Fréttablaðið - 05.03.2009, Blaðsíða 6
6 5. mars 2009 FIMMTUDAGUR
Nú er frost
á fróni
Týr skíðajakki
nú 6.500 kr.
Barnakuldagalli
nú 9.000 kr.
Ert þú sátt(ur) við ferðir forseta
Íslands með þotum í eigu eða
leigu íslenskra fyrirtækja?
Já 28%
Nei 72%
SPURNING DAGSINS Í DAG:
Vilt þú vinstri stjórn eftir kosn-
ingar?
Segðu skoðun þína á visir.is
ATVINNA Reykjavíkurborg mun
ráða yfir 4.100 manns í sumar-
störf í ár. Þetta tilkynnti borgar-
stjóri, Hanna Birna Kristjáns-
dóttir, á borgarstjórnarfundi á
þriðjudag. Flestir munu starfa
hjá Vinnuskóla Reykjavíkur, eða
um 2.900 manns. Þá verða 860
ráðnir til afleysinga á fagsvið-
um borgarinnar, flestir, 414, hjá
umhverfis- og samgöngusviði.
Samkvæmt fjárhagsáætlun
fara 96 milljónir til að skapa um
400 sumarstörf. Um 46 millj-
ónir eru eyrnamerktar ákveðn-
um verkefnum en samráðsnefnd
um sumarstörf ákveður hvernig
afganginum verður varið. - kóp
Reykjavíkurborg ræður fólk:
Yfir 4.100 ráðn-
ir í sumarstörf
EFNAHAGSMÁL Í niðurstöðum draga
að ályktun endurreisnarnefnd-
ar Sjálfstæðisflokksins um sam-
keppnismál segir að ganga eigi
til samninga við Evrópusam-
bandið um gjaldeyrismál „sem
tryggi Íslendingum aðild að evr-
ópsku myntsamstarfi sem fyrst“.
Krónan, ein á báti, skapi ekki þá
umgjörð um efnahagslífið sem það
þarfnast. Drögin voru skrifuð af
Ólafi Ísleifssyni hagfræðingi, að
beiðni Sjálfstæðisflokksins.
„Engin von er til þess að efna-
hags- og atvinnulíf landsmanna
nái að eflast og dafna til hags-
bóta fyrir almenning nema fyr-
irtæki og heimili búi við gjald-
miðil sem tækur er í alþjóðlegum
viðskiptum,“ segir í drögunum og
ljóst er að ekki er verið að ræða
um íslensku krónuna sem tæka í
alþjóðlegum viðskiptum.
Sigurður Kári Kristjánsson,
þingmaður Sjálfstæðisflokksins
segist fyrirfram ekki halda að það
sé vilji til þess innan Sjálfstæðis-
flokksins að sækja um aðild að
Evrópusambandinu. Því telur hann
ekki líklegt að drögin verði sam-
þykkt eins og þau standa.
„Ég er sammála því að það þarf
að marka skýra framtíðarstefnu
í peninga- og gjaldmiðilsmálum,“
segir Sigurður Kári. Íslenska
krónan hefur reynst okkur fjöt-
ur um fót. Í slíkri framtíðarstefnu
eigi þó ekki að felast aðild að Evr-
ópusambandinu.
„Evran blasir við sem framtíð-
argjaldmiðill um farveg umsókn-
ar að Evrópusambandinu,“ segir
í drögum endurreisnarnefndar-
innar, en hún verði ekki tekin upp
nema í góðri sátt við Evrópusam-
bandið. Þar er því einhliða upptöku
annarrar myntar hafnað.
„Það liggur fyrir að ef við stönd-
um fyrir utan Evrópusambandið
þurfum við að finna lausn á okkar
peningastefnu,“ segir Guðlaugur
Þór Þórðarson, þingmaður Sjálf-
stæðisflokks. Hann lofar starf end-
urreisnarnefndarinnar, segir hana
ferskan andblæ og það sem fram
hafi komið málefnalegt. „Varð-
andi einstaka þætti þá eru það mál
sem menn munu fara yfir. Það er
mikilvægt að öll sjónarmið fái að
koma fram, en ekki er búið að taka
afstöðu til þeirra,“ segir hann. Líkt
og Evrópuumræðan hafi styrkt
flokkinn þá eigi sjálfstæðisfólk að
fara yfir gjaldmiðlamál og vera
óhrætt við að velta upp hugmynd-
um. svanborg@frettabladid.is
Endurreisnarnefnd
segir evru framtíðina
Evran blasir við sem framtíðargjaldmiðill, segir í drögum að ályktun endur-
reisnarnefndar Sjálfstæðisflokksins um samkeppnishæfni.
