19. júní - 19.06.1987, Side 61

KONUR ERU í KARLALEIK
GREINAR:
BRYNDÍS KRISTJÁNSDÓTTIR
INGIBJÖRG E. GUÐMUNDSDÓTTIR
KARLAR ERU í KONULEIK
Karlaklúbba landsins þekkja flestir; Lions, Kiwanis, Oddfellow og
Frímúrareglan eru nöfn á nokkrum klúbbanna sem starfa víða um land.
Konur hafa oft á tíðum haft horn í síðu þessarar karlastarfsemi, enda er
þeim meinaður að þeim aðgangur. Ekki bætir úr skák að mikil leynd
hvílir yfir starfsemi sumra klúbbanna, en flestir þykjast þess þó fullvissir að
klúbbarnir virki sem eins konar samtrygging fyrir félagana og að þar fái þeir
stuðning reglubræðra sinna í starfi sem leik.
Eins og við var að búast gáfust þær ekki upp konurnar sem áhuga höfðu á
klúbbstarfsemi, þótt þær fengju ekki inngöngu í karlaklúbbana. Þær stofnuðu
eigin klúbba. Hér á landi hafa um árabil verið starfandi klúbbar kvenna sem á
margan hátt eru líkt uppbyggðir og klúbbar karla, þótt þar sé að sjálfsögðu
áherslumunur. Klúbbstarfsemi þessi hefur farið hljótt og flestir hvá þegar
minnst er á nöfn eins og Soroptimistar eða BPW.
19. júní kynnti sér starfsemi nokkurra þessara klúbba og því verður ekki
neitað að þar er ýmislegt sem kom á óvart. Eitt er víst að viðhorfið til karla-
klúbbanna hlýtur að breytast örlítið við það að kynnast starfsemi kvenna sem
byggð er á svipuðum grundvelli. Sammerkt með öllum kvennaklúbbunum er
að konunum finnst mjög gott og uppbyggjandi að vinna saman á þann hátt sem
þar er gert.
SOROPTIMISTAR
Reykjavíkurklúbburinn stóð fyrir landssambandsfundi 26. apríl ’86. Sr. Solveig Lára,
sem er ein af systrunum, mcssaði í Dómkirkjunni, síðan lá leiðin í Alþingishúsið, þar sem
Salome Þorkelsdóttir, sem einnig er systir, leiddi hópinn um húsakynni og kynnti starf-
semina.
Konur sem efla vilja
mannréttindi
Til er félagsskapur sem kallar
sig því sérkennilega nafni
Soroptimistar. Nafnið er dregið
af latnesku orðunum „soror
optima“, sem útleggst besta systir.
Þessi félagsskapur á rætur sínar að
rekja til Bandaríkjanna, en þar var
fyrsti Soroptimistaklúbburinn stofn-
aður árið 1921 í Kaliforníu. Hreyf-
ingin breiddist ört út og aðeins 6
árum síðar var Alþjóðasamband
Soroptimista stofnað.
Á íslandi var fyrsti Soroptimista-
klúbburinn stofnaður árið 1959, og
Soroptimistasamband íslands árið
1974. Nú eru starfræktir 13 klúbbar
hér á landi og eru félagar um 300.
Höfuðmarkmið Soroptimista er að
vinna að betra mannlífi í hverfulum
heimi eins og segir í bæklingi sem
samtökin hafa gefið út. í stefnuskrá
samtakanna má sjá eftirfarandi
markmið:
- auka skilning þjóða á milli,
- efla mannréttindi og bæta stöðu
kvenna,
- útrýma ólæsi og bæta möguleika
til menntunar,
- efla félagslega þróun og stuðla
að félagslegri þjónustu
Soroptimistar eiga fulltrúa hjá
Sameinuðu þjóðunum og hafa þeir
ýmist ráðgjafar- eða tillögurétt hjá
hinum ýmsu stofnunum Sameinuðu
þjóðanna. Heildarfjöldi félaga er nú
yfir 78.000 í 82 löndum.
Allt starf samtakanna byggist á
klúbbunum, en þeir eru þannig
samansettir að í hverjum klúbbi eru
konur úr mismunandi starfsgreinum.
Að sögn Lúísu Bjarnadóttur, forseta
61