Morgunblaðið - 16.05.2007, Side 18
18 MIÐVIKUDAGUR 16. MAÍ 2007 MORGUNBLAÐIÐ
ERLENT
LÖGREGLAN í Portúgal hefur
yfirheyrt breskan mann vegna
barnshvarfsins í Algarve 3. maí sl.
og hefur hann stöðu grunaðs
manns, að því er fram kom á vef-
síðu BBC í gær. Maðurinn á sumar-
leyfisheimili í nágrenni staðarins,
þar sem hin fjögurra ára gamla
Madeleine McCann hvarf, ásamt
breskri móður sinni. Maðurinn heit-
ir Robert Murat og er sagður á fer-
tugsaldri. Hann fæddist í Bretlandi
en ólst upp í Portúgal. Honum var
sleppt eftir yfirheyrslur vegna
skorts á sönnunum, að sögn lög-
reglunnar. Leitað hefur verið í
sumarhúsi hans og tveir aðrir verið
yfirheyrðir vegna málsins. Murat,
sem nú hefur stöðu grunaðs manns,
hafði orðið á vegi blaðamanna sl.
daga en hann hafði sagt þeim að
hann hefði verið að aðstoða lög-
regluna við rannsóknina. Hann
mun hafa sagst hafa sinnt túlka-
starfi fyrir lögregluna. Það var
blaðamaður Sunday Mirror, Lori
Campbell, sem benti lögreglunni á
manninn.
Lögreglan mun hafa tekið tölvur
með sér úr sumarhúsi Murats og
þurrkað upp sundlaug sem er á
landareigninni.
Talið er fullvíst að Madeleine
McCann hafi verið rænt. Fram hef-
ur komið að foreldrar hennar hafi
setið að snæðingi á veitingastað í
um fimmtíu metra fjarlægð frá
íbúðinni er stúlkan hvarf og skipst
á um að fara í íbúðina til að gæta að
börnunum.
Reuters
Bíða frétta Gerry og Kate McCann, foreldar Madeleine en hún var numin
á brott úr hótelherbergi þar sem hún var sofandi ásamt systkinum sínum.
Hefur stöðu grunaðs manns
Moskvu. AP. | Stjórnvöld í Moskvu og
Washington hafa orðið sammála
um að reyna að laga samskiptin sín
í millum en fyrsta skrefið í þá átt
felur í sér að menn tóna niður yfir-
lýsingar sínar, sem orðið hafa æ af-
dráttarlausari sl. misseri. Þetta
samkomulag náðist á fundi sem
Condoleezza Rice, utanríkisráð-
herra Bandaríkjanna, átti með
Vladímír Pútín Rússlandsforseta í
Moskvu í gær en Sergei Lavrov,
utanríkisráðherra Rússlands, sagði
að m.a. hefðu þau orðið ásátt um að
leita að lausn á Kosovo-deilunni
sem væri viðunandi fyrir báða
aðila. Bandaríkjastjórn vill að
Kosovo fái sjálfstæði frá Serbíu en
Rússar hafa hótað að beita neit-
unarvaldi í öryggisráði SÞ gegn
ályktun sem hefði þetta í för með
sér. Spenna hefur einnig magnast
vegna áforma Bandaríkjamanna að
koma upp eldflaugavarnarkerfi yf-
ir Evrópu. Ennfremur þykir ráða-
mönnum í Washington sem Pútín
hafi sýnt einræðistilburði síðustu
misserin.
Reuters
Sáttafundur Condoleezza Rice
fundaði með Vladímír Pútín.
Tóna niður yfir-
lýsingar sínar
JACQUES Chirac kvaddi þjóð sína í tilfinningaþrungnu
sjónvarpsávarpi í gærkvöldi eftir að hafa gegnt embætti
forseta Frakklands í tólf ár. Hann hvatti frönsku þjóðina
til „einingar og samheldni“ undir stjórn Nicolas Sar-
kozy, nýkjörins forseta.
