Búnaðarrit - 01.01.1992, Blaðsíða 142
afbragðsvel. Vonir standa til, að unnt verði að kaupa tvær vélar til viðbótar
með fjárstyrk frá fyrirtækjum.
Haldið var áfram samvinnuverkefni Landgræðslunnar og Vegagerðar
ríkisins um heftingu sandfoks við hringveginn á Mýrdalssandi. Verulegt
átak var gert í uppgræðslu við Vík í Mýrdal og á sandfokssvæðum við ósa
Ölfusár báðum megin árinnar, en á þessum stöðum urðu miklir gróðurskað-
ar í flóðum og veðurofsa í febrúar 1991 eins og á árinu 1990. Gróðurlendi
meðfram suðurströndinni skemmdust víða í þeim veðraham. Megináherzl-
an í melsáningu á árinu var þó lögð á nýfriðuð sandfokssvæði í Þingeyjar-
sýslum, einkum í Skútustaðahreppi.
Lúpínu var sáð í ýmis friðuð landgræðslusvæði, aðallega í Þingeyjarsýsl-
um, og var nýja sáðvélin notuð við það. Nýtt samvinnuverkefni var hafið
með bændum um ræktun lúpínufræs á Markarfljótsaurum.
Á hverju ári er dreift nokkru magni af áburði og grasfræi með dráttarvél-
um auk þess sem dreift er með landgræðsluflugvélum. Mest var unnið á
þann hátt á Héraðssandi í Hjaltastaðarþinghá, í Kelduhverfi í S.-Þingeyjar-
sýslu og á Haukadalsheiði. Landgræðslufluginu eru gerð sérstök skil í
starfsskýrslu Stefáns H. Sigfússonar. Landgræðslan átti sem fyrr samstarf
við bændur og sveitarfélög um áburðardreifingu með flugvélum, en einnig
var hafið nýtt samvinnuverkefni um uppgræðslu heimalanda í Þingeyjar-
sýslum. Bændur önnuðust dreifingu grasfræs og áburðar á lönd sín og
greiddu helming áburðarkostnaðar. Tilgangurinn er m.a. að geta minnkað
beitarálag á viðkomandi afrétti.
Landgræðsla ríkisins hefur staðið fyrir umfangsmikilli uppgræðslu á
Auðkúluheiði og Eyvindarstaðaheiði vegna Blönduvirkjunar síðan 1981,
og er verkefnið greitt af Landsvirkjun. Þar var dreift í sumar með
landgræðsluflugvélinni Páli Sveinssyni 540 tonnum af áburði og 30 tonnum
af grasfræi, en heimamenn dreifðu 48 tonnum af áburði.
Unnið var við fyrirhleðslur til varnar landbroti af völdum fallvatna í
öllum kjördæmum landsins.
Stærstu uppgræðsluverkefnin voru sem fyrr á Katlasvæðinu í Skútustaða-
hreppi og á Haukadalsheiði í Árnessýslu, en þar naut við fjármagns frá
Átaki í landgrœðslu.
Landgrœðslugirðingar. Eðlilegt viðhald var á landgræðslugirðingunum
eftir mildan vetur. Reglulega þarf að fara með og lagfæra um 80 girðingar,
sem eru alls yfir 1000 km að lengd. Stærð friðaðs lands innan þeirra er um
255 þús. hektarar eða nær 2,5% af flatarmáli alls landsins.
Margar þessara girðinga eru komnar verulega til ára sinna og eru oft á
erfiðum girðingarstæðum. Viðhald er því mikil vinna og vandasöm. Raf-
girðingarnar, sem nú eru orðnar 13 að tölu, eru léttari í viðhaldi en hinar
hefðbundnu.
Nýjar girðingar voru settar upp á árinu 1991 á þessum stöðum:
140