Morgunblaðið - 16.05.2007, Blaðsíða 6

6 MIÐVIKUDAGUR 16. MAÍ 2007 MORGUNBLAÐIÐ
FRÉTTIR
Eftir Steinþór Guðbjartsson
steinthor@mbl.is
„ÉG hef aldrei hætt að vera
hjúkrunarkona og verð það á
meðan ég lifi,“ segir Ragn-
heiður Friðrika Svanlaugs-
dóttir, íbúi á Hjúkrunarheim-
ilinu Eir í Reykjavík, en hún
varð 100 ára í gær, 15. maí.
„Vinnan hefur hins vegar
minnkað smám saman með
árunum og nú geri ég ekki
neitt. Ég er orðin svo fjör-
gömul. Þeim myndi heldur
ekki líka það að svona gömul
kerling væri að skipta sér af.“
Segir stundum ha
Það er glettnissvipur á
Ragnheiði á þessum tímamót-
um, jafnvel dálítill stríðn-
issvipur. „Ég er með fína sjón
og sæmilega heyrn,“ segir
hún. „Ég segi nú stundum ha,
en það er nú svona eins og
gengur.“ Hún segist fylgjast
vel með, hlusta á útvarp og
lesa dagblöðin en sjaldan
horfa á sjónvarp. „Ég les
blöðin, fyrirsagnirnar, en ég
nenni ekki alltaf að lesa grein-
arnar allar. Þær eru ekki svo
gáfulegar. En það er gaman
að lesa og grúska í þessu.“
Pólitíkina vill hún ekki
ræða. „Ég fylgist alltaf með
kosningum og kýs alltaf en
segi þér ekki hvern. Ég er
ekki pólitísk og skipti mér
aldrei af pólitík en ég held að
við megum samt vel við una.“
Í því sambandi segir hún að
allt sé svo miklu auðveldara
nú en á árum áður. „Það hef-
ur geysilega mikið breyst.
bætir við að sér hafi alls stað-
ar þótt skemmtilegt að vera
og ekki síst í Danmörku enda
ber hún Dönum vel söguna.
„Mér líður vel og mér hefur
alltaf liðið vel. Ég hef það gott
og ég hef verið heppin.“
Kærleikurinn mikilvægur
Ragnheiði hugnast ekki
ástandið í heiminum eins og
það blasir við henni í fréttum.
„Þetta er hrein hörmung,“
segir hún. „Allir ættu að vera
betri hver við annan í stað
þess að illskast og berjast.
Lífið er svo stutt að menn
eiga að lifa því vel og vera
góðir hver við annan.“
Af 15 systkinum fóru fjórar
systur í hjúkrun. „Það var
ekkert að gera fyrir konur
sem vildu vera sjálfstæðar og
við vildum vera sjálfstæðar,“
segir Ragnheiður. „Þá var
ekkert annað að gera en að
fara í hjúkrun.“
Lífið var svo erfitt í gamla
daga. Þá var erfitt að lifa.“
15 systkini
Ragnheiður giftist Sveini
Hallgrímssyni úr Mýrdal og
eiga þau tvo syni, sex barna-
börn og 15 barnabarnabörn.
Hún er fædd og uppalin í
Öxnadal en foreldrar hennar,
Svanlaugur Jónasson og
Kristjana Rósa Þorsteins-
dóttir, fluttu til Akureyrar
þegar hún var um fermingu.
Þau eignuðust 15 börn auk
þess sem Rósa missti nokkur
fóstur. Ragnheiður var þriðja
barnið sem komst á legg. Hún
fór ung að heiman og flutti til
Reykjavíkur árið 1920. Þar
hefur hún búið síðan utan
nokkurra ára námstíma í
Danmörku og á Englandi á
millistríðsárunum. „Ég vann
mest í bæjarhjúkrun en leysti
líka af á spítölum. Ég hef víða
verið,“ segir Ragnheiður og
Í hjúkrun til að vera sjálfstæð
Ragnheiður Friðrika Svanlaugs-
dóttir 100 ára hjúkrunarkona á Eir
Morgunblaðið/Ásdís
Tíræð Ragnheiður Friðrika Svanlaugsdóttir, hjúkrunarkona
og íbúi á Hjúkrunarheimilinu Eir, varð 100 ára í gær.
Langförul Aðmírálsfiðrildi koma helst frá Norður-Afríku, sem er aðalútbreiðslusvæði þeirra. Þaðan fara þau í
stórum hópum norður til Evrópulanda og berast með suðlægum vindum til Íslands. Auk Norður-Afríku er út-
breiðslusvæði fiðrildanna í Suður-Evrópu, Norður-Afríku, á Mið-Atlantshafseyjum og í Norður-Ameríku.