Sarkozy tekur við forsetaembættinu við athöfn í for-
setahöllinni klukkan níu fyrir hádegi í dag. Fyrsta verk-
efni nýja forsetans verður að tendra á ný eld við gröf
óþekkta hermannsins undir Sigurboganum eins og venja
er við forsetaskipti og leggja blómsveig að leiði Charles
de Gaulle, hershöfðingja og forseta Frakklands 1959-69.
Sarkozy fer síðan til Berlínar og ræðir þar við Angelu
Merkel, kanslara Þýskalands. Framtíð Evrópusambandsins verður efst á
baugi á fundinum.
Gert er ráð fyrir því að Sarkozy skipi kosningastjóra sinn, Francois Fill-
on, í embætti forsætisráðherra á morgun.
Sarkozy tekur við völdunum
Jacques Chirac
kveður.
FULLYRT er að 60 vígamenn úr
röðum talíbana hafi fallið í loft-
árásum NATO í Kandahar í S-
Afganistan í fyrrinótt. Þrír áhrifa-
miklir talíbanar voru sagðir meðal
fallinna.
60 talíbanar féllu
AÐ MINNSTA kosti 25 biðu bana
þegar maður sprengdi sjálfan sig í
loft upp á Marhaba-hótelinu í Pes-
hawar í Pakistan í gær en borgin
er nálægt landamærunum að Afg-
anistan. Vaxandi spenna er í Pak-
istan.
25 féllu í Pakistan
ROTTUFARALDUR er nú í Altay í
Xinjiang-héraði í vesturhluta Kína
og kenna menn loftslagshlýnuninni
um. Meðaltalshiti var 2-4 gráðum
meiri í vetur en venjulega en það
þykir skýra stækkun rottustofns-
ins.
Hlýnun kennt um
DANSKA lögreglan handtók á
sjötta tug manna eftir að til upp-
þota kom í Kristjaníu í fyrradag í
kjölfar þess að „Vindlakassinn“,
þekkt hús í fríríkinu, var jafnaður
við jörðu.
Sextíu handteknir
Kristjanía Kveikt var í bílum í fyrrinótt.
Eftir Boga Þór Arason
bogi@mbl.is
FRAMTÍÐ Pauls D. Wolfowitz sem
forstjóra Alþjóðabankans hangir á
bláþræði eftir að rannsóknarnefnd
komst að þeirri niðurstöðu að hann
hefði brotið siðareglur bankans með
því að hækka laun ástkonu sinnar,
sem var starfsmaður bankans.
Wolfowitz kom fyrir 24 manna
framkvæmdastjórn Alþjóðabankans
í gærkvöldi og gert er ráð fyrir því að
hún taki brátt afstöðu til þess hvort
hann geti gegnt embættinu áfram.
Talsmaður George W. Bush
Bandaríkjaforseta áréttaði í gær
stuðning forsetans við Wolfowitz.
Evrópuríki og fleiri aðildarlönd
bankans hafa á hinn bóginn beitt sér
fyrir því að Wolfowitz láti af störfum.
Fyrir fundinn í gærkvöldi var birt
skýrsla nefndar sem bankinn skipaði
til að rannsaka málið. Niðurstaða
hennar var að Wolfowitz hefði brotið
ráðningarsamning sinn, siðareglur
bankans og ýmsar reglur hans um
starfsmannamál. Nefndin sagði að
málið hefði valdið bankanum og for-
stjóra hans álitshnekki og hvatti
framkvæmdastjórnina til að meta
hvort Wolfowitz væri „fær um veita
bankanum þá forystu sem hann
þarf“.
Nefndin gagnrýndi einnig Wolfo-
witz fyrir „vafasama dómgreind“ og
sagði hann hafa sett „eigin hagsmuni
ofar hagsmunum bankans“.
„Ekki brottrekstrarsök“
Talsmaður Bush Bandaríkjafor-
seta viðurkenndi að Wolfowitz hefðu
orðið á mistök en brot hans væru
„ekki brottrekstrarsök“.
Framkvæmdastjórnin hefur rætt
ýmsa kosti í stöðunni. Hún getur vik-
ið Wolfowitz frá, beðið hann að segja
af sér, lýst yfir vantrausti á hann eða
ávítt hann. Margir stjórnarmenn
telja að best væri að lýsa yfir van-
trausti á Wolfowitz eða gefa út svo
harðorða yfirlýsingu að það yrði erf-
itt fyrir hann – ef ekki ómögulegt –
að halda áfram hjá bankanum.
