Menntamál - 01.06.1939, Page 86

84
MENNTAMÁL
komi inn hjá barninu xöngu siðferöilegu mati. Þessari að-
ferð er allmikið beitt víða í löndum. í Danmörku er um
20—25% af almennum kvikmyndum og í Belgíu um 30%
kvikmynda bannaðar börnum innan 16 ára aldurs, og sum-
staðar enn meira. í brezka heimsveldinu er þeirri reglu
yfirleitt fylgt, að börn fá ekki aðgang að kvikmyndum,
nema í fylgd með foreldrum sínum. Hafa foreldrar þar
úrskurðarvald um það, hvort þau vilji láta börn sín sjá
einhverja kvikmynd eða ekki. Er ætlað, að foreldrarnir
geti bezt sjálfir um það dæmt, hvaða kvikmyndir börnum
þeirra er óhætt eða hollt að sjá, því að auðvitað eru fáax
kvikmyndir óhollar öllum börnum, undantekningarlaust.
Mynd, sem hefir vond áhrif á eitt barn, getur haft góð
áhrif á annað. Mynd, sem er skaðleg smábörnum eða mjög
tilfinninganæmum börnum, getur verið fyllilega óskaðleg
eldri börnum eða börnum með styrkari skapgerð.
Það er því sjálfsagt, að banna börnum aðgang að kvik-
myndum, sem ætla má, að hafi óholl áhrif á siðferði þeirra
almennt. En það er einnig auðsætt, að þetta ráð dugir ekki
eingöngu. Það væri álíka fjarstætt og fullnægja ætti lestr-
arþörf barna með því að banna þeim óhollar bækur. Aðal-
lækning meinsins í báðum þessum tilfellum er í því fólgin,
að fullnægja fróðleiks- og skemmtanaþrá barnsins með
góðum bókum og góðum kvikmyndum. Þá beinist athygli
barnsins, af sjálfu sér, frá vondum bókum og óhollum kvik-
myndum.
Sérstakar kvikmyndasýningar fyrir börn. Barnakvikmyndir.
Á tvennan hátt hafa menn reynt að ráða bót á þessu
ástandi: 1° með því að efla til sérstakra kvikmyndasýninga
fyrir börn, og 2° með því að búa til sérstakar kvikmyndir
fyrir þau.
Barnasýningum er komið fyrir á all-ólíkan veg í hinum
ýmsu löndum. Oft eru barnasýningar í skólum, eða hið
opinbera gengst fyrir þeim á einhvern hátt, stundum