Spegillinn - 01.03.1950, Blaðsíða 8
3B
SPEGILLINN
Enda eru þeir í dag
ekkert annað en íhaldskurfar,
þótt enn hafi þeir á sér fram-
sóknargæruna til þess að villa
heiðarlegum framsóknarmönh-
um sýn.
AefiU- ’Va
hérna í vor, og hann fékk um daginn bréf frá Isafoldarmönn-
unum og leiðbeiningar um undirbúninginn. Pabbi þorir ekki
að láta mömmu sjá þetta bréf, af því hann heldur að hún
mundi hlæja svo mikið að honum, en hann les það stundum
úti í hlöðu og kann það víst bráðum utanað. Pabbi hefur líka
verið að tala dálítið við kallana á bæjunum og reyna að kristna
þá, og les yfir þeim ræðu úr bréfinu, sem hann fékk sunnan-
að, en kallarnir bara 'kíma og segja að það sé bezt að bíða
þangað til eftir strik, af því nú er allt miðað við strikið.
Pabbi hefur voðamikla trú á þessu striki og hlakkar til að
sjá það, og um daginn orti hann kvæði eða sálm um Ólaf og
strikið og lofaði okkur mömmu að heyra það frammi í eld-
húsinu, og kvæðið var svona:
Ég mín stefjamál flyt gegnum Framsóknar-þyt
um hinn fíldjarfa sjálfstæðisrekk,
er í skeleggum móð hann af skítblankri þjóð
leysir skuldanna blýþunga hlekk.
Þetta er játningin mín. Ekkert gaspur né grín,
heldur grimmasta alvörumál:
Þú ert Forsætiss minn — ég sem fulltrúi þinn
berst við Framsóknar alræmda tál.
Gegnum dýrtíðarél — gegnum gjaldeyrishel
fara gunnfánar þínir um land.
Eftir augnabliks hik kemur almáttugt strik —
lendir undir því verðbólgugrand.
Svona var nú þetta kvæði og pabbi var ósköp ánægður
með það og sjálfan sig, en mamma glotti og sagði: Fleiri
gerast nú skáld en ég hugði.
Svo man ég ekki fleira og vertu alltaf blessuð.
Þín Stefanía.
BARNAGÆLA
„Hættu að gráta, hringagná“.
Haltu kjafti, Stína.
Bráðum gefur þér gull í tá
galdrastrikið fína.
Stilltu þig aðeins augnablik,
anganóru greyið.
— Aldrei hefur annað eins strik
áður verið dregið.
Ef þú grefur gullin þín
og grenjar svona mikið,
aldrei kemur, ástin mín,
Ólafur Thórs með strikið.
Láttu heldur gleðjast geð,
gamla væluskjóða.
Bráðum kemur, pabbapeð,
pennastrikið góða.
Fjandinn liafi fjármál lands.
Farðu að mínum ráðum:
Stattu upp og stígðu dans.
Strikið kemur bráðum.
Dóri.