Menntamál - 01.06.1939, Qupperneq 80

78
MENNTAMÁL
en 14 ára og um 28 milljónir unglinga frá 14—21 árs, hafi
farið á bíó sem svarar því einu sinni í viku árið 1929. Það
kom í ljós við rannsókn, sem bundin var við ákveðna tölu
barna, að börn 8—19 ára fóru á bíó að meðaltali einu sinni
í viku, og að 27% drengjanna og 21% telpnanna fóru oftar
en einu sinni í viku á bíó.
í London var gerð rannsókn árið 1931—32 á meira en
21 þús. skólabarna viðvíkjandi bíóferðum þeirra. Leiddi hún
í ljós, að 30% barnanna fóru á bíó einu sinni í viku, 9%
barnanna fóru tvisvar í viku, 48% barnanna fóru óreglulega
á bíó og 13% þeirra sóttu alls ekki kvikmyndahús. í Dan-
mörku er áætlað, að y3 bíógestanna sé 18 ára og yngri.
Rússar telja, að börn í borgum þar, fari að jafnaði 5—6
sinnum á bíó i mánuði.
Af þessum tölum má sjá, að bíósókn barna er mjög al-
menn i borgum og bæjum; þó að nákvæmar tölur, byggðar
á víðtækum rannsóknum, séu ekki fyrir hendi í mörgum
löndum, þá er ástæða til að ætla, að hún sé allsvipuð viðast
hvar í borgum Evrópu.
Hverskonar áhrif hafa kvikmyndir á börn og unglinga?
Um þetta eru margar skoðanir og getgátur, en ýmsar
þeirra eru gripnar úr lausu lofti, aðeins bergmál af for-
dómum almennings, en eigi byggðar á athugun og rann-
sókn á mörgum einstaklingum. Sérfræðingar, sem rann-
sökuðu bíóferðir barna í London árin 1931 og 1932 komust
að eftirfarandi niðurstöðum:
1. Börn á skólaaldri sýna engan veginn áhuga fyrir eða
hafa gaman að klúrum atriðum (scénes scabreuses) í kvik-
myndum; þeim leiðast þau fremur. Verið getur, að þessi
atriði séu skaðleg börnum í sumum tilfellum, en varla munu
þau hafa óholl áhrif á börn almennt.
2. Ung börn herma eftir persónum eða endurtaka í
leikjum sínum nokkurn tíma eftir atburðina, sem þau hafa
séð í kvikmyndunum, en þessi áhrif standa venjulega ekki