Morgunblaðið - 10.04.2007, Blaðsíða 14

14 ÞRIÐJUDAGUR 10. APRÍL 2007 MORGUNBLAÐIÐ
VIÐSKIPTI/ATHAFNALÍF
Suðurlandsbraut 24 • 108 Reykjavík • Sími 569 0900
Fax 569 0909 • lifbank@lifbank.is • www.lifbank.is
Ársfundur
Ársfundur Lífeyrissjóðs bankamanna verður haldinn
fimmtudaginn 12. apríl nk. kl. 17.30.
Fundurinn verður haldinn á Hótel Loftleiðum, Þingsal 1.
Dagskrá:
1. Venjuleg störf ársfundar
skv. 6. gr. samþykkta sjóðsins.
2. Tillögur stjórnar til breytinga á samþykktum.
Meðal annars kynnt tillaga um
aldurstengingu réttinda í Stigadeild.
3. Önnur mál.
Tillögur til breytinga á samþykktum Lífeyrissjóðs bankamanna
liggja frammi á skrifstofu sjóðsins, Suðurlandsbraut 24,
sími 569 0900. Einnig má nálgast tillögurnar
á heimasíðu sjóðsins www.lifbank.is.
Fyrir fundinn verður boðið upp á léttar veitingar.
Stjórn Lífeyrissjóðs bankamanna.
ÞETTA HELST ...
● JAPANSKI bílaframleiðandinn
Toyota jók enn frekar markaðs-
hlutdeild sína á bandarískum bíla-
markaði í mars. Þá jókst sala á
Toyota-bílum um 12% frá fyrra ári en
hjá helstu keppinautunum, GM og
Ford, dróst salan saman. Um 4% hjá
GM og 9% hjá Ford.
Toyota er þó ekki eini japanski
bílaframleiðandinn sem bætir við sig
því sala á Honda jókst einnig um
12%. Athygli vekur einnig að sala í
mars var í besta falli óbreytt frá fyrra
ári en endanlegar sölutölur liggja
ekki fyrir.
Enn vinnur
Toyota á vestra
● ÞÖKK sé mikilli
eftirspurn eftir úr-
um og öðru skarti
var methagnaður
hjá svissneska
úraframleiðand-
anum Swatch á síðasta ári. Sam-
kvæmt vefútgáfu þýska blaðsins Der
Spiegel var hagnaður fyrirtækisins
um 830 milljónir svissneskra franka,
eða rúmir 45 milljarðar íslenskra
króna, og jókst um tæp 34% milli ára.
Í frétt Der Spiegel segir að afkoma
Swatch sé langt umfram spár fjár-
málasérfræðinga.
Methagnaður
hjá Swatch
BANDARÍSK yfirvöld ætla að kæra
Kína til Heimsviðskiptastofnunarinn-
ar, WTO, vegna þess hversu illa
stjórnvöld í Kína taka á hugverka-
stuldi.
Ólögleg fjöldaframleiðsla á kvik-
myndum, tónlist og bókum (svokölluð
sjóræningjaframleiðsla) er afar stórt
vandamál úti í hinum stóra heimi og
fer hún að miklu leyti fram í SA-Asíu
og þá fyrst og fremst í Kína. Yfirvöld í
Bandaríkjunum eru orðin allþreytt á
því að þessi iðja sé látin viðgangast í
fjölmennasta ríki heims og hyggst
leggja fram tvær kærur fyrir WTO
samkvæmt frétt Wall Street Journal.
Annars vegar verður Kína kært fyrir
að framfylgja ekki eigin lögum um
sjóræningjaframleiðslu og hins vegar
fyrir að þrengja að dreifingu á er-
lendu afþreyingarefni.
Ríkin hafa átt í viðræðum um þetta
mál en niðurstaða hefur ekki náðst og
segir fulltrúi Bandaríkjastjórnar ekki
aðra kosti í stöðunni en að vísa málinu
til WTO. Vilji kínversk stjórnvöld ná
sátt séu þau velkomin að samninga-
borðinu á ný.
Um mikla fjármuni er að tefla því
árið 2005 er talið að kvikmyndabrans-
inn hafi orðið af um 2,7 milljörðum
Bandaríkjadala vegna kínverskrar
sjóræningjaframleiðslu á kvikmynd-
um. Það samsvarar um 180 milljörð-
um króna. Til samanburðar má geta
þess að
Það eru ekki einungis framleiðend-
ur áðurnefnds afþreyingarefnis sem
fylgjast með málinu sem vekur kurr
meðal ýmissa annarra eigenda hug-
verka sem þegar hafa náð samkomu-
lagi við kínversk yfirvöld. Samkomu-
lagi sem gæti orðið af engu dæmi
WTO Kínverjum í hag. Meðal þeirra
hagsmunaaðila sem hér er um að
ræða má nefna lyfjaframleiðendur og
hátæknifyrirtæki á borð við Micro-
soft og Apple.
