Fréttablaðið - 20.03.2005, Page 62
20. mars 2005 SUNNUDAGUR
Íslenskir fjölmiðlar
hafa ár hvert keppt
sín á milli í því að
láta fólk hlaupa 1.
apríl. Það er eini
dagur ársins þar
sem fjölmiðlarnir
mega og leyfa sér að
búa til eina frétt
sem er skáldskapur
að einu eða öllu
leyti. Slíkur skáld-
skapur hefur tíðkast um árabil hér
á landi og á við um flestalla fjöl-
miðla landsins; Fréttablaðið, Morg-
unblaðið, DV, fréttastofu Stöðvar 2
og Bylgjunnar sem og fréttastofur
Ríkisútvarpsins og Sjónvarps. Allir
hafa fjölmiðlarnir lagt sitt á vogar-
skálar grínsins.
Platfréttirnar eru misgóðar
eins og gefur að skilja enda mis-
jafnar hugmyndir sem liggja að
baki. Í gegnum árin hafa þó nokkr-
ar góðar og eftirminnilegar fréttir
litið dagsins ljós. Má þar meðal
annars nefna afruglarargleraugu
sem fólk átti að geta keypt í versl-
unum til að horfa á Stöð 2, rúss-
neskan kafbát við Íslandsstrendur
og samstarf McDonald’s og Kópa-
vogskirkju. Margar af þessum
fréttum vöktu mikil viðbrögð,
sumar kátínu en aðrar óhug.
Nú er fólk farið að bíða í ofvæni
eftir platfréttum ársins enda rétt
tæpur hálfur mánuður til stefnu.
Það upplýsist hins vegar hér með
að platfrétt ársins verður sú
stærsta í manna minnum enda hafa
allir fjölmiðlar og stjórnmálamenn
landsins tekið höndum saman um
að láta almenning hlaupa og það
svo um munar. Þann 1. apríl næst-
komandi er nefnilega gert ráð fyrir
að nýráðinn fréttastjóri útvarps
komi til starfa. Almenningur hefur
þegar kokgleypt við fréttinni og er
löngu byrjaður að hlaupa.
Þann 2. apríl munu fjölmiðlar
hins vegar upplýsa að ráðning
fréttastjórans hafi verið stærsta
aprílgabb sögunnar ásamt öðrum
umdeildum ráðningum. Má þar
meðal annars nefna ráðningar í
Hæstarétt og hjá Umboðsmanni
barna. En ef fjölmiðlarnir hafa
ekki verið að skálda fréttirnar
hlýtur að vera um annars konar
grín að ræða. ■
STUÐ MILLI STRÍÐA
KRISTJÁN HJÁLMARSSON LÆTUR EKKI PLATA SIG
1. apríl
M
YN
D
: H
EL
G
I S
IG
U
RÐ
SS
O
N
■ PONDUS
■ PÚ OG PA Eftir SÖB
Eftir Frode Överli