Búnaðarrit - 01.01.1937, Blaðsíða 282
262
BÚ N AÐ ARRIT
Areru ekki lögfestur, heldur aðeins fjárlagaákvæði, sem
gildir um eilt ár í senn.
Þetta telur stjórn Búnaðarfélags íslands miður farið,
en álítur, að réttast sé, að sett verði löggjöf, er tryggi
mjölkurbúum byggingarstyrk. Þó virðist Arafi geta leikið
á því, hvort rjómabú, þ. e. vinnslustöðvar, sem aðeins
taka rjóma til vinnslu, eigi rétt til styrks samkvæmt
því orðalagi, er um þetta er haft í fjárlögum.
Nú er svo ástatt, að ekki virðist blása byrlega um
stofnun fleiri fullkominna mjólkurbúa í náinni fram-
tíð, þar sem markaður virðist yfirfullur fyrir neyzlu-
mjólk, skyr og osta. Hinsvegar mun enn vera hægt að
auka smjörframleiðsluna allmikið, án þess að lil vand-
ræða þurfi að koma með að afsetja það. Þess vegna tel-
ur Búnaðarfélag íslands að rétt og sjálfsagt geti verið
að stuðla að stofnun rjómabúa. Stofnkoslnaður þeirra
er hverfandi móts við mjólkurbúanna og er því hægt
að koma þeim upp án mikils fjármagns. Stjórn Búnað-
arfélags íslands telur því að sjálfsagt sé, að rjómabú
njóti að öllu leyti fulls jafnréttis við mjólkurbúin um
stofnstyrk.
Þess ber að sjálfsögðu að gæta, að ríkið veiti ekki
styrk til rjómabúa, frekar en mjólkurbúa, annarsstað-
ar en þar sem náttúruskilyrði og aðstaða til samstarfs
um þessi mál er þannig, að ganga megi útfrá að starf-
semin geli borið sig og verði rekin á heilbrigðum grund-
velli. Þessvegna er lagt til, að ríkisstjórnin skuli ráð-
færa sig við Búnaðarfélag íslands og ráðunaut sinn í
mjólkurmálum, í hvert sinn áður en ákveðið er hvort
stol'nstyrkur skuli veittur, hvort sem um mjólkurbii
eða rjómabú er að ræða.
Stjórn Búnaðarfélags íslands vill þessvegna, af fram-
angreindum ástæðum, æskja þess, að Búnaðarþing taki
mál þetta til meðferðar og afgreiði það til Alþingis,
annaðhvort í frumvarpsformi eða með tillögu, þar sem
tekin verða fram aðalatriði þessa máls.