Fréttablaðið - 05.03.2009, Blaðsíða 16
16 5. mars 2009 FIMMTUDAGUR
nær og fjær
„ORÐRÉTT“
Steingrímur J. Sigfússon
fjármálaráðherra vann
áður fyrir sér sem vörubíl-
stjóri á sumrin þegar hann
var í námi. Þá flutti hann
til dæmis þrjár hrefnur
frá Bakkafirði á Þórshöfn í
kringum árið 1980. Mynd af
þessu hangir uppi á Hvala-
safninu á Húsavík.
„Þarna er ég að leysa böndin af
þremur hrefnum sem voru veiddar
austur á Bakkaflóa,“ segir Stein-
grímur um myndina.
„Það var hið góða skip Faldur
ÞH sem Þorbergur Jóhannsson,
hrefnuveiðimaður og skipstjóri,
gerði út. Hann fékk þessar hrefnur
austur við Digranes og til að spara
sér siglinguna fyrir Langanesið
samdi hann við mig um að koma
austur á Bakkafjörð og sækja þær
og keyra þær svo á Þórshöfn til
skurðar,“ segir Steingrímur. Hann
gerði út vörubíl á sumrin á þessum
árum, meðan hann var í háskóla.
„En það er gaman að segja frá
því að þetta merka skip, Faldur, er
nú hvalaskoðunarskip á Húsavík.
Nú halar hann inn tekjum í þjóð-
arbúið, ekki með því að veiða hvali
heldur með því að sýna þá,“ segir
Steingrímur.
Saga skipsins sé því lýsandi
fyrir andstæðurnar í hvalamálum.
Spurður hvort hún endurspegli
sögu Steingríms, hvað hvalveiðar
varðar, segir hann nei.
„Ég hef aldrei verið andvígur
því að nýta sjávarspendýr frekar
en aðrar tegundir. Ég er enginn
friðunarsinni í þeim skilningi og
hef aldrei verið. En ég hef viljað
nálgast þessi mál ábyrgt og skoða
allar hliðar þeirra,“ segir Stein-
grímur. Hann tilkynnti þann 18.
febrúar að ákvörðun fyrrum sjáv-
arútvegsráðherra stæði, um að
heimila hvalveiðar. Ákvörðunin
væri bindandi fyrir stjórnina.
„En það er einfaldlega staðreynd
að hagmsunir Íslands í þessu dæmi
eru orðnir allt aðrir og bland-
aðri en þeir voru. Hin pólitíska og
þjóðréttarlega staða er allt önnur.
Við þurfum að horfast í augu við
þetta,“ segir hann.
Steingrímur telur sig vera rúm-
lega tvítugan á myndinni. Hún hafi
verið tekin á árunum 1978 til 1981
þegar hann keyrði bílinn. Hann er
stoltur af því að starfið hafi dugað
sér nógu vel til að hann þurfti ein-
ungis einu sinni að taka námslán.
klemens@frettabladid.is
Steingrímur flytur hval
STEINGRÍMUR VÖRUBÍLSTJÓRI „Ég er þarna ungur og frískur, ábyggilega rúmlega tvítugur, og bara nokkuð vörpulegur uppi á
bílnum!“ MYND/ÓÞEKKTUR LJÓSMYNDARI
Það er jú þeirra eðli
„Stjórnmálamenn fóru að
leita að sökudólgum til að
beina athygli og óánægju frá
sjálfum sér og skora jafn-
framt pólitísk stig.“
JÓNAS FR. JÓNSSON, FYRRVERANDI
FORSTJÓRI FME
Fréttablaðið 4. mars
Stjórnarskráin hvað!
„Engu máli skiptir hvaðan
settur seðlabankastjóri
kemur. Það jaðrar við rasisma
að fordæma bráðabirgðasetu
hans á grundvelli þjóðernis.“
REYNIR TRAUSTASON, RITSTJÓRI DV
DV 4. mars
Þórey Rut Jóhannesdóttir lætur
hreyfihömlun sína ekki aftra sér
frá ritstörfunum en hún hefur gefið
út ljóðabókina Ljóðaperlur og er nú
að glíma við skáldsögu.
„Ég ákvað að byrja að skrifa eftir
að vinkona mín Ásdís Jenna hafði
hvatt mig til þess,“ segir Þórey Rut.