EVRUR Í STAÐ KRÓNA Efnahags- og atvinnulíf nær ekki að eflast og dafna með
íslensku krónunni, segir í drögum að ályktun um samkeppnismál frá endurreisnar-
nefnd Sjálfstæðisflokksins.
SIGURÐUR KÁRI
KRISTJÁNSSON
GUÐLAUGUR ÞÓR
ÞÓRÐARSON
SJÁVARÚTVEGUR Ægi Páli Friðberts-
syni framkvæmdastjóra og Bald-
vini Johnsen fjárreiðustjóra Ísfé-
lagsins í Vestmannaeyjum hefur
verið vikið úr starfi. Ákvörðunin
var tekin á stjórnarfundi í fyrra-
kvöld.
Í fréttatilkynningu fyrirtæk-
isins segir að ástæðan sé að þeir
hafi farið út fyrir heimildir sínar
í störfum sínum þegar þeir gerðu
afleiðusamninga við íslenska
banka en fyrirtækið hefur orðið
fyrir hundruð milljóna tapi vegna
þeirra. Gunnlaugur Sævar Gunn-
laugsson stjórnarformaður gagn-
rýndi störf tvímenninganna á mbl.
is í gær og sagði það reyndar ekk-
ert óeðlilegt að útflutningsfyrir-
tæki gerði slíka samninga til að
tryggja sig gegn gengistapi en þeir
sem þarna voru gerðir hafi verið
langt umfram það sem eðlilegt geti
talist. Hann telur þó ekki að um
glæpsamlegt athæfi hafi verið að
ræða né að tvímenningarnir hafi
ætlað að græða persónulega með
samningunum. „Okkar starf er að
veiða, vinna og selja fisk og það er
því annarra að reyna að hagnast á
fjármálabraski,” sagði hann enn-
fremur.
Hörður Óskarsson fjármála-
stjóri vildi ekki tjá sig um málið
frekar en Þórarinn Sigurðsson
stjórnarmaður. Ekki náðist í Ægi
Pál, Gunnlaug Sævar né Guð-
björgu M. Matthíasdóttur sem sæti
á í stjórninni. -jse
Framkvæmdastjóri og fjárreiðustjóri Ísfélagsins reknir vegna samninga við banka:
Ollu tapi upp á hundruð milljóna
ÆGIR PÁLL FRIÐBERTSSON Ægir varð
framkvæmdastjóri 2001, skömmu eftir
bruna hjá Ísfélaginu í desember 2000.
MYND/ÓSKAR FRIÐRIKSSON
LÖGREGLUMÁL Þrír svartklæddir
og grímuklæddir menn skvettu
grænum vökva yfir fulltrúa orku-
fyrirtækja á Háskólatorgi í dag og
hlupu síðan á braut.
Orkufyrirtækin Landsvirkjun,
Nýorka, Geysir Green Energy og
Metan voru að kynna starfsemi
sína á torginu þegar mennina bar
að. Kynningin var hluti af svoköll-
uðum Grænum dögum sem Gaia
- félag meistaranema í umhverf-
is- og auðlindafræðum stendur að
í samstarfi við aðra. Með þeim á
að vekja nemendur og starfsfólk
skólans til vitundar um vistvæna
neyslu og endurvinnslu, að því er
segir á heimasíðu Gaia.
Guðmundur R. Jónsson, fram-
kvæmdastjóri fjármála og rekst-
urs við HÍ, segist hafa rökstudd-
an grun um úr hvaða hópi fólkið
kom. Hann segir fólk í skólanum
vera miður sín yfir atvikinu. „Mér
finnst þetta nú ósköp aumt þegar
menn eru að mótmæla einhverju
að vera grímuklæddur og þora
ekki að sína andlit sitt. Svo er bara
hlaupið í burtu og ekki gengist við
neinu.“ Hann segir að starfsmaður
háskólans hafi stöðvað einn hinna
grímuklæddu, en verið truflað-
ur af einum áhorfanda þannig að
sá grímuklæddi slapp. Lögreglan
hefur málið til rannsóknar.
Ekki er vitað hvað fólkinu gekk
til þar sem engin yfirlýsing hefur
borist vegna aðgerðarinnar. - kóp
Súrmjólk slett yfir fulltrúa orkufyrirtækjanna á grænum dögum í Háskólanum:
Græn orka fékk grænar slettur
SÚRMJÓLK Í HÁDEGINU Grænum vökva, sem lögreglan telur vera súrmjólk með
matarlit, var slett yfir fulltrúa orkufyrtækja í Háskóla Íslands í hádeginu í gær.
MYND/GUNNAR GUNNARSSON
KJÖRKASSINN