Morgunn - 01.12.1947, Blaðsíða 14
92
MORGUNN
vísindanna, trúarbragðanna og blaðamannanna á þeirri
tíð. Nú fyrst, löngu síðar, erum vér að byrja að skilja boð-
skapinn, sem Katie King flutti.
Þetta skulum vér láta nægja um tímabil Sir William
Crookes og það ljós, sem síðari tíma rannsóknir hafa varpað
yfir starf hans. En aðrar stórmerkar rannsóknir hafa einn-
ig lilotið staðfesting og yfir þær varpað nýju ljósi. Þar á
ég við hinar frægu rannsóknir dr. Crawfords í Belfast á
miðlafyrirbrigðum hjá ungfrú Goligher, sem hann birti
skýrslur um í bókum sínum tveim, The Reality of Psychic
Phenomena og Experiments in Psychic Science. Miðillinn,
ungfrú Goligher, var ung stúlka, menntuð og göfug og af
einni af ættgöfugustu fjölskyldu Belfast-borgar. En
þrátt fyrir þetta hikuðu ekki andstæðingar málefnisins
við að bregða henni um svik, þótt enginn vottur af skyn-
samlegri ástæðu væri til þess, þegar þeir urðu að gefast
upp við að skýra fyrirbrigðin, sem hjá henni gerðust. Það
er ömurlegt til þess að vita, að fólk, sem þessum sjald-
gæfu gáfum er gætt og leggur sig fram til rannsókna hjá
vísindamönnum. skuli þurfa að verða fyrir aðkasti og
lúalegustu árásum, því að slíkt fælir aðra, sem hæfileikum
eru gæddir, frá að gefa sig til rannsókna, en allt þetta er
vitanlega Þrándur í Götu fyrir rannsóknunum.
Mér virðist höfuðlexían, sem vér getum lært af rannsókn-
um og tilraunum dr. Crawfords, vera sú, að ectoplasmað sé
efni, sem aflið, er að baki stendur, getur notað í margvís-
legum tilgangi. Hjá Crookes var þetta efni notað af hinum
ósýnilegu öflum til þess að byggja upp líkamninga, mann-
gerfinga. 1 Belfast, þegar dr. Crawford rannsakaði, var
þetta sama efni, ectoplasmað, notað til þess að mynda úr
því stengur eða kraftsúlur, sem gengu út úr líkama hinnar
sofandi ungfrú Goligher og framleiddu högg eða hreyfðu
hluti, sem voru í nokkurri fjarlægð frá miðlinum. Sofandi
í transinum sat ungfrú Goligher á vog, út frá líkama hennar
gekk slík ectoplasmastöng, teygðist undir borðplötu og
hóf borðið í loft upp, en vogin sýndi að miðillinn í trans-