lagi er um að
ræða íslenskt frumkvæði. Áætlað
er að fjárfestingin skili sér til
baka á einu til tveimur árum. - hh
INNRA EFTIRLIT Framsögumennirnir Ólafur Kristinsson, Brynjólfur Bjarnason og
Heiðrún Jónsdóttir og fundarstjórinn Jón Karl Ólafsson. Framsögumenn sögðu hneykslis-
mál í Bandaríkjunum hafa beint sjónum manna í auknum mæli að innra eftirliti fyrirtækja.
Arðbært eftirlit
FRÉTTAB
LAÐ
IÐ
/H
AR
I
56-57 (36-37) viðskipti 9.12.2004 14:39 Page 3