Morgunn - 01.12.1947, Blaðsíða 32
110
MORGUNN
hana hér og léti í ijósi gleði yfir nærveru systkina sinna.
Knud var einkar gamansamur og léttur í máli, og er fund-
armenn höfðu orð á þessu, svaraði hann: „Jeg er altid
interessant.“
Stuttu á eftir ávarpaði Míka fundarmenn nokkrum orð-
um, en rétt á eftir heyrðist Elisabeth tala inni í byrginu,
var rödd hennar lág og hvíslandi.
Fyrsta líkamaða veran kom fram úr byrginu kl. 9,15.
Það var Rita, bauð hún gott kvöld, en stóð fremur stutt
við. Næsta veran, sem birtist, kom aðeins fram en hvarf
án þess að gera frekari grein fyrir sér. Þá kom fram
Saxonius og rétt á eftir kvenvera, sem virtist kalla sig
Hiidi, en röddin var lág og veik. Því næst birtist lítið barn
fyrir framan byrgið. Sjötti í röðinni var Jóhannes, sýndi
hann fundargestum hendur sínar og handleggi. Sjöunda
veran virtist segja: Emilía. Næst á eftir kom Hansen, og
þá Ríta. Þá kom Benito fram úr byrginu og var mjög
greinilegur. Þá kom vera, sem nefndi sig Jón, sagði:
mamma, og gekk til konu einnar, er sat í innsta hring,
frú Ólafíu Hansen. Þá kom fram fram vera, sem nefndi sig
systur Louise. Sýndi hún slæður þær, er hún var hjúpuð
i, og virtist það vekja hrifningu fundargesta. Þá kom vera
fram úr byrginu, gekk þar að, sem Jónas Þorbergsson sat,
og sagði: „gott kvöld, Jónas, Guð blessi þig.“ Þá kom fram
vera, sem nafngreindi sig ekki en hvarf því næst sam-
stundis aftur inn í byrgið. Næsta veran kvaðst vera Kaj
Munk. Var hann næsta sterkur, lyfti slæðunum frá and-
liti sínu, lyfti hönd sinni og lýsti blessun yfir viðstödd-
um. Fylgdi honum geysimikill kraftur. Að lokum kom
fram Pastor Christensen og því næst vera, sem kvaðst
stjórna þróun miðilsins.
Manngerfingafyrirbrigðunum lauk kl. 9,40, og höfðu þau
þá staðið í 25 mínútur. 18 manngerfingar höfðu birzt fund-
armönnum að þessu sinni. Fundinum lauk með venjuleg-
um hætti. Einar Loptsson.“
(sign.).