Fréttablaðið - 23.02.2006, Qupperneq 60

23. febrúar 2006 FIMMTUDAGUR32
menning@frettabladid.is
! Kl. 20.00Kammersveit Bærum tónlist-
arskólans í Noregi heldur tón-
leika í Norræna húsinu í kvöld
og leikur allt frá Mozart til
Mussorgsky. Hljómsveitin verð-
ur einnig með tónleika í Lang-
holtskirkju síðdegis á morgun
og í Tónlistarskóla Kópavogs á
laugardaginn. Aðgangur á alla
tónleikana er ókeypis.
> Ekki missa af ...
... tónleikum Megasar á Vetrarhátíð
í Hallgrímskirkju á laugardaginn þar
sem hann flytur lög sín við Passíu-
sálma Hallgríms Péturssonar með
aðstoð barnakórsins Kammerkórs
Biskupstungna og hljóðfæraleikara.
... tónleikum samísku söngkonunn-
ar Marit Hætta Överli í Norræna
húsinu á laugardagskvöld. Með
henni koma fram Klemet Andres
Buljo, Hilmar Örn Hilmarsson,
Sigtryggur Baldursson, Tómas
Tómasson, Steindór Andersen
og Guðmundur Pétursson ásamt
Bjarna og Bjössa úr Mínus.
... frumsýningu Íslenska dansflokks-
ins annað kvöld á tveimur verkum
eftir Rui Horta og Didy Veldman.
Vetrarhátíð í Reykjavík
er ein allsherjar menn-
ingarnótt sem stendur í
þrjá daga. Meðal viðburða
eru fimm orgeltónleikar í
Dómkirkjunni í Reykjavík
í kvöld.
„Við ætlum að opna kirkjuna upp á
gátt og spila svo hátt að það heyr-
ist út um allan Austurvöll,“ segir
Guðmundur Sigurðsson, einn af
fimm organistum sem ætla að
leika á orgelið í Dómkirkjunni í
kvöld. Fyrstu tónleikarnir hefjast
klukkan 20.30 og síðan hefjast
nýir tónleikar á hálftíma fresti allt
kvöldið.
„Þetta verður mjög fjölbreytt
dagskrá, alveg frá sálmasöng til
nútímatónlistar,“ segir Guðmund-
ur, sem er organisti í Bústaða-
kirkju.
Það verður hins vegar Friðrik
Vignir Stefánsson, organisti
Grundarfjarðarkirkju, sem ríður
á vaðið klukkan 20.30 og leikur
„Bach fyrir börnin“, fræg verk
eftir Bach sem eru svo áheyrileg
að börn ættu að geta haft býsna
gaman af, til dæmis hina þekktu d-
moll tokkötu, Slá þú hjartans
hörpustrengi og skemmtilegt stutt
verk þar sem eingöngu er spilað á
pedalnótur orgelsins.
Klukkan níu tekur við af honum
Kári Þormar, organisti í Áskirkju,
og spilar undir fjöldasöng í kirkj-
unni, þekkt sálmalög sem allir
ættu að kannast við.
Hálftíma síðar er röðin komin
að dómorganistanum, Marteini
Hunger Friðrikssyni, sem leikur
fjölbreytt íslensk öndvegisverk,
þar á meðal verk eftir Jón Nordal
og Hjálmar H. Ragnarsson.
Sjálfur ætlar Guðmundur síðan
að setjast við dómkirkjuorgelið
klukkan 22 og leika „Djass fyrir
Drottin“, en svo hljóðar yfirskrift-
in á tónleikum hans.
„Þetta er matreiðsla tveggja
kompónista á þekktum sálmalög-
um, eins konar sálmafantasíur í
djassstíl eftir Duke Ellington og
George Shearing. Mjög bláir
tónar,“ segir Guðmundur.
„Svo í lokin ætlum við að spila
trylltar tokkötur. Þá ætlum við að
slökkva öll ljós í kirkjunni, kveikja
á kertum og vera með draugalega
stemningu.“
Það er Douglas A. Brotchie, org-
anisti í Háteigskirkju, sem leikur
villta orgeltónlist í myrkvaðri
Dómkirkjunni á þessum síðustu
orgeltónleikum kvöldsins. ■
GUÐMUNDUR SIGURÐSSON Organisti Bústaðakirkju ætlar að leika ólgandi djass úr smiðju Ellingtons og George Shearing á orgel Dómkirkj-
unnar í kvöld. FRÉTTABLAÐIÐ/VILHEM
Organistar eiga kvöldið
Spunameistarar af ýmsu tagi
fagna því næstu þrjú kvöld að
spunakvöld, sem haldin hafa verið
reglulega síðustu misseri í Klink
og Bank, eru nú komin á vergang
því þau húsakynni standa ekki
lengur til boða. Í kvöld verður því
haldið Spunakvöld í Nýlistasafn-
inu, annað kvöld í Stúdentakjallar-
anum og á laugardaginn í Nor-
ræna húsinu.