Sú ætti að vera mönnum kunn en
þrátt fyrir að vera fjölfötluð hefur
hún gefið út ljóðabók, en hún skrif-
ar ljóðin með því að styðja á takka
með hökunni. Hún lét sér ekki
nægja að fara fram á ritvöllinn
heldur hóf nám í Háskóla Íslands
og brautskráðist í táknmálsfræði
árið 2007.
En þó ekki skorti viljann hjá
Þóreyju Rut þá verður einhver töf
á því að skáldsagan verði gefin út.
„Skáldsagan er nefnilega föst í tölv-
unni,“ segir hún. „En ég fæ örugg-
lega einhvern til að bjarga þessu.“
Hún vill ekki segja mikið um inni-
hald sögunnar en segir þó ekkert
skorta á rómantík og kímni þar.
Ásdís Jenna hefur orðið fleiri fötluðum hvatning:
Skáldsaga föst í viðjum tölvunnar
MEÐ LJÓÐABÓKINA Þórey Rut ákvað
að skrifa ljóðabókina eftir hvatningu frá
vinkonu sinni.
VOR
Það er komið vor
Ég heyri fuglasöng óma í eyra mér
Fuglarnir fljúga upp í himininn
Ég get ekki flogið.
„Ég segi allt þokkalegt bara. Ég er svo heppinn
að vera einn af þeim sem eru með vinnu enn
þá, er að elda æðislegan, ferskan silung með
íslenskum kartöflum og flottu salati,“ segir Geiri
Sæm, kokkur á Hrafnistu og tónlistarmaður. „Svo
er ég alltaf að vinna í tónlist líka með félögun-
um. Ég er að vinna að sólóplötu með Kristjáni
Edelstein og ætla að fara í stúdíó að taka upp í
vor eða sumar. Stefni svo að því að gefa plötuna
út í haust eða strax eftir áramótin. Þetta er
svona minn eigin bræðingur, ég sem allt efnið
sjálfur en á voðalega erfitt með að flokka tónlist
yfir höfuð, hvað þá mína eigin. Maður kann ekki
alveg að tala svona um sjálfan sig og tónlistina
sína. Svo veit ég ekki hvort ég eigi að tala mikið
um það strax en það eru viðræður í gangi um
endurkomu hljómsveitarinnar Pax Vobis. Sú sveit
var upp á sitt besta í kringum 1984, á blóma-
tíma „eitís“ bylgjunnar. Við Þorvaldur Bjarni og
Skúli Sverrisson erum spenntir fyrir því að taka
upp þráðinn þaðan sem frá var horfið á níunda
áratugnum, semja nýtt efni
og gefa eitthvað út fljót-
lega. Það sem stendur
aðallega í veginum er
tímaleysi því Skúli býr í
Bandaríkjunum og erf-
itt að samræma okkur
þrjá. En vonandi gengur
þetta eftir og þá má fólk
eiga von á að heyra nýtt
efni frá Pax Vobis á þessu
eða næsta ári.“
HVAÐ ER AÐ FRÉTTA? ÁSGEIR SÆMUNDSSON KOKKUR OG TÓNLISTARMAÐUR
Von á endurkomu Pax Vobis
■ Trúðafælni, eða coulrophobia,
er líklega algengari en margir
halda. Oftast nær eru það börn
sem þjást af slíkri fælni, en hún
finnst líka hjá unglingum og full-
orðnum. Flestir fyllast sjúklegri
hræðslu við trúða eftir að hafa
lent í erfiðri trúðatengdri reynslu
eða séð trúð haga sér á skelfileg-
an hátt í kvikmyndum. Til dæmis
má telja líklegt að upphaf coul-
rophobiu hjá mörgum sé hægt
að rekja til áhorfs á kvikmyndina
„It“ frá 1990, en í henni hrellir
djöfulleg vera í trúðaskrúða
lítil börn. Einnig þekkist að of
mikil andlitsmálning geti komið
þeim sem þjást af trúðafælni úr
jafnvægi.
FRÓÐLEIKUR
TRÚÐAFÆLNI ER EKKERT
GRÍN
Lagersala
GRANÍTVASKAR OG STÁLVASKAR
GASHELLUBORÐ
INNBYGGÐIR KÆLI- OG FRYSTISKÁPAR
HÁFAR Á VEGG OG YFIR EYJUR
OFNAR OG GASELDAVÉLAR
-% afsláttur
Hringdu í síma
ef blaðið berst ekki