Vikan - 06.07.1978, Side 6

Efnuð og óhamingjusöm
PÓSTURIM
Ófrísk, en veit
ekki eftir hvern!
Kæri Póstur!
Ég er í vanda stödd. því ég
er ófrísk. En ég veit ekki eftir
hvern. Ég þori ails ekki ad
segja mömmu og pabba það.
þvi þau vrðu brjáluö. Á ég ad
láta eyda fóstrinu eöa hvað?
Svo þetta venjulega: Hvað
lestu úr skriftinni. og hvað
heldur þú. að ég sé gömul?
Hvernig eiga saman hrúturinn
(kvk) og krabbinn(kk). eða
hvað á hrúturinn vel við yfir-
leitt? Ég vona. að þetla lendi
ekki í ruslafötunni frægu.
Meöþökk?
L.K.
Þegar þetta svar birtist á prenti,
er örugglega orðið of seint fyrir
þig að fá fóstureyðingu. Ég tel,
að þú hafir ekki um annað að
velja en að ræða þetta vandamál
við foreldra þína. Þau eru
eflaust rnun skilningsríkari en þú
heldur og koma til með að
hjálpa þér. Ef þú hefur ekki
aðstöðu til að hafa barnið, þá
geturðu gefið það strax eftir
fæðingu. en áður en þú tekur
svo afdrifaríka ákvörðun, skaltu
ráðfæra þig vel við félags-
fræðing. Það er erfiðara að
framkvæma hlutina, en að tala
um þá. Ef þú ert hins vegar ekki
komin 12 vikur á leið, þegar
þetta svar birtist, og vilt fá
fóstureyðingu. skaltu snúa þér
strax til læknis, annað hvort
heimilislæknis þíns eða einhvers
kvensjúkdómalæknis, en
hugsaðu málið vel, áður en þú
tekur ákvörðun.Skriftiner alltof
ómótuð til að hægt sé að lesa
nokkuð úr henni, og af henni að
dæma virðistu varla meira en 13
ára. Hrútsstelpa og krabba-
strákur eiga engan veginn
saman, nerna að svo fari, að
hrútsstelpan geti vanið sig á að
líta á hlutina frá sjónarhóli hans.
Ljónsstrákur eða meyjarstrákur
eiga best við hrútsstelpuna.
„Krúsó! Póstó"!
Krúsó Póstó!
Við erum tvær mjögfor-
vitnar. Okkur langar að vita
margt, til dœmis: I. Hvað
eigum við að vera þungar. ef
við erum 1.66 og 1.63 á hæð?
2. Eru spólormar algengir í
hundum hér á landi? 3. Er það
satt, að páfagaukar geti ekki
orðið eldri en lOára? Láttu
Helgu ekki éta bréfið, því ég
fnn svo til með öllu, sem ég
hef átt. Og að endingu: Hvað
lestu úr skriftinni?
Dilla og Haddý.
Sú ykkar, sem er 1.66 á hæð,
ætti að vera um 60 kg, en hin
ætti að vera um 58 kg (meðal-
þyngdir). Nei, spólormar eru
ekki algengir 1 hundum
hérlendis, eftir því sem
Pósturinn best veit, því nú eru
komin á markaðinn góð lyf,
sem hreinsa út orma í hundum,
og mjög strangt eftirlit með
því, að slík hundahreinsun fari
fram árlega. Jafnframt sækja
hundar í borgum og bæjum
ekkert, eða a.m.k. afar sjaldan, í
innyfli sauðfénaðar. en þaðan
berast spólormarnir.
Hámarksaldur páfagauka hér
á landi mun vera tíu til tólf ár,
en hefur þó einstaka sinnunt
farið upp í 16 ár. Skriftin ber
vott um gott lunderni.
Kæri Póstur!
Égmá tilmeð að fá gott ráð hjá þér, því að ég veit
ekki, hvað ég á af mérað gera. Þannig er málum háttað, að
ég er 14 ára, að verða 15, og ég á nákvæmlega allt sér:
Herbergi, kassettutæki, útvarp, plötuspilara, hátalara, allt
æðislega fott, föt, peninga og bara allt, sem hugurinn
girnist, svo það mœtti segja mér, að ég ætti að vera
hamingjusöm og ánægð, en það er ég ekki. Ég er alveg
hryllilega óhamingjusöm. Ég tolli aldrei við heima hjá mér,
þoli ekki mömmu og pabba, sem alltaf eru að reyna að vera
voða góð og ef ég rífst við þau, þá segja þau, að ég sé
vanþakklát og spyrja, hvort þau geri ekki nóg fyrir mig.