Ljósmynd/Brynjúlfur Brynjólfsson
AÐMÍRÁLSFIÐRILDI sást á Sel-
fossi 9. maí síðastliðinn og hafa fleiri
slík sést hér síðan. Ýmsir hafa velt
því fyrir sér hvort þetta sé til merkis
um að fiðrildin hafi náð að tímgast
hér en talsvert var um aðmírálsfiðr-
ildi hér í fyrrasumar.
Erling Ólafsson, skordýrafræð-
ingur hjá Náttúrufræðistofnun Ís-
lands, segir það útilokað að aðmír-
álsfiðrildi geti klakist hér á landi.
Tegundin sé alltof suðlæg til þess og
fjölgi sér ekki einu sinni á Norður-
löndunum.
Erling segir að aðmírálsfiðrildin
séu upprunnin í kringum Miðjarðar-
haf og séu miklar flökkukindur. Þau
flækist í miklum flotum norður á
bóginn. Honum þótti það snemmt að
aðmírálsfiðrildi sæjust hér 9. maí.
Venjulega komi þau ekki fyrr en í
júní, líkt og í fyrra.
Aðmíráls-
fiðrildin á
ferðinni
Flökkukindur frá
Miðjarðarhafinu
TRYGGINGAMIÐSTÖÐIN hefur
ákveðið að hækka iðgjöld frjálsra
ökutækjatrygginga hjá sér um 15%
frá og með 1. júlí n.k. Í tilkynningu
vegna frá TM segir að verulegur
halli sé af rekstri frjálsra ökutækja-
trygginga (kaskó- og bílrúðutrygg-
inga) félagsins og hafi svo verið um
nokkurt skeið. Meginskýringin sé
sú að fjölgun tjóna hafi verið meiri
en gert var ráð fyrir.
Áætla megi að meðaláhrif hækk-
unarinnar á ökutækjatryggingu
verði um 3,5–4%, sem samsvarar
um 2.500 krónum á ársgrundvelli.
TM ákveður að
hækka iðgjöld
ÁTJÁN ára piltur var handtekinn
í ónefndri verslun á höfuðborg-
arsvæðinu í fyrradag en þar hefur
hann ekki verið neinn aufúsugest-
ur undanfarna daga. Pilturinn tók
hluti úr búðinni ófrjálsri hendi á
föstudag en tókst ekki að koma
þeim undan.
Aðfaranætur laugardags og
sunnudags var brotist inn í versl-
unina en eigendur hennar sökn-
uðu m.a. svokallaðs stinning-
artækis fyrir karlmenn.
Öryggismyndavél er á staðnum og
leikur lítill vafi á því að pilturinn
var að verki í bæði skiptin. Hann
kom svo aftur í búðina í gær og
var þá handtekinn eins og fyrr
segir. Engar viðhlítandi skýringar
hafa fengist á þessu hátterni pilts-
ins.
Ítrekuð tilraun
til þjófnaðar
ÖKUMAÐUR sendibifreiðar slapp
með skrekkinn á Borgarfjarðarbrú
í gær þegar hann missti stjórn á
ökutækinu með þeim afleiðingum
að hann hafnaði næstum því úti í
sjó. Að sögn lögreglu var ökumað-
urinn með kerru í eftirdragi sem
var með of mikinn farm. Kerran
tók að rása á brúnni og missti öku-
maðurinn stjórn á bifreiðinni sem
lenti utan í brúarvegriðið. Kerran
valt ekki en stöðvaðist þvert á veg-
inum.
Að sögn lögreglunnar á Borg-
arnesi var ekki nægilega vel gengið
frá farminum og því fór sem fór.
Tilkynning barst lögreglu um
klukkan 14:53 og lokaði hún veg-
inum í um hálftíma á meðan unnið
var að því að tína kerrufarminn,
sem var timbur, af veginum. Var
ækið í heild sinni fjarlægt að því
loknu.
Lenti utan í
brúarvegriðið
Eftir Baldur Arnarson
baldura@mbl.is
LANDGRÆÐSLA ríkisins mun í
samvinnu við Landbúnaðarháskóla
Íslands, Háskóla Íslands – Stofnun
Sæmundar Fróða, Bændasamtök Ís-
lands og landbúnaðar-, umhverfis-
og utanríkisráðuneytið, auk fjöl-
margra alþjóðastofnana, efna til al-
þjóðlegs samráðsþings um jarðvegs-
vernd, samfélög og hnattrænar
breytingar á Selfossi í haust, í tilefni
þess að Íslendingar fagna aldaraf-
mæli landgræðslu í ár.
