Æskan - 01.11.1968, Blaðsíða 71

Erlingur Gfslason, leikari.
-Sjónvarpsskermur,-
Kæra Æska. Gætir 1>Ú nú ekki
frætt mig um, hvað fjarlægðin
frá sjónvarpsskerminum til
áhorfenda skal vera mikil, l>eg-
horft er á sjónvarpið?
Kalli.
Erlingur Gíslason ákvað að
verða leikari árið sem hann
lauk stúdentsprófi. Hann varði
!>ó einum vetri til náms við
íslenzkudeild Háskóla íslands
og Tónlistarskólann i Reykja-
vík áður en hann hóf leiklistar-
námið. Eftir nám hér heima
og í Vinarborg tók hann að
leika við leikhúsin i Reykjavík,
en var ]>ó sjaldan fastráðinn og
aldrei lengur en 1 ár i senn.
Hann var einn af stofnendum
leikfélagsins Grímu og starfaði
mikið fyrir það félag. Stundum
kom það fyrir, að í sömu vik-
unni lék hann á öllum þremur
leiksviðunum: Þjóðleikhúsinu,
Leikféiagi Reykjavíkur i Iðnó
og hjá Grímu í Tjarnarbæ.
Leikferðir um landið liefur
hann farið fyrir alla þessa að-
ila — eða alls 7 lcikferðir. Sem
leikstjóri iiefur hann starfað
fyrir öll leiksviðin í Reykjavík
og tvisvar fyrir leikfélög utan
Reykjavikur. Til frekari leik-
stjórnarmenntunar fór Erling-
ur i eitt ár i náms- og kynnis-
ferð til 8 landa Evrópu. Þar
sótti liann leiksýningar og
fylgdist með æfingum — en
lengst dvaldist hann i London,
Rerlín og Vínarborg. Til þess-
arar ferðar hlaut hann utan-
fararstyrk Félags islenzkra
leikara.
ERLINGUR GÍ5LAS0N,
leikari.
Svar: Fyrir allt fólk með
venjulega sjón skal fjarlægðin
frá því að sjónvarpsskermi
vera sem næst sexföld breidd
sjónvarpssltermsins. Þá á
myndin að vera einna skýrust.
Þetta verður því: |
Fyrir 17" tæki 2.5 m.
I’yrir 21" tæki 3.0 m.
Fyrir 23" tæki 3.5 m.
Miðja myndskermsins skal
vera aðeins neðan við augnhæð
þegar maður situr.
María Baldursd.
Svar til Hönnu: Maria Bald-
ursdóttir söng á laugardags-
kvöidum í Leikhúskjallaranum
á síðastliðnum vetri. Maria
kom fyrst fram opinberlega
fyrir sjö árum. Það var á skóla-
skemmtun i Keflavík, en þá var
hún fjórtán ára. Síðan söng
hún um skeið með hljómsveit
Guðmundar Ingólfssonar i
Keflavík. María kom fram i
sjónvarpsþætti á síðastliðnu
vori og vakti þar mikla athygli.
María er hárgreiðslunemi og
tekur próf i þeirri iðn í
lok þessa árs, og hefur þá í
huga að setja upp sina eigin
stofu. Hún segist hlusta mest
á pop-hljómlist og jazz. Nancy
Wilson er sú söngkona, sem er
henni mest að skapi og hún er
mjög hrifin af Cillu Black og
Sandie Shaw.
Svar til Rögnvaldar: Eklti er
starfandi iðnskóli á Austur-
landi, en árið 1966 voru sett ný
lög á Alþingi um iðnfræðslu.
Þar er sú höfuðrcgla lögfest, að
vera skuli að minnsta kosti einn
iðnskóli í hverju kjördæmi hér
á landi. Nú loks mun ákveðið
að stofna iðnskóla fyrir Austur-
land í Neskaupstað, og er þess
vænzt að hinn nýi skóli geti
tekið til starfa á komandi vetri.
Saga Forsyte ættarinnar.
Svar til Hönnu: Framhaldskvikmyndin „Saga Forsyte-ættar-
innar", sem nú er sýnd vikulega í íslenzka sjónvarpinu, er eftir
enska rithöfundinn John Galsworthy. Verk þetta er stórbrotin
ættarsaga, eins og nafnið bendir til, sköpunarverk mikilhæfs
skálds, sem um stund liefur fallið nokkuð í fyrnsku, en er nú
aftur að komast í tízku. Þættirnir munu vera 26 talsins og mynda-
ræmurnar eitthvað um 40 kílómetrar. Það var brezka sjónvarpið,
BBC, sem lét gera þessa risamynd, og lók það verlc um 14 mán-
uði. Höfundur sögunnar, John Galsworthy, fæddist árið 1867, og
var af ríku fólki kominn og lögfræðingur að menntun. Hann
stundaði lögfræðina iítið, en gaf sig fljótt að ritstörfum. Náði
hann slíkum árangri á þvi sviði, að honum voru veitt bókmennta-
verðlaun Nóbels árið 1932. Mesta verk Johns Galsworlhys og jafn-
framt hið frægasta þeirra var einmitt „Saga Forsyte-ættarinn-
ar“. Hann lézt árið 1933.
Svar til Sigríðar: Á síðast-
liðnum vetri störfuðu tveir
leikskólar í Reykjavik, Leik-
skóli Þjóðleikhússins og Leik-
skóli Leikfélags Reykjavíkur.
Við báða þessa leikskóla þurfa
væntanlegir nemendur að vera
orðnir 17 ára að aldri og liafa
lokið gagnfræðaprófi. Skólarn-
ir eru tveggja vetra skólar, og
fer kennsla þeirra fram 2—3
tima á dag, og stunda þvi marg-
ir nemendur þeirra aðra vinnu
með skólunum. — Allar upp-
lýsingar um söngnám getur þú
fengið með þvi að skrifa til
skrifstofu Tónlistarfélagsins,
Skipholti 33, Reykjavík, og óska
eftir upplýsingum um það nám.
499