Tíminn - 01.02.1989, Page 2
2 Tíminn
Miövikudagur 1. febrúar 1989
Forstjóri Landsvirkjunar segir orkusölu héðan til Bretlands samkeppnisfæra við kjarnorkuver:
Bretar taka frumkvæðið
í viðræðum um orkukaup
Breskar rafmagnsveitur hafa nú tekið frumkvæði í viðræð-
um við Landsvirkjun og íslensk orkumálayfirvöld um þann
kost að selja raforku til Bretlands. Halldór Jónatansson,
forstjóri Landsvirkjunar, segir að samkvæmt bráðabirgðatöl-
um standist útflutningur á raforku til Bretlands fyllilega
samkeppni við nýleg kjarnorku- og kolaorkuver, sem er einn
nærtækasti kostur Breta í orkuöflun um þessar mundir.
Síðari hluta marsmánaðar munu
fulltrúar þriggja almenningsraf-
veitna koma til íslands til könnunar-
viðræðna við Landsvirkjun, en raf-
veitur í Bretlandi standa frammi
fyrir því að verða sjálfstæð fyrirtæki
árið 1991. Því er nú unnið að
undirbúningi þess að ná hagstæðum
samningum um orkuöflun sam-
kvæmt ákvörðun aðstoðarorku-
málaráðherrans Michael Spiser.
Niðurstöður viðræðnanna í mars
gætu ráðið úrslitum um það hvort
skriður kemst á þessi orkusölumál á
næstunni eða hvort þau muni liggja
í láginni á næstu árum.
Þróun málsins hefur verið í stórum
dráttum sú að Halldór hélt á fund
aðstoðarorkumálaráðherra
Bretlands, Michael Spicer, í nóvem-
ber sl. ásamt sendiherra fslands í
London, Ólafi Egilssyni. Afrakstur
þeirra viðræðna varð sá að aðst.ráð-
herrann fór þess á leit við stjórnar-
formann einnar rafveitunnar af tólf
í Bretlandi, James Smith hjá Eastern
Electricity Board, að hann fylgdi
þessu máli eftir. f framhaldi af þessu
hefur James Smith sýnt því áhuga að
taka upp könnunarviðræður við
Landsvirkjun ásamt fulltrúum
þriggja annarra rafveitna. Hyggjast
þeir koma til þessara viðræðna í lok
niarsmánaðar nk.
Viðræður að frumkvæði
Breta í mars
Halldór Jónatansson sagði að til-
gangur þessara viðræðna væri að
fulltrúar þessir vildu kanna þessar
hugmyndir frekar og kynnast að
einhverju leyti aðstæðum hér á landi
af eigin raun. Samkvæmt ákvörðun
bresku ríkisstjórnarinnar er ætlunin
að rafveitur þessar verði allar gerðar
að sjálfstæðum fyrirtækjum árið
1991. Þegar og ef að því kemur er
ljóst að rafveiturnar standa frammi
fyrir þeim vanda að sjá sjálfar um
orkuöflun og orkuinnkaup auk dreif-
ingar til almennings, en fram að því
verða veiturnar eingöngu almennar
dreifiveitur. Verði þessi einkavæð-
ing að lögum eins og ríkisstjórn
Bretlands vinnur að, verða þessi
fyrirtæki m.a. í samkeppni um orku-
öflun og orkukaup.
Samkeppnisfær
möguleiki
„Þess vegna verða þessi fyrirtæki
að kanna alla möguleika á að fram-
leiða orku með kolum, kjarnorku og
fleiri orkugjöfum, sem kunna að
þykja vænlegir á hverjum tíma, en
auk þess verður þeim heimilað að
flytja inn orku ef þeir telja það
samkeppnisfært. Þess vegna hyggja
þessir aðilar gott til glóðarinnar um
innflutning á orku frá Frakklandi og
eins fyrir veitur á Englandi að kaupa
orku frá Skotlandi. Þeim virðist
m.a. þykja ómaksins vert að kynna
sér möguleika á orkukaupum frá
íslandi,“ sagði Halldór. Að sögn
Halldórs hefur Landsvirkjun gert
bráðabirgðaáætlun um hagkvæmni
útflutnings af þessu tagi. „Sam-
kvæmt bráðabirgðatölum Lands-
virkjunar og athugunum, á þetta
bæði að vera tæknilega og fjárhags-
lega hagkvæmur möguleiki og sam-
keppnisfær við verð á raforku úr
nýjum kjarnorkuverum og kola-
stöðvum í Bretlandi. Við stöndum á
því og allt útlit er fyrir að þessi
möguleiki verði fýsilegri eftir því
sem frá líður,“ sagði forstjóri Lands-
virkjunar. KB
Ólafsfjarðarmúli:
Barst 60 metra
með snjóflóði
Síðastliðið mánudagskvöld féll
snjóflóð á veginn í Ólafsfjarðarmúla
og hreif með sér einn mann, Ævar
Klemensson sérleyfishafa frá
Dalvík. Ævar barst 60 metra með
flóðinu en hann sakaði ekki og tókst
að komast upp úr flóðinu og upp á
veginn aftur af eigin rammleik.
