Samvinnan - 01.10.1967, Blaðsíða 45

Rödd landsins heiga
O börn mín,
dauð'inn hefur fetað gegnum hjörtu yðar
eins og gegnum vínekru —
malaði ÍSRAEL rautt á alla jarðarinnar veggi.
Hvað á að verða um helgidóminn litla
sem enn dvelst i sandi mínum?
Gegnum sefpípur einmanaleikans
tala dauðra manna raddir:
Leggið vopn hefndarinnar á akurinn
svo að þau verði hljóð —
því járn og sáð eru líka systkini
í skauti jarðarinnar —
Hvað á þá að verða um helgidóminn litla
sem enn dvelst í sandi mínum?
Barnið myrt í svefni
stígur upp; sveigir niður hlyn árþúsundanna
og festir hvítu, andheitu stjörnuna
sem einu sinni hét ísrael
í krónu hans.
Snúið fljótt við, segir það,
þangað sem tárin merkja eilífð.
NELLY SACHS
ÞRJÚ LJÓÐ í ÞÝÐINGU
JÓHANNESAR ÚR KÖTLUM
Hver veit Ó þeir strompar
Hver veit hvar stjörnunum er skipað
í dýrðarkerfi skaparans
og hvar friðurinn byrjar
og hvort blóðtrosnuð tálkn fisksins
eru til þess œtluð
í harmleik jarðarinnar
að útfylla stjörnumerkið PÍSLARVÆTTI
með eðalroða sínum,
að skrifa fyrsta bókstaf
hins orðlausa máls —
Vissulega felst í kœrleika það blik
er þýtur sem elding gegnum merg og bein
og fylgir deyjendunum eftir
gegnum síðasta andvarpið ■—
en hvar hinir endurleystu
koma rikdómi sínum fyrir
veit enginn.
Hindber koma upp um sig í myrkviði
með ilmi sínum,
en afsíðis lögð sálarbyrði framliðinna
gefur enga visbendingu þó leitað sé —
og getur þó tifað vœngjum
milli múra eða frumeinda
eða allténd þar
sem völ er á rúmi
fyrir hjarta sem slœr.
Og eftir að þessi húð min er sundurtœtt
og allt hold er af mér, mun ég líta Guð.
JOB
Ó þeir strompar
á kcenlega skipulögðum bústöðum dauðans,
þegar líkami ísraels sogaðist upp í loftið
ummyndaður í reyk —
Stjarna ein sem varö svört
tók á móti honum eins og sótara
eða var það sólargeisli?
Ó þeir strompar!
Undankomuleiðir fyrir duft Jeremíasar og Jobs —
Hver fann ykkur upp og hlóð stein fyrir stein
slíkan veg handa flóttamönnum úr reyk?
Ó þeir bústaðir dauðans,
lumandi á notalegum þœgindum
fyrir húsráðandann, sem raunar var þar gestur —
Ó þið fingur,
sem lögðuð dyraþröskuldinn
eins og hnífsegg milli lifs og dauða —
Ó þið strompar,
ó þið fingur,
og líkami ísraels reykjarsúla upp í loftið!
45