„Við ætlum að halda almenni-
lega upp á það að vera komin á
vergang,“ segir Gunnar Gríms-
son, sem hefur haldið utan um
spunakvöldin ásamt félaga sínum,
Magnúsi Jónssyni.
Meðal þeirra sem koma fram
er finnska tónskáldið og spuna-
maðurinn Sami Klemola, en heim-
sókn hans til landsins er tilefni
þess að efnt er til þessara þriggja
spunakvölda nú.
„Þeir eru margir sem hafa
komið að þessu alveg frá upphafi,“
segir Magnús, en samtökin Spuni
hafa staðið fyrir Spunakvöldum
reglulega í ein sautján ár, þótt
undanfarið hafi samastaður þeirra
verið í Spunasal gömlu Hampiðj-
unnar, þar sem Klink og Bank var
til húsa.
Öllum hefur jafnan verið heim-
il þátttaka á Spunakvöldunum,
hvort sem sú þátttaka er virk eða
óvirk. Oftast hafa þau farið fram
þannig að fyrst er haldinn undir-
búningsfundur þar sem fyrirliggj-
andi efni er metið og búin til dag-
skrá. Að því búnu hefst
dagskráin.
„Í þetta skiptið höfum við gefið
kost á því að fólk boði þátttöku
sína fyrirfram, og þetta fer þá
þannig fram að fyrir hlé koma
þeir fram sem voru búnir að boða
sig en eftir hlé verða svo þeir sem
boða þátttöku sína í hléinu.“
Eðli sínu samkvæmt eru spuna-
atriði óvænt og því geta gestir átt
von á nánast hverju sem er.
„Reyndar hefur þetta mest
verið tónlist,“ viðurkennir Magn-
ús, en tekur fram að gerður sé
skýr greinarmunur á spuna og
djammi.
„Við erum ekki að setjast niður
í æfingahúsi að spila bara af því
okkur finnst það svo gaman. Mark-
miðið er að búa til góða tónlist
fyrir áheyrendur, ekki bara að
skemmta þeim sem standa á svið-
inu.“
Dagskráin í Nýlistasafninu í
kvöld hefst klukkan 20, í Stúdenta-
kjallaranum annað kvöld klukkan
22 og í Norræna húsinu á laugar-
daginn klukkan 20. ■
Spuni á vergangi
FRÁ EINU AF SPUNAKVÖLDUNUM Í KLINK OG BANK Spunaleikröð verður í Nýlistasafninu í
kvöld, Stúdentakjallaranum annað kvöld og í Norræna húsinu á laugardagskvöldið.
Leikritið Forðist okkur eftir Hugleik Dagsson í
samstarfi Kommononsense og nemendaleikhússins
aftur á fjalirnar á Litla sviði Borgarleikhússins í mars,
en sýningin fékk afar góðar viðtökur jafnt almenn-
ings og gagnrýnenda þegar það var sýnt í haust.
„Við höfðum sviðið bara í mánuð í haust, en
sýningin spurðist vel út og á endanum komust
færri að en vildu,“ segir Valur Freyr Einarsson hjá
Kommononsense. „Við ákváðum því að sýna það
aftur.“ Sýningarnar verða hins vegar aðeins tíu og er
því að gera að hafa vaðið fyrir neðan sig og panta
tímanlega.
Forðist okkur er aðlögun á samnefndri teikni-
myndasögu Hugleiks Dagssonar. Stefán Jónsson og
Ólöf Ingólfsdóttir, en leikarar eru Birgitta Birgisdótt-
ir, Dóra Jóhannsdóttir, Halldóra Malín Pétursdóttir,
Jörundur Ragnarsson, Magnea Björk Valdimarsdótt-
ir, Stefán Hallur Stefánsson, Sveinn Ólafur Gunnars-
son, Víðir Guðmundsson, Valur Freyr Einarsson og
Aðalheiður Halldórsdóttir.
Forðist okkur aftur á svið