Fréttablaðið - 20.03.2005, Page 2

2 20. mars 2005 SUNNUDAGUR
Stjórnarkjör Sparisjóðabankans:
Kona náði ekki kjöri
SPARISJÓÐIRNIR Margrét Hólm Vals-
dóttir, sparisjóðsstjóri Sparisjóðs
Suður-Þingeyinga, bauð sig fram í
aðalstjórn Sparisjóðabanka Íslands
á föstudag en náði ekki kjöri. Mar-
grét situr áfram í varastjórn bank-
ans. Valgerður Sverrisdóttir,
iðnaðar- og viðskiptaráðherra,
segir þetta mikil vonbrigði.
Í stjórninni sitja fimm menn og
gáfu þeir allir kost á sér til áfram-
haldandi setu. Sitja því fimm karl-
ar áfram í stjórninni.
Fundarboði Sparisjóðabankans
fylgdi bréf Valgerðar Sverrisdótt-
ur, iðnaðar- og viðskiptaráðherra,
þar sem hún hvatti til þess að fleiri
konur kæmu inn í stjórnir.
„Þar sem ég var búin að sitja í
tvö ár í varastjórn í Sparisjóða-
bankanum fannst mér þetta vera
áskorun um að bjóða mig fram í að-
alstjórn. Ég hélt kannski að það
væri lag á breytingum en það var
ekki,“ segir Margrét.
„Það er náttúrlega dálítið slæmt
þegar bréf kemur frá iðnaðar- og
viðskiptaráðherra að menn skuli
ekki nota tækifærið til breytinga.“
Þrír af 24 sparisjóðsstjórum
hérlendis eru konur og í stjórnum
sparisjóðanna er ein kona. - ghs
Þrír handteknir vegna líkamsárásar:
Beittu kylfum og táragasi
LÖGREGLUMÁL Lögreglan á Ísafirði
var kölluð út fjórum sinnum í
sama partíið þar í bæ aðfaranótt
laugardags. Fyrst var það vegna
slagsmála milli húsráðanda og
annars manns og var gesturinn
handtekinn og öðrum ögrandi
gesti hent út. Sá lét sig þó ekki
alveg hverfa og var lögreglan
kölluð út skömmu síðar til að
skakka slagsmál milli hans og
húsráðandans. Slagsmálin höfðu
borist út á götu þegar lögreglan
kom. Þurfti hún að beita táragasi
og kylfum við handtökuna en ann-
ar mannanna var vopnaður hnífi.
Þurfti að flytja annan manninn á
sjúkrahús með höfuðmeiðsl en
þau reyndust ekki vera alvarleg.
Ekki var öll nótt úti enn því síð-
ar þurfti lögreglan tvíveigis að
hafa afskipti af þessum gleðskap
vegna líkamsárása. Maður sem er
grunaður um að hafa beitt hnífi í
slagsmálunum var handtekinn.
Þrír voru því handteknir í fjór-
um útköllum í sama gleðskapnum
á Ísafirði í fyrrinótt. - jse
Tímamótasamningur
Kjarasamningur Félags framhaldsskólakennara hefur 21 prósents heildar-
áhrif á samningstímanum, sem er til 2008. Samningurinn felur í sér sömu
hækkanir og á almennum vinnumarkaði. Atkvæðagreiðslan fer fram í mars.
KJARASAMNINGUR Heildaráhrif
kjarasamnings Félags framhalds-
skólakennara við ríkið nema 21
prósenti á samningstímanum; frá
1. febrúar 2005 til aprílloka 2008.
Samningurinn felur í sér sömu
hækkanir og á almennum vinnu-
markaði. Stofnanasamningur
verður gerður innan hvers fram-
haldsskóla.
„Með samningnum er verið að
styrkja innra starf skólanna. Við
erum að þróa áfram þá markmiðs-
setningu að styrkja innra starfið,
efla skólastarf og umbætur í
framhaldsskólum. Að öðru leyti
er samningurinn á sömu nótum og
hjá BHM-félögunum,“ segir Aðal-
heiður Steingrímsdóttir, formað-
ur Félags framhaldsskólakenn-
ara.