Paul Wolfowitz var aðstoðarvarn-
armálaráðherra Bandaríkjanna og
gegndi mikilvægu hlutverki í því að
undirbúa innrásina í Írak áður en
hann var skipaður forstjóri Alþjóða-
bankans fyrir tveimur árum.
Wolfowitz hefur lýst sér sem fórn-
arlambi rógsherferðar og embættis-
menn í Washington hafa tekið undir
það. Þeir saka Evrópuríkin um að
nota mál ástkonu Wolfowitz sem
tylliástæðu til að ná sér niðri á hon-
um vegna þáttar hans í Íraksstríð-
inu.
Sem forstjóri Alþjóðabankans hef-
ur Wolfowitz lagt ríka áherslu á
nauðsyn þess að uppræta spillingu
og frændhygli í Afríku. Þeir sem
gagnrýna hann segja að það væri til
marks um tvískinnung ef hann héldi
þeirri baráttu áfram eftir að hafa
verið staðinn að því að hygla ástkonu
sinni.
Dregur til úrslita í
deilunni um Wolfowitz
Forstjóri Alþjóðabankans gagnrýndur harkalega í skýrslu
AP
Úrslitafundur Paul Wolfowitz, forstjóri Alþjóðabankans, á leið til fundar
við framkvæmdastjórn bankans í Washington í gær.
Í HNOTSKURN
»Bandaríkjamenn hafa allt-af valið forstjóra Alþjóða-
bankans í krafti þess að
stærstu fjárframlögin til bank-
ans koma frá þeim.
» Bandaríkjamenn hafa16,4% atkvæðanna í stjórn
bankans og er það hlutfall í
samræmi við fjárframlög
þeirra. Þeir hafa í raun neit-
unarvald í sumum málum
vegna þess að stundum þarf
85% atkvæðanna til að sam-
þykkja breytingar.
ÍSBJÖRNINN Yogli baðar sig í nýjum heimkynnum
sínum í dýragarðinum í München í Þýskalandi, á meðan
smáfólkið horfir hugfangið á. Yogli var nýverið fluttur
til München frá dýragarði á Ítalíu.
Reuters
Brá sér í bað í nýjum heimkynnum
BANDARÍKJAMENN eiga langt í
land með að uppfylla loforð sem ráða-
menn í Washington gáfu í fyrrahaust
en þá var því heitið að 7.000 íraskir
flóttamenn myndu fá hæli í Banda-
ríkjunum á þessu ári. Fram kom í
The Washington Post að tölur utan-
ríkisráðuneytisins sýndu að í apríl
var aðeins einum Íraka boðið hæli og
heildartalan frá 1. október er 69.
Flóttamannastofnun Sameinuðu
þjóðanna áætlar að tvær milljónir
Íraka hafi flúið land sitt vegna varg-
aldarinnar sem þar geisar. Annar
eins fjöldi er sagður á vergangi innan
Íraks.
Hvaða reglum er fylgt?
Bandaríkjamenn réðust inn í Írak í
mars 2003 en þar til í fyrra höfðu þeir
aðeins boðið 466 Írökum hæli sem
flóttamönnum. Vaxandi þrýstingur
var á að þeir gerðu meira.
Sameinuðu þjóðirnar munu hafa
lagt fram til utanríkisráðuneytisins
bandaríska lista með nöfnum 3.000
Íraka, sem mælt er með að Bandarík-
in bjóði hæli, en listinn hefur ekki
hlotið afgreiðslu þar og heimavarn-
arráðuneytið hefur ekki ákveðið eftir
hvaða reglum skuli farið þegar
ákveðið er hverjir fá hæli.
„Það eru skiljanlega ýmis öryggis-
sjónarmið, eðlilegar áhyggjur,“ er
haft eftir Kenneth Bacon, forseta
samtakanna Refugees International,
„en á endanum verða menn að
ákveða hvernig þeir ætli að gera
þetta.“
Tóku einn Íraka í apríl