Ævar var á leið til Ólafsfjarðar frá
Dalvík ásamt syni sínum er óhappið
varð. Þegar þeir komu að svokölluðu
Bríkargili ákváðu þeir að snúa til
baka en þegar þeir komu aftur að
Tófugjá hafði fallið þar lítið snjóflóð
frá því að þeir áttu leið þar um.
Ævar fór að moka frá bílnum en þá
féll annað snjóflóð sem hreif hann
með sér og barst hann með því eina
60 metra. Á þessum stað er snarbratt
og mátti litlu muna að illa færi.
Sonur Ævars fann hann ekki strax
og bað því björgunarsveitina á Dal-
vík um að koma til aðstoðar. Þegar
hún kom á staðinn hafði Ævari
tekist að koma sér upp á veginn.
Björgunarsveitin flutti feðgana
heim.
f samtali við Tímann sagði Ævar
að flóðið sem hann lenti í hafi
klofnað á snjóflóðinu sem fallið
hafði fyrr en giskaði á að það hafi
verið um 30 til 40 metrar á breidd og
fjórir metrar á dýpt. Ævar sagði
einnig að það hafi verið fyrst eftir á
sem hann hefði gert sér grein fyrir
hættunni sem hann var í.
Sem fyrr segir barst Ævar 60
metra með flóðinu og var hann
spurður að því hvort ekki hefði verið
erfitt að ösla snjóinn til að ná upp á
veginn aftur. „Mér fannst það að
minnsta kosti ansi langt og erfitt.“
Ævar sagði að Múlinn hefði verið
opnaður rétt áður en þeir feðgar
lögðu af stað. „Það er nú þannig að
maður veit aldrei með Múlann hve-
nær hann er opinn og hvenær hann
er lokaður, hann getur nefnilega
lokast í einu vetfangi.“
SSH
...., kallaði starfsmaður Reykjavíkurhafnar
þegar hann sá þessa vösku menn steypa bflnum fram af. - Engin ástæða var þó til að hafa áhyggjur því þarna
var Víkingasveitin mætt til að æfa björgun úr sokknum bfl.
Þess má svo geta að bfllinn var fjarlægður þegar æfingunni var lokið.
Tímamynd: Pjetur
Karpov lagði Jóhann að velli í annarri einvígisskákinni:
Hrammur sovéska bjarnarins þungur
Anatoly Karpov sýndi enn og
sannaði hvers hann er megnugur
þegar hann sigraði Jóhann okkar
Hjartarson í fyrrinótt. Verður að
segjast eins og er að Jóhann virðist
bera mikla virðingu fyrir heims-
meistaranum fyrrverandi og óttast
hann helst til mikið. Nú hafa þeir
teflt alls sex skákir og staðan er 4
1/2 gegn 1 1/2 vinningi Karpov í
hag. Þetta eru slæmar tölur og
Jóhann verður að taka á sig rögg
til að ná að breyta þessum tölum
eitthvað sér í hag.
Ef staðan í einvíginu er aðeins
t'huguð þá má segja að möguleikar
Jóhanns séu nánast úr sögunni. En
hinu má ekki gleyma að Jóhann er
sterkur persónuleiki sem hefur rétt
hugarfar í keppni sem þessari.
