Fréttablaðið - 09.06.2009, Síða 10
9. júní 2009 ÞRIÐJUDAGUR
Roskilde University - Denmark
ruc.dk/global
Bachelor of Science
Interdisciplinary studies in an international environment
DAGVISTARMÁL Fækkað hefur í stétt
dagforeldra eftir að þjónustutrygg-
ingar voru settar á í september í
fyrra. Biðlistar eru með öllu horfn-
ir og margir dagforeldrar eru með
laus pláss hjá sér.
Þjónustutryggingin er ætluð sem
tímabundin greiðsla til foreldra
þangað til börn þeirra komast inn
á leikskóla eða komast að hjá dag-
foreldri. Þróunin hefur undanfarið
verið sú að æ fleiri foreldrar kjósa
að þiggja þjónustutrygginguna og
bíða eftir leikskólaplássi frekar en
að nýta dagforeldra.
„Þetta var í rauninni sett á
vegna skorts á barnfóstrum og
úrræðum. En nú er enginn skortur
á úrræðum og nóg þjónusta í boði
og þá er ekkert verið að taka þetta
af,“ sagði Ólöf Lilja Sigurðardóttir
dagmóðir og félagi í Barnavistun,
félagi dagforeldra.
Að sögn Ólafar eru flestir dag-
foreldrar aðeins með tvö til þrjú
börn hjá sér en vanalega eru þau
fimm og hefur þetta valdið því
að þó nokkrar dagmæður hafa
hætt störfum. Dagforeldrar fá
ekki jafnháar niðurgreiðslur og
leikskólarnir og einkaleikskólarnir
og óttast því að vera ekki sam-
keppnishæfir.
„Dagforeldrakerfið er það kerfi
sem við þurfum að styðja á þess-
um tímapunkti og setja meira í
frekar en að skera niður. Við telj-
um okkur vera að gera vel við dag-
foreldra enda viljum við að kerfið
verði raunhæfur valkostur fyrir
foreldra,“ sagði Fanný Gunnars-
dóttir, varaformaður leikskólaráðs
Reykjavíkur.
Eitt helsta hitamálið meðal dag-
foreldra er að með tilkomu þjón-
ustutrygginganna fá foreldr-
ar sömu upphæðina, 35 þúsund
krónur, og dagforeldrar fá frá rík-
inu, en geta hagrætt þeirri upphæð
að vild skattfrjálst.
Einnig er mikil óánægja með
að foreldrar geti nú notað þessar
greiðslur til að borga þriðja aðila
fyrir að passa barnið, en dagfor-
eldrar þurfa að uppfylla ýmis skil-
yrði og vinna sér inn leyfi til að geta
tekið við greiðslu frá foreldrum.
„Við viljum að það sé skýrt gagn-
vart foreldrum og dagforeldr-
um að úrræði sem við styðjum
séu í boði fyrir foreldra,“ sagði
Þorbjörg Helga Vigfúsdóttir, for-
maður leikskólaráðs Reykjavíkur.
Samningsviðræður hafa staðið
milli dagforeldra og Reykjavíkur-
borgar um nokkurt skeið. Þorbjörg
segir slík mál taka tíma en viðræð-
ur séu á lokastigi.
heidur@frettabladid.is
Dagforeldrar segjast
ekki samkeppnishæfir
Dagforeldrum hefur fækkað eftir að þjónustutrygging var sett á í Reykjavík
síðastliðið haust. Biðlistar eru nær horfnir og mikið um laus pláss hjá dagfor-
eldrum. Formaður leikskólaráðs segir samninga við dagforeldra á lokastigi.
BÖRN AÐ LEIK Dagforeldrar hafa áhyggjur af atvinnuhorfum sínum. Börnin á myndinni tengjast ekki fréttinni. FRÉTTABLAÐIÐ/VILHELM
MENNING „Ég er búinn að því,
ég bjó það til um helgina,“ segir
Bubbi Morthens spurður um Þjóð-
hátíðarlagið en það kom í hans hlut
að semja það í ár. „Mér fannst nú
tími til kominn að goðsagnaper-
sónunum úr mínum samtíma í
Vestmannaeyjum, Bjössa í Klöpp,
Eiríki hesti og þeim bræðrum
Stjána og Sibba Nínón, yrðu gerð
skil í Þjóðhátíðar lagi,“ segir hann
um efni lagsins, sem líklega verður
farið að óma í eyrum landans við
lok þessa mánaðar.
Bubbi bjó í Vestmannaeyjum
á sínum tíma, samtals hátt í þrjú
ár segir hann, svo hann kynntist
menningunni þar nokkuð vel. En
hverjir voru þessir menn? „Bjössi
í Klöpp, eins og segir í textanum,
þekkir hnefatal og Eiríkur hest-
ur kunni að lesa sal og brosandi
drukku þeir báðir af stút um leið
og þeir úr kofanum hreinsuðu út.
Og Eyjan þoldi þá alla, og Eyjan
þoldi þá alla,“ segir Bubbi til að
gefa forsmekkinn. Bubbi hefur
lýst því að hann sjái tónlist í formi
lita og sjái hann Þjóðhátíðarlagið í
dökkgrænum lit.
Ekki eru allir sáttir við
það ráðslag að láta Bubba um
Þjóð hátíðarlagið því tæplega
sjöhundruð manns hafa skráð sig
í hóp á Facebook þar sem komu
hans á Þjóðhátíð er mótmælt. - jse
Bubbi Morthens er búinn að semja þjóðhátíðarlagið:
Samdi dökkgrænt hátíðarlag
BUBBI MORTHENS Tónlistarmaðurinn
umdeildi hefur nú lagt lokahönd á
einkennislag Þjóðhátíðar.