Menntamál - 01.06.1939, Page 43

MENNTAMÁL
41
HELGl HJÖRVAR:
Skólarnir og íslenzkan
Helgi Hjörvar er fæddur 20. ágúst 1888.
Hann gekk í alþýðuskólann á Hvítárbakka
1906—1907. Kennaraprófi lauk hann 1910. Var
farkennari í Þorkelshólahreppi 1910—11, en
síðan kennari við barnaskóla Reykjavíkur
1911—1934. Á árunum 1930—1932 var hann
námsstjóri kaupstaðaskólanna utan Reykja-
víkur. H. Hj. fór hvað eftir annað utan til
að kynna sér kennslumál, 1916—17 til Norð-
urlanda, 1926—27 ferðaðist hann um Þýzka-
land og Norðurlönd og 1929 um Norðurlönd.
Helgi Hjörvar var um langt skeið einn af
helztu foringjum íslenzkra kennara. Hann var einn af helztu hvata-
mönnum að stofnun Sambands íslenzkra barnakennara, og í
stjórn þess fram til ársins 1932, er hann sagði af sér stjórnar-
störfum. Hann var oft ritari og formaður 1929—1932. Hann gaf
úr „Skólablaðið", einn 1919—20 og ásamt Ásgeiri Ásgeirssyni og
Steingrími Arasyni 1920—21. Helgi Hjörvar var kjörinn heiðursfélagi
S. í. B. 1933. Hér er ekki rúm til að rekja margvísleg afskipti H. Hj.
af málefnum S. í. B. fyrr og síðar, en ég vil nota þetta tækifæri til
að þakka honum í nafni sambandsins fyrir mörg og mikilsverð störf í
þágu kennarasamtakanna og skólamálanna. S. Tli.
íslenzk alþýða varðveitti sína dýrmætu tungu í þúsund
ár. Tungan hefir geymzt fyrst og fremst á vörum hennar.
íslenzk kennarastétt ætti að festa sér það ríkt í minni, að
á vörum þjóðarinnar varðveitist tungan fyrst og fremst,
og á vörum hennar spillist hún.
Bókmenntirnar urðu að sjálfsögðu sú lífslind, sem tung-
unni varð drýgst öldum saman; málsnilld, orðaval, fögur og
sterk orðasambönd mátti sífellt þangað sækja. Bækur voru
þó lengst af í fárra höndum; hinir bóklærðu menn fáir,