Vikan - 31.03.1977, Blaðsíða 17
Svipmynd frá gu/inu ströndinni í Lignano á ítafíu.
Hótel Hawaii, sem margt ferðafólk á vegum Ferðamiðstöðvarinnar gistir
er það kemur til Benidorm.
.'[í'-á&f f’i ff'íí;
P «MM> »1"J( *’• HUKjJJ MBJ
Cltsýn Ferðamiðstöðin
ÍTALÍA, LIST OG SAGA
Kristín Aðalsteinsdóttir, deildar-
stjóri hópferða hjá Útsýn, sagðist
óska sér að komast í ferð í sumar á
vegum Útsýnar, er nefndist
ÍTALÍA, LISTOG SAGA. Ferðinni
er þannig háttað í stuttu máli, að
héðan er flogið til Napóli og síðan
haldið norður eftir italíu með
viðkomu í Róm, Assisi, Flórens,
Feneyjum og fleiri merkum stöð-
um. Þetta er 24 daga ferð og
kostar 189 þúsund krónur. Er þá
innifalið fæði, meðan á ferðinni
stendur, aðgangur að öllum
söfnum og öðrum merkum stöð-
um. Hópurinn dvelur 12 daga í
Lignano, þannig að allir fá næga
hvíld. Fararstjóri verður Pétur
Björnsson, en hann er að læra
arkitektúr í Flórens. Búist er við,
að 45-50 manns taki þátt í
ferðinni. Að öllu athuguðu er
þetta alls ekki dýr ferð, en Kristín
sagöi, að slíkar ferðir væru ekki
lengur á boðstólum hjá erlendum
ferðaskrifstofum, því að þær væru
* það dýrar í skipulagningu. Hið
hagstæða verð hjá Útsýn byggist
á leiguflugi, þar sem farþegar,
sem eru að halda annað, fylla
vélina.
LIGNANO - ÓTRÚLEGA
VINSÆLL STAÐUR
Kristín taldi, að langflestir far-
þegar Útsýnar í sumar myndu
kjósa að halda til Lignano, en
þangað byrjaði Útsýn að flytja
ferðafólk árið 1974. Þeir, sem hafa
dvalið í Lignano, bera staðnum
mjög vel söguna, enda fóru
þangað 2500 íslendingar í fyrra-
sumar, og ( ár er greinilegt, að
eftirspurnin minnkarekki. ,,Það er
allt svo nýtt og hreint á þessum
stað," sagði Kristín, ,,og strend-
urnar breiðar, hvítar og fallegar."
Verðbólga hrjáir ítali rétt eins og
okkur, en liran hefur fallið eins og
krónan okkar, þannig að tveggja
vikna ferð mun að meðaltali kosta
70-80 þúsund krónur, og er þá
búið í íbúðum án fæðis. Lægsta
verð, sem Útsýn bíður, er 63.400.
Fæðiskostnaöur þarf ekki að
verða meiri en 10-15 þúsund
krónur, ef eyösla er innan eðlilegra
marka.
TIL KENYA
Ferðamiðstöðin er ungt fyrir-
tæki í ferðabransanum, og þar
ræðum við við Friðjón Sæmunds-
son, sem lengi hefur verið starfs-
maður hjá Flugfélagi Islands, og
öllum hnútum kunnugur í ferða-
málum.
Friðjón kvaðst langa til Kenya,
ef hann fengi tækifæri til, þar sem
hann vildi sem minnst dvelja í
borgum. „Kenya er gott land að
heimsækja og tiltölulega ódýrt.
Það væri gaman að velja í landi,
þar sem dýrin ganga um frjáls."
BENIDORM - NÝR OG
VINSÆLL STAÐUR
Benidorm er sá staður, sem
Ferðamiðstöðin hefur lagt mesta
áherslu á að bjóða sínum við-
skiptavinum, og hafa þeir þorið
staðnum mjög vel söguna. Þetta
er nýr ferðamannastaður, elstu
hótel ekki nema 12 ára gömul, og
hreinlæti og þrifnaður situr þar í
fyrirr.úmi. Á Benidorm er 15
þúsund manna þorp, en næsta
borg heitir Alicante. Aðalhótelið,
sem Ferðamiðstöðin hefur samn-
inga við, heitir Hawaii, þriggja
stjörnu hótel með íbúðum. Ferðir
þangað kosta minnst 60.900 fyrir
tvær vikur, eða 76.000 í þrjár vikur
án fæðis. Verðið er aðeins hærra í
ágúst. Þegar hefur verið bókað
allmikið í ferðir til Benidorm, mest
í ágúst og september, en þá verða
vikulegar ferðir þangað.
Ferðamiöstöðin hefur gert
samning við ÍSi og UMFÍ um sér-
stakar Kaupmannahafnarferðir, er
kosta 47 þúsund krónur fram og til
baka. Þessarferðir hefjast 15. apríl
og standa fram á haust. Á mesta
annatímanum verða ferðir héðan
tvisvar í viku.
SÉRHÆFA SIG i
KAUPSTEFNUM
Annars hefur Ferðamiðstöðin
sérhæft sig í kaupstefnum og allri
þjónustu þeim viðkomandi, þ.e.
fengið einkaumboð fyrir ýmsa
sýningaraðila, en það þýðir, að
Ferðamiðstöðin getur útvegað
sýningarpláss og aðgöngumiða
ásamt gistingu fyrir þá, sem
annaðhvort vilja skoða sýningar,
eða taka þátt í þeim.