Jarðvegseyðing er talin vanmet-
inn þáttur í umræðum um loftslags-
breytingar og álitið að hún muni hafa
víðtæk pólitísk og efnahagsleg áhrif
á næstu áratugum, verði ekki gripið
til öflugra mótvægisaðgerða.
Skiptir „gríðarlegu máli“
Fjölmargir erlendir aðilar hafa
lýst yfir áhuga á að taka þátt, þ. á m.
Jacques Diouf, framkvæmdastjóri
Matvæla- og landbúnaðarstofnunar
Sameinuðu þjóðanna, FAO.
Sérstök áhersla er lögð á að leiða
saman vísindamenn, fulltrúa stjórn-
mála og viðskiptalífsins, en að sögn
Sveins Runólfssonar, landgræðslu-
stjóra, er talið að þetta yrði stærsta
samráðsþingið á sviði umhverfis-
mála sem haldið hefur verið hér.
Guðmundur Ingi Guðbrandsson,
umhverfisstjórnunarfræðingur hjá
Landgræðslunni, hefur tekið þátt í
skipulagningu ráðstefnunnar.
Spurður um mikilvægi þingsins
segir Guðmundur það skipta „gríð-
arlegu máli“, það hjálpi til við að
koma á samhæfðum aðgerðum til að
taka á hinum stóru hnattrænu um-
hverfisvandamálum, sem séu ná-
tengd fæðuöryggi og aðgerðum til að
vinna gegn fátækt í þriðja heiminum.
Alþjóðaþing um
jarðvegseyðingu
Í HNOTSKURN
»Þingið fer fram dagana 30.ágúst til 4. september.
»Yfirskriftin er „Soils, So-ciety and Global Change“.
»Meðal skipuleggjenda eruAndrés Arnalds, Ása L.
Aradóttir og Brynhildur
Davíðsdóttir prófessor.
HÉRAÐSDÓMUR Reykjavíkur
hefur sýknað þrjá pilta, sem fæddir
eru 1988 og 1989, af ákæru um að
hafa nauðgað 16 ára stúlku í febr-
úar 2006. Stúlkan fór í heimsókn til
eins piltanna og þar höfðu þeir allir
samræði við hana. Fór hún síðar á
neyðarmóttöku Landspítalans fyrir
fórnarlömb kynferðisbrota.
Ákæruvaldið byggði á því að pilt-
arnir hefðu í sameiningu neytt að-
stöðu- og aflsmunar til að þröngva
stúlkunni til samræðis og hagnýtt
sér að hún væri ein með þeim í
íbúðinni og hefði ekki átt sér und-
ankomu auðið. Piltarnir héldu því
hins vegar fram að stúlkan hefði
sjálfviljug tekið þátt í samförum við
sérhvern þeirra og án nokkurs of-
beldis eða annarrar nauðungar af
þeirra hálfu.
Í niðurstöðu fjölskipaðs héraðs-
dóms kemur fram, að í framburði
sínum hefði stúlkan verið reikul og
í raun margsaga um veigamikil
sönnunaratriði málsins. Ákæruvald-
ið hefði ekki getað stutt fullyrðingu
sína haldbærum rökum. Gegn neit-
un piltanna, sem var talin stöðug
um veigamikil atriði málsins, voru
þeir sýknaðir vegna vafa.
Stúlkan gaf á sínum tíma skýrslu
hjá Barnahúsi og gagnrýnir héraðs-
dómur spyrilinn sem tók skýrsluna.
Að mati dómsins hafði spyrillinn
áhrif á frásögn stúlkunnar og lagði
henni orð í munn. Taldi dómurinn
að stúlkan hefði verið leidd áfram
við skýrslugjöfina og ekki fengið
ráðrúm til að skýra frá mikilvægum
staðreyndum í sjálfstæðri frásögn.
Þá taldi dómurinn að verknaðar-
lýsing í ákæru væri um margt óljós.
Ekki væri gerð tilraun til að lýsa í
hverju ætlað ofbeldi var fólgið eða
hvernig drengirnir hefðu með öðr-
um hætti átt að hafa beitt ólög-
mætri nauðung til að ná fram vilja
sínum gagnvart stúlkunni. Þá hefði
þeim gefinn samverknaður að sök,
án þess að reynt væri að skýra það
nánar.
Málið dæmdu héraðsdómararnir
Jónas Jóhannsson, Eggert Óskars-
son og Kristjana Jónsdóttir. Verj-
endur voru Herdís Hallmarsdóttir,
Guðrún Sesselja Arnardóttir og
Björgvin Þorsteinsson. Sækjandi
var Kolbrún Sævarsdóttir saksókn-
ari frá ríkissaksóknara.
3 piltar sýknaðir
í nauðgunarmáli