Búnaðarrit - 01.01.1992, Blaðsíða 213
ríkisviðskiptabankanna. Það veikir óumdeilanlega innlenda fjármála-
kerfið, þar sem ríkisbankarnir hafa verið aðalundirstaða innlends
fjármagnsmarkaðar allt til þessa.
8. Starfsemi ríkisbankanna er ekki hægt að setja á bekk með hverjum
öðrum atvinnurekstri, sem býr við almenn samkeppnisskilyrði. Því
gildir allt annað um einkavæðingu ríkisviðskiptabanka en annarra
fyrirtækja.
9. Brýnt er að móta heildstæða stefnu fyrir innlendan fjármagnsmarkað.
Á meðan engin sli'k stefna hefur verið mörkuð til frambúðar, er
einkavæðing ríkisbankanna ótímabær og gæti reynzt þrándur í götu
síðari þróunar.
10. Með tilvísun til framanritaðs beinir Búnaðarþing þeirri eindregnu
áskorun til ríkisstjórnar og Alþingis, að horfið verði frá þeirri hugmynd
að breyta viðskiptabönkunum í hlutafélög.
Jafnframt skorar Búnaðarþing á áhrifamenn innan allra stjórnmála-
flokka, svo og viðskiptamenn og velunnara ríkisviðskiptabankanna, að
beita sér gegn þessum áformum.
Mál nr. 38
Erindi Arna Snœbjörnssonar og Eysteins G. Gíslasonar um aukna landhelgi
friðlýstra varpstöðva œðarfugls.
Málið afgreitt með eftirfarandi ályktun, sem samþykkt var með 19 sam-
hljóða atkvæðum:
Búnaðarþing felur stjórn Búnaðarfélags Islands að beita sér fyrir því við
Alþingi, að lögum um fuglaveiðar og fuglafriðun verði breytt á þann veg að
landhelgi friðlýstra varplanda æðarfugls verði stækkuð úr 250 m í 500 m frá
stórstraumsfjörumáli.
GREINARGERÐ:
I lögum um fuglaveiðar og fuglafriðun nr. 33/1966 er bannað án leyfis
varpeiganda að leggja net nær friðlýstu æðarvarpi en 1/4 km frá stórstraums-
fjörumáli á þeim tíma, sem friðlýsingin gildir (15. apríl til 14. júlí ár hvert).
Hér er lagt til að færa landhelgi friðlýstra varpstöðva æðarfugls í 1/2 km frá
stórstraumsfjörumáli út frá því landsvæði, sem friðlýsingin nær til, og er þá
átt við jafnt fastalandið, eyjar, hólma og sker, sem innan friðlýsta svæðisins
eru.
Með auknum grásleppuveiðum á síðari árum er oft sótt í að leggja
grásleppunetin mjög nálægt landi. Það er þekkt, að verulegur fjöldi
æðarfugla ferst í netum, sem lögð eru á þeim slóðum, þar sem fuglinn sækir í
æti. Má þar vitna í könnun, sem Hafrannsóknastofnun hefur nýlega gert á
dauða æðarfulgs í grásleppunetum. Ein af þeim leiðum til að draga úr því
211