Jazzblaðið - 01.12.1951, Blaðsíða 16

C.fí-vC %\^av5Ci'C
Undanfarin ár hafa margar nýjar
stjörnur komið fram 1 Bandaríkjunum,
er leikið hafa á tenór-saxófón. Ber þar
fyrst og fremst að nefna Stan Getz, sem
undanfarin tvö ár hefur verið fremstur
í kosningum músikblaða þar vestra. —
Síðan koma nöfn eins og Warne Marsh,
sem leikið hefur með Tristano, Allan
Eager, Brew Moore, A1 Cohn, Herbie
Stewart, og nú síðast Sonny Stitt, sem
lengi var fyrirtaks altósaxófónleikari, og
aðiokum Jack „Zoot“ Sims.
Fyrir tæpum tveim árum lék Woody
Herman hljómsveitin inn á plötu lag að
nafni „Four brothers“. Það sem er
merkilegast við þessa plötu, er samsetn-
ing saxófón-sectionarinnar. — í stað
tveggja altóa, tveggja tenóra og bari-
tóns voru notaðir þrír tenórar og bari-
tónn. Þessi samsetning vakti geysilega
athygli og platan seldist í þúsunda tali.
Þeir, sem léku á saxófónana voru ein-
mitt Zoot Sims, Stan Getz, Herbie
Stewart og síðan baritónleikarinn Serge
Chaloff.
Það er hægt að heyra Zoot Sims á
fleiri plötum með Herman hljómsveit-
inni, heldur en þeirri, sem ég þegar hef
nefnt