Hver man ekki eftir þeirri svartsýni
sem greip um sig er Jóhann tapaði
niður tveggja skáka forystu í ein-
víginu við Kortsnoj? Hann reif sig
upp úr því og sigraði það. And-
stæðingur hans nú er mun sterkari
en Kortsnoj en gefum ekki upp alla
von. Karpov er alls ekki ósigrandi,
en til að sigra hann þarf að taka
áhættu, og vonandi tekst Jóhanni
og aðstoðarmönnum að brugga
Karpov launráð fyrir þriðju skák-
ina sem teflist í nótt.
Það er. von þess sem þetta ritar
að nú fari óvæntir hlutir að gerast
í Seattle.
Hvítt: Anatoly Karpov
Svart: Jóhann Hjartarson
Enskur leikur l.C4-e5 2.g3-Rf6
3.Bg2-d5 4.cxd5-Rxd5 5.Rc3-Rb6
6.Rf3-Rc6 7.0-0-Be7
Þessi byrjun virðist hafa verið
skoðuð af báðum keppendum fyrir
einvígið því þeir tefldu báðir hratt.
Nú fór Karpov að taka lengri tíma
og forðast algengustu leiðir.
8.a3-Be69.b4-O010.Hbl-f6 ll.d3
Þessi leikur tekur C4 reitinn af
svörtum og styrkir tök hvíts á e4
reitnum og næsti leikur svarts virð-
ist ganga beint inn í áætlun hvíts.
Il.-Dd7 12.Re4-Rd5
ÓlafurHelai
Átnason
SlAKSKÝRANDI
Hvítur hótaði óþægilega Rc5
13.Dc2-b6 14.Bb2-Hac8
Síðustu þrír og jafnvel fjórir
leikir svarts hafa verið slakir. Og
eftir 13.b6 sést að c6 reiturinn í
svörtu herbúðunum er nú óvaldað-
ur af peði og Karpov nýtir sér það
á skemmtilegan máta í framhald-
inu.
15.Hbcl-Rd4 16.Bxd4-exd4
17.Dc6-Dxc6 18.Hxcb6-Bd7
Ef hvítur viki nú hróknum undan
gæti svartur leikið 19.-c5 og væri í
sæmilegum málum en Tolya fann
vinningsleið. Stöðumynd 19.Rxd4!
11111 III! ■1*11
III m É.H H| i
III ij lllllll IHIII lllllllllll
IIIIIIIIH m iiiiiii
Hi i t iiiiiii
IHI * II® ibi
■ & 011.11
lllllllllliaH
Stöðumynd eftir 18. leik svarts.
Auðvitað fórnar hann skipta-
mun fyrir tvö peð og er með nánast
auðunna stöðu.
19.-Bxc6 20.Rxc6-Hce8 21.Hel-f5
22. Rd2-Rf6 23.Rxa7-Bd6 24.e3-
c5 25.Rc4-Bb8 26.Rc6-cxb4
27.axb4-b5 28.R4a5-Rd7 29.d4-g5
Ef við stöldrum aðeins við hér
þá er ljóst að Karpov stendur til
sigurs. Áætlun hans er einfaldlega
sú að nota þau peð sem hann hefur
umfram Jóhann þ.e. e og d peðin.
Leika þeim áfram uns svartur verð-
ur að fórna liði til að stöðva þau.
30.Rxb8-Hxb8 31.Hc4-Rf6 32.e6-
Hb6 33.Re7+-kh8 34.Rxf5-Ha6
Karpov hefur nælt í eitt peð til
viðbótar en nú fær Jóhann í fyrsta
sinn í þessari skák tækifæri til
gagnsókna 35.Hcl-Ha2 36.h3 til
að koma í veg fyrir 36.Rg4-Hb2
37.e-Hxb4 38.g4-h5 39.e5-hxg4
Lokatilraun til að rugla Karpov.
En því miður er hún dæmd til að
mistakast. 40.exf6-gxh3 41.Bxh3-
Hxf6 42.Hc8+-kh7 3.Hc
Nú virðist Jóhann hafa verið
búinn að fá sig fullsaddan á þessari
skák og leikur sig í mát en skákin
var hvort eð er töpuð 43.-kg6
44.Hg7
Þar með lauk þessari skák og nú
er um að gera fyrir Jóhann að byrja
upp á nýtt. Það er engu að tapa
fyrir hann, en allt að vinna.