Þetta er síður en svo í fyrsta skipti
sem Bandaríkin kæra Kína fyrir
vafasama viðskiptahætti og í síðast-
liðnum mánuði lagði ríkisstjórn
landsins blessun sína á tillögur um
innleiðingu refsitolla á pappír frá
Kína.
Bandaríkin kæra Kína
vegna hugverkastulda
Reuters
Mikið úrval Kínverjar eru stórtækir í sjóræningjaframleiðslu á ýmsum
varningi. Mest áberandi er þó afþreyingarefni.
AUÐJÖFURINN
aldni og sérlund-
aði Kirk Kerkor-
ian virðist hafa
einsett sér að
eignast bílafyr-
irtæki en eins og
einhverjir muna
eflaust reyndi
hann að ná völd-
um í einum stærsta bílaframleið-
anda heims, General Motors, fyrir
nokkrum misserum. Það gekk ekki
eftir og nú hefur hann gert yf-
irtökutilboð í bandaríska bílafram-
leiðandann Chrysler sem hefur átt
í miklum erfiðleikum um nokkra
hríð. Verðmæti tilboðsins er meira
en 4,5 milljarðar Bandaríkjadala,
jafngildi meira en 300 milljarða
króna.
Núverandi eigandi Chrysler er
Mercedes Benz-framleiðandinn
Daimler en fyrirtækin runnu sam-
an árið 1998 í einum stærsta fyr-
irtækjasamruna sögunnar. Banda-
rískir bílaframleiðendur hafa ekki
átt sjö dagana sæla á undan-
förnum árum og mætti jafnvel
ætla að einhverjir þeirra verði
undir í hinni síharðnandi sam-
keppni sem einkennir bíliðnaðinn.
Einna verst hefur gengið hjá
Chrysler og hefur Daimler reynt
að losna við fyrirtækið að und-
anförnu.
Dieter Zetsche, forstjóri Daiml-
er, hefur staðfest að nokkur tilboð
í vandræðabarnið hafi borist en
ekki hefur fengið staðfest hverjir
hinir áhugasömu eru. Auk
Kerkorian er þó talið að framtaks-
fjárfestingasjóðirnir Cerberus og
Blackstone auk kanadíska bíla-
hlutaframleiðandans Magna séu
meðal áhugasamra.
Kerkorian enn á kreik
LÆGÐIN á bandaríska fast-
eignamarkaðnum gæti samkvæmt
nýrri skýrslu Alþjóðagjaldeyr-
issjóðsins, IMF, haft áhrif langt út
fyrir landsteinana. Jafnvel svo mikil
að það gæti raskað vaxtartaktinum í
hagkerfi heimsins.
Þetta fer þó allt eftir þróun næstu
vikna og mánaða að sögn IMF. Verði
lægðin ekki dýpri en nú þegar er
orðið og nái hún ekki að hafa áhrif á
neytendamarkað og fjárfestingar
fyrirtækja er ósennilegt að áhrifa
hennar gæti víða en dýpki hún enn
frekar og nái að teygja arma sína út
fyrir bandarískan fasteignamarkað
er voðinn vís.
Samdráttur í bandaríska hagkerf-
inu gæti haft áhrif bæði í iðnríkjum
og þróuðum ríkjum og skiptir þá
miklu hversu tengd hagkerfin eru
því bandaríska.
Bandaríski seðlabankinn hefur
greint frá því að þrátt fyrir samdrátt
á fasteignamarkaði muni hagvöxtur
haldast í þessu stærsta hagkerfi
heimsins en mat bankans er að hag-
vöxtur á árinu verði 2,5–3%.
IMF varar við
lægð í Bandaríkjum
Reuters
Íþróttavöruframleiðandinn Reebok
– sem er í eigu Adidas – hefur
kært helsta keppinaut sinn í fram-
leiðslu skófatnaðar, Nike, fyrir
brot á einkaleyfislögum. Reebok
skráði í jan-
úar einkaleyfi
í Bandaríkj-
unum á tækni
sem er braut-
ryðjandi í
meðferð á
skóm. Tæknin
gerir skó-
eigendum
kleift að
beygja þá á
ýmsan hátt og
brjóta saman
þannig að
ekki taki þeir jafn mikið pláss og
áður, t.d. í íþróttatöskum.
Skór sem eru framleiddir sam-
kvæmt þessari tækni hafa fengið
nöfn eins og Free, Free Trainer
og Free Trailer og það er þar sem
hnífurinn stendur í kúnni því Nike
hefur einnig sett á markað vöru-
línu undir nafninu Free.
Fyrirtækið hefur nú gefið út
yfirlýsingu þess efnis að farið
verði yfir Reebok en sérfræðingar
telja ekki það muni hafa teljandi
áhrif á afkomu Nike þótt þeir
hætti framleiðslu Free-vörulínunn-
ar. Tekjur af sölu Free nema um
100 milljónum dala á ári en heild-
arvelta Nike á ári er um 15 millj-
arðar dala og telur Free því minna
en 1% af heildarveltu fyrirtæk-
isins.
Risar berj-
ast um
einkaleyfi