Framhaldsskólakennarar taka
upp sams konar launatöflu og
launakerfi og BHM-félögin. Ný
launatafla tekur gildi 1. maí 2006.
Samkvæmt henni verða lægstu
laun 200 þúsund krónur á mánuði
en í dag eru þau 190 þúsund krón-
ur.
„Þetta er tímamótasamningur.
Í fyrsta lagi erum við að taka upp
sömu launatöflu og sama launa-
kerfi og BHM-félögin. Í öðru lagi
er verið að styrkja skólastarfið og
innra starf skólanna. Í þriðja lagi
er ný hugsun, að efla starfsþróun
kennara og framgang þeirra í
starfi faglega séð. Samningurinn
felur líka í sér ávinning og sókn-
arfæri til lengri tíma litið,“ segir
hún.
Kjarasamningur framhalds-
skólakennara er í grunninn gjör-
ólíkur kjarasamningi grunnskóla-
kennara. Grunnskólakennarar
sömdu miðlægt en framhalds-
skólakennarar eru með ramma-
samning og svo nánari útfærslu í
stofnanasamningum í skólunum.
„Hvað kjaralegan ávinning
varðar höfum við vissulega haft
samning grunnskólakennara til
hliðsjónar við okkar samninga-
gerð. Að því leyti hafði hann áhrif
á samningaferlið hjá okkur,“ segir
hún.
Kjarasamningur framhalds-
skólakennara verður kynntur í
framhaldsskólunum eftir páska.
Stefnt er að því að niðurstaða
atkvæðagreiðslunnar verði ljós í
byrjun apríl. ghs@frettabladid.is
Héðinsfjarðargöng:
Opnuð síðla
árs 2009
SAMGÖNGUR „Á Þorláksmessu árið
2009 bjóðum við öllum Eyfirðing-
um í skötuveislu,“ sagði Runólfur
Birgisson, bæjarstjóri á Siglu-
firði, en hann á þá von á því að
gestirnir komi um Héðinsgöngin
sem þá verða tilbúin.
Sturla Böðvarsson tilkynnti í
gær að verkið verði boðið út í
haust og að framkvæmdir hefjist í
júlí á næsta ári.
Runólfur var fagnandi þegar
Fréttablaðið náði tali af honum og
sagði að þótt Siglfirðingar vildu
vera sér á báti væru þeir þessum
samgöngubótum afskaplega
fegnir. – jse
ANGIST Í BEIRÚT
Óttast er að frekari átök verði í Líbanon
eftir að sprengja sprakk í hverfi kristinna í
Beirút.
Sprenging í Beirút:
Óttast
frekari átök
BEIRÚT, AP Ellefu særðust þegar
bílsprengja sprakk í gær í Beirút,
höfuðborg Líbanons. Óttast er að
þetta séu upptök enn frekari
óeirða í borginni. Vegna spreng-
ingarinnar hefur Emile Lahoud,
forseti Líbanons, frestað för sinni
á fund arabaríkja sem fram átti að
fara í Alsír á mánudag. Einnig var
tilkynnt að gripið yrði til frekari
aðgerða gegn hvers kyns ofbeldi í
landinu.
Sprengjan eyðilagði átta hæða
íbúðahús í New Jdeideh-hverfinu
í Beirút, þar sem flestir íbúa eru
kristnir. Ástæða árásarinnar
liggur ekki fyrir. ■
Loka þurfti þjóðvegi eitt:
Flutninga-
bíll valt
SLYS Flutningabíll með krana á festi-
vagni valt á þjóðvegi eitt rétt við
Vatnsdalsbrú á föstudagskvöld.
Ökumaðurinn, sem var einn í bíln-
um, var fluttur á Fjórðungssjúkra-
húsið á Akureyri. Talið er að hann
hafi viðbeinsbrotnað en einnig
skarst hann á líkama.
Loka þurfti þjóðveginum í gær
meðan verið var að reisa flutn-
ingabílinn við en hann lá á vegar-
kantinum og lokaði helmingi
akreinarinnar. ■
USD 58.54
JPY 0.56
EUR 77.74
Gengi› rétt fyrir
lokun 18. mars
29.275,-*
Subaru Forester sjálfskiptur 2.450.000Ver› nú
Ver› á›ur
Ver› nú 2.580.000
2.750.000
300.000
SPURNING DAGSINS
Elías, hefurðu styrk til að verj-
ast vantrausti?
„Já, ég tel mig hafa mikinn persónuleg-
an styrk.“
Elías Jón Guðjónsson er nýr formaður Stúdenta-
ráðs. Hann var kosinn með tveimur atkvæðum,
en átján kjörnir fulltrúar Röskvu og Vöku sátu hjá
í atkvæðagreiðslunni.
■ LÖGREGLUFRÉTTIR
TVEIR PILTAR HANDTEKNIR MEÐ
FÍKNIEFNI Lögreglan á Akureyri
handtók tvo pilta um miðjan dag í
gær en lítilræði af kannabisefnum
fannst á þeim.Þeim var sleppt eftir
yfirheyrslur og telst málið upplýst.
KVIKNAÐI Í POTTI Slökkviliðið á
Akureyri var kallað út um fjögur-
leytið í gær og þurfti að reykræsta
einbýlishús. Skemmdir eru taldar
lítilsháttar. Húsráðandi hafði
brugðið sér frá sjóðandi potti.
Lögreglan leysti þrjú
fíkniefnamál:
Sex teknir í
Keflavík
FÍKNIEFNAMÁL Sex voru handteknir á
föstudagskvöld og aðfaranótt laug-
ardags í Keflavík í þremur fíkni-
efnamálum. Um tíuleytið stöðvaði
lögreglan bíl og við eftirgrennslan
fundust þrjú grömm af meintu am-
fetamíni. Viðurkenndu tveir menn
að eiga efnin. Skömmu síðar var
annar bíll stöðvaður og fannst þá
eitt gramm af amfetamíni á öku-
manninum. Um klukkan tvö var svo
þriðji bíllinn stöðvaður og þar fann
lögreglan þrjú grömm af am-
fetamíni. Voru því sex handteknir í
þremur óskyldum málum. – jse
ÍSAFJÖRÐUR
Lögreglan í bænum var fjórum sinnum kölluð út í sama partíið. Þrír menn voru handtekn-
ir og einn fluttur á sjúkrahús en meiðsl hans reyndust ekki vera mikil.
MARGRÉT HÓLM VALSDÓTTIR
Gaf kost á sér í aðalstjórn Sparisjóðabank-
ans en það var ekki lag á breytingum. Karl-
arnir fimm náðu áfram kjöri í stjórn.
AÐALHEIÐUR STEINGRÍMSDÓTTIR
Formaður Félags framhaldsskólakennara segir að kjarasamningurinn verði kynntur í 30
framhaldsskólum eftir páska.
FR
ÉT
TA
B
LA
Ð
IÐ
/H
EI
Ð
A
Fríhöfnin og Flugstöðin:
Felldu kjara-
samning
KJARAMÁL Starfsmenn Fríhafnarinn-
ar ehf. og Flugstöðvar Leifs Eiríks-
sonar felldu nýlega kjarasamning
með 61 prósenti greiddra atkvæða.
Já sögðu 34 prósent og auðir og
ógildir seðlar voru fjórir.
Jens Andrésson, formaður
Starfsmannafélags ríkisstofnana,
segir að heildaráhrif kjarasamn-
ingsins hafi verið tæplega 20 pró-
sent. Spurning sé hvort fullur skiln-
ingur hafi náðst á ávinningnum
meðal starfsmanna. Viðræður
verða teknar upp í næstu viku. - ghs