Búnaðarrit - 01.01.1937, Blaðsíða 139
BÚNAÐARRIT
119
Akurlendi stöðvarinnar sumarið 1936 skiptist
þannig:
Byggtegundir ........... 3,8846 lia
Hafrategundir .......... 2,2442 —
Rúgur .................. 0,5030 — (0,3170 lia nýsáð)
Kartöflur .............. 0,4824 —
Gulrófur ............... 0,0460 —
Grænfóður .............. 0,1590 —
Ertur .................. 0,0340 —
Hveiti ................. 0,0030 —
Gulrófufræ ............. 0,0300 —
Alls mun uppskeran af korni verða rúmar 90 tunn-
ur og er það í það minnsta, sem orðið hefir, miðað við
landstærð, en hér hefir veðráttan gert mest til að draga
úr uppskerumagninu, þó hitt sé eins og undanfarið, að
tæpur helmingur kornlandsins hafi verið á lélegu ný-
ræktarlandi, sem gaf litla uppskeru. Vetrarrúgur náði
i þetta skipti góðiun þroska, en uppskeran ódrýgðist
stórum í mikla rokinu 16. sept. í haust.
Rúgræktin er, enn sem komið er, ekki eins viss og
hyggræktin, en mér þykir líklegt að í mörgum sumr-
um verði hægt að rækta rúg hér á Suðurlandi. Er það
verk framtiðartilrauna að gera þá ræktun eins vissa og
byggtegundanna. Vorsáinn vetrarrúgur getur 1 flest-
um sumrum verið viss til þroskunar, en þar sem þessi
rúgur setur ax fyrr en rúgur sáinn síðar á sumr-
inu, geta vorfrostin dregið úr frjógun og kornþroskun.
Þetta varð sumarið 1935, en 1936 varð kornsetning
góð, enda engin næturfrost á þeim tíma sem rúgurinn
setti ax í vor.
Kartöfluræktin gekk fremur vel þetta sumar, og
fengust um 60 tunnur af dagsláttu. Engrar myglu varð
vart, en nokkur brögð að stöngulveiki, þó ekki eins
mikil og 1935. Uppskeran af ha varð ekki eins mikil
og árið á undan, og stafar það mest af nælurfrosli,
sem kom 3. september. Sömu afbrigði hafa verið rækt-
uð og fyrra ár, að undanskildu 1 afbrigði sem reynt