Búnaðarrit - 01.01.1992, Blaðsíða 131
eflingu tölvunetsins. Félag hrossabænda og Fagráð bleikjuframleiðenda
tengdust tölvunetinu á árinu, og Upplýsingaþjónustu landbúnaðarins teng-
ist því á næsta ári. Ég vann að því að tengja búnaðarsambönd við
tölvupóstkerfi B.Í., og tengdust þrjú á árinu. Ég er þess fullviss, að í
gegnum samtengingu þessara aðila við tölvunet B.í. eflist samstarf þeirra í
tölvumálum og gagnamálum til hagsbóta fyrir landbúnaðinn í heild.
Tölvupóstkerfi B.í. Tölvupóstkerfi hafa verið að ryðja sér rúms í
tölvuheiminum samhliða netvæðingu fyrirtækja. Ég skoðaði þau þrjú
tölvupóstkerfi, sem voru á íslenska markaðnum á árinu. Eftir ítarlega
athugun valdi ég cc.Mail frá bandaríska fyrirtækinu Lotus. Ég hefi sett upp
póstkerfið á tölvuneti B.Í., og einnig hafa búnaðarsambönd Kjalar-
nesþings, Eyjafjarðar og Vestfjarða tengst kerfinu. Póstkerfið byggist upp á
því í stuttu máli, að hver og einn notandi tölvunets B.í. getur sent tölvupóst
(textabréf, gagnaskrár, tölvumyndir) til annars notanda þ.m.t. búnaðar-
sambanda. Sérhver notandi hefur sitt eigið pósthólf, sem hann einn hefur
aðgang að, og lætur póstkerfið viðkontandi vita sjálfkrafa, ef hann á
óopnaðan póst í hólfinu sínu. Póstkerfið gerir notendum kleift að halda
tölvuráðstefnur um ákveðin málefni, og geta þá allir fylgst með og lagt
eitthvað til málanna, ef þeir vilja. Tölvupóstkerfið hefur reynst vel, en ég
mun halda áfram kynningu og útbreiðslu þess á næsta ári.
Hugbúnaðargerð B.í.
Nýsköpun í hugbúnaðargerð. Mikið og gott starf hefur verið unnið í
skipulegu og sameiginlegu skýrsluhaldi búgreina á vegum Búnaðarfélagsins
í gegnum árin. Það sýnir vaxandi þátttaka bænda í skýrsluhaldi best. Á
næstu misserum mun ég leggja áherslu á, að hugbúnaðargerð verði í
auknum mæli miðuð við, að búnaðarsambönd og bændur hafi greiðari
aðgang að tölvugögnum úr skýrsluhaldinu til skoðunar eða frekari úr-
vinnslu. Með uppbyggingu skýrsluhalds í hrossarækt á árinu í einkatölvu-
umhverfi hefur félagið stigið stórt skref í þá átt.
Fengur, eins og hið nýja tölvukerfi í hrossarækt heitir, er upphaflega
lokaverkefni Ólafs Óskarssonar, Þrastar Ingimarssonar og mitt úr Tölvuhá-
skóla Verslunarskóla íslands, sem við unnum að frá febrúar til maí á síðasta
ári. Frá því ég var ráðinn til starfa hjá Búnaðarfélaginu, að lokaverkefninu
loknu, hefi ég haldið áfram þróun þess. í júní hófst skráning upplýsinga úr
nýju skýrsluhaldi hrossaræktarinnar, sem Kristinn Hugason, hrossaræktar-
ráðunautur, á heiðurinn að, og vísa ég til skýrslu hans varðandi markmið og
fagmál þessa skýrsluhalds. Fyrsta verk mitt var að skipuleggja og samræma
gagnavörslumál hrossaræktarinnar. Gagnaskrá með ættbók B.í. og gagna-
skrá yfir frostmerkt hross voru sameinaðar gagnabanka Fengs. í nóvember
höfðu verið skráðar grunnupplýsingar og fangskýrslur í þeim fjórum
hrossaræktarsamböndum, sem skiluðu inn gögnum til Búnaðarfélagsins á
9
129