Fréttablaðið - 09.06.2009, Side 13

ÞRIÐJUDAGUR 9. júní 2009 13
„Það þarf engan snilling til að sjá að 3 atkvæði
af 350 í ráðherraráðinu vigta ekki mikið í ESB.“
Ísland fengi 3 atkvæði af 350 í ráðherraráðum þar sem mikilvægustu ákvarðanirnar
eru teknar - og 5 atkvæði af 750 á ESB þinginu í Brussel. Því minni sem þjóðin er,
því meiri er skerðing sjálfstæðis. Ísland yrði líklega eins og hreppur á jaðri stórríkisins.
Brynja Björg Halldórsdóttir, formaður UVG á höfuðborgarsvæðinu.
Völd litlu ríkjanna
fara minnkandi
Ertu sammála? Skráðu þig á heimssyn.is
Heimssýn
Hreyfing
sjálfstæðissinna
í Evrópumálum
Velta með hlutabréf nam rúmum
4,7 milljónum króna í Kauphöllinni
í gær og hefur veltan ekki verið
minni á einum degi síðan í október
árið 2000, samkvæmt upplýsing-
um þaðan. Til samanburðar nam
heildarvelta á hlutabréfamarkaði
á föstudag tæpum 211 milljónum
króna.
Gengi bréfa Marel Food Systems
hækkaði um 1,28 prósent í þrenn-
um viðskiptum upp á tæpa millj-
ón krónur en gengi bréfa Össurar
lækkaði um 0,47 prósent í tvenn-
um viðskiptum upp á 3,4 milljónir
króna. Þá voru ein viðskipti með
hlutabréf Bakkavarar upp á 339
þúsund krónur.
Almennt hefur dregið nokkuð úr
veltu með hlutabréf í Kauphöllinni
yfir sumartímann en gefið í á ný
þegar nær dregur hausti. - jab
Sumarið komið
í Kauphöllina
ÚR KAUPHÖLLINNI Mjög dregur yfirleitt
úr veltu á hlutabréfamarkaði yfir sumar-
tímann. FRÉTTABLAÐIÐ/VALLI
„Til þess að tryggja bata og við-
snúning til sjálfbærs vaxtar verð-
ur á vettvangi stjórnmálanna að
grípa til enn frekari og ákveðinna
aðgerða, sér í lagi í fjármálageir-
anum.“ Þetta segir í lokayfirlýs-
ingu sendinefndar Alþjóðagjald-
eyrissjóðsins (AGS) sem stýrir
viðræðum við evrulöndin.
Þar kemur fram að lönd evr-
unnar séu djúpt sokkin í sam-
drátt og lítil batamerki eigi enn
eftir að ná að þróast yfir í við-
snúning til hins betra. Horfur
á bata eru sagðar óljósar. „Án
tafar á að grípa þau tækifæri
sem fjármálakreppan hefur í
för með sér til að koma á raun-
verulegum umbótum milli landa
á sviði fjármálastöðugleika,“
segir í yfirlýsingunni, sem kynnt
var síðdegis í gær. „Markvissari
samhæfing í aðgerðum landa, þar
á meðal stuðningur við nýmark-
aði nágrannalanda, verður mjög
gagnlegur við að endurbyggja
traust á hagkerfi svæðisins í
heild.“ - óká
Afgerandi ákvarðana er
þörf í fjármálageiranum
Tuttugu og fjögurra milljarða halli
var á rekstri hins opinbera á fyrsta
fjórðungi þessa árs, samkvæmt
nýbirtum tölum Hagstofu Íslands.
Á sama tíma í fyrra var átján millj-
arða króna tekjuafgangur.
„Sem hlutfall af landsframleiðslu
ársfjórðungsins mældist tekjuhall-
inn 6,9 prósent og sem hlutfall af
tekjum hins opinbera 15,7 prósent.
Á sama ársfjórðungi 2008 mældist
tekjuafkoma 5,5 prósent af lands-
framleiðslu og 10,9 prósent af tekj-
um hins opinbera,“ segir í Hagtíð-
indum. Viðsnúningurinn er rakinn
til mikils tekjusamdráttar og mik-
illar útgjaldaaukningar.
Heildartekjur hins opinbera
námu 152,7 milljörðum króna
á fjórðungnum og lækkuðu um
rúmlega sjö prósent milli ára.
„Minni tekjur af vöru- og þjónustu-
sköttum skýra stóran hluta sam-
dráttarins, en tekjuskattar skiluðu
hins vegar svipaðri fjárhæð í
krónum talið milli ára. Á sama tíma
jukust heildarútgjöld hins opinbera
um nálægt 21 prósent milli ára og
voru 176,7 milljarðar króna á fyrsta
ársfjórðungi 2009,“ segir í Hag-
sjá hagfræðideildar Landsbank-
ans. Útgjaldahækkunin er fyrst og
fremst sögð skýrast af ríflega tíu
milljarða króna hækkun í félags-
legum tilfærslum til heimila. „Auk
þess hafa vaxtagjöld aukist með
auknum skuldbindingum ríkis-
sjóðs en vaxtakostnaður hins opin-
bera hækkar um tæplega 10 millj-
arða króna milli ára. Þá er áætlað
að kaup hins opinbera á vöru og
þjónustu hafi hækkað um tæplega
átta milljarða króna milli tímabil-
anna,“ segir í Hagsjá. - óká
STJÓRNARRÁÐIÐ Í Hagsjá Landsbankans
kemur fram að minni efnahagsumsvif
hafi í för með sér að tekjur ríkissjóðs
minnki verulega á komandi árum, þar
sem þær breytist meira en hagsveiflan
segi til um. FRÉTTABLAÐIÐ/VALLI
Viðsnúningur í rekstri ríkisins
Miklar annir eru nú hjá skoðunar-
stöðvum bifreiða. Bæði kemur
það til að skoðuð eru fleiri tæki en
áður og svo nýjar reglur um sektar-
greiðslur mæti fólk of seint með
bíla sína í skoðun.
Undir lok hvers mánaðar vill
verða mikil örtröð á skoðunar-
stöðvum þegar mæta allir þeir
sem dregið hafa í lengstu lög að
mæta og eru við það að fá sektar-
greiðslur í höfuðið.
Vegna aukins umfangs opnaði
Aðalskoðun nýverið stækkaða
og, að sögn aðstandenda, stórend-
urbætta skoðunarstöð fyrir bíla
að Skemmuvegi sex í Kópavogi.
Stöðin er sögð sérstaklega hönnuð
til að taka við minni vögnum, felli-
og hjólhýsum, en nú er orðið skylda
að láta skoða tjaldvagna, felli- og
hjólhýsi og skulu slík tæki skráð
2005 og fyrr skoðast á þessu ári.
Nýju stöðina opnaði Kristján
Möller samgönguráðherra. - óká
Sjaldan meira
að gera við að
skoða bíla
BÍLAR Fleiri tæki sem þarf að skoða og
reglur um sektir gera að umsvif hafa
aukist allnokkuð á bifreiðaskoðunar-
stöðvum. FRÉTTABLAÐIÐ/VILHELM