Svo þegar ég er með vinum mínum, er ég hress og kát, en
það er erftt, því að þessi kæti er að mestu uppgerðarkæti.
Vinir mínir vilja helst alltaf vera með mér öllum stundum,
segja, að ég lífgi upp á fjörið, svo ég er á þeytingi út um
allan bæ. Eftir að ég hætti í skólanum, hef ég aldrei neitt
að gera. Ég vinn sko bara fyrir hádegi. Ég ligg í leti og veit
ekki, hvað ég á af mér að gera. Vandamál númer tvö er
það, að ég er svo svakalega hrifn af strák, sem er 11, að
verða 18 ára, en hann kærir sig ekkert um mig, að ég held.
En ég sé engan nema hann. Það er sama, hvað ég reyni, ég
get ekki gleymt honum (samt þekki ég hann sama og
ekkert). Svo eru stelpurnar ferlega hissa á mér að vera alltaf
á lausu, þegar ég get krœkt I nóg af gæjum, en mér geðjast
ekki að því að nota annað fólk í hallæri, þar sem ég get
ekki gleymt hinum yndislega. Hann reykir hvorki né
drekkur (ég geri hvorugt). Ég vil ekki bvrja á þeim ósóma,
en það vilja vinir mínir, að ég geri. Þvílíkir vinir! Jæja, ég
er búin að skrifa nóg, og ég vona, að ég sjái gott svar við
hvað ég eigi að gera. I næstu viku eða þar næstu. Með
fyrirfram þökk. £/« óhamingjusöm.
P.S. Þú þarft ekki að birta bréfð, þar sem það er svo
svakalega langt, það er nóg að fá svar . Hvað lestu úr
skriftinni?
Já, þarna sést glöggt, hversu lítils virði hinir veraldlegu munir
eru. Ætli þetta þunglyndi gangi nú ekki yfir með hækkandi
sól? í rauninni á ég mjög erfitt með að ráðleggja þér eitt eða
annað. Þú virðist eiga nóg af vinum, en áttu ekki einhverja
eina vinkonu, eða vin, sem þú getur fyllilega treyst og rætt
vandamál þín við? Það léttir alltaf á hjartanu að geta talað út
um hlutina. En fyrst og fremst er þér nauðsynlegt að hafa nóg
fyrir stafni. Til að byrja með ættirðu að reyna að fá þér vinnu
allan daginn, það dreifir huganum a.m.k. En hefurðu ekki líka
eitthvert áhugamál til að fylla upp í tómstundirnar? Ef ekki,
þá reyndu að skapa þér eitthvað slíkt, tónlist, íþróttir, útilíf,
eitthvað til að glíma við. Svo ferðu væntanlega aftur 1 skóla
næsta vetur, og þá lagast þetta vonandi. Reyndu að vera
þolinmóð, og mundu, að þú ert á ákaflega viðkvæmum aldri.
Láttu skapið ekki bitna á foreldrum þínum, þau eru bara að
gera það, sem þau telja þér fyrir bestu, þó svo að ég sé þeim
alls ekki sammála um leiðirnar. Hamingjan verður ekki keypt
fyrir öll auðæfi veraldar. Hvað viðvíkur piltinum, skaltu bara
bíða og sjá. Þú kynnist honum kannski fyrr en varir, en mér
finnst þú taka alveg rétta afstöðu að nota ekki einhvern
annan til að láta tímann líða. Hefurðu ekki tök á að kynnast
þessum, sem þú ert hrifin af?? Skriftin ber með sér, að þú eigir
til að vera svolítið fljótfær á stundum, en sért hreinlynd og
göfuglynd stúlka. Þú hefur létt og gott skap, svo þú ættir að
vera fljót að yfirstíga erfiðleika þína.
6VIKAN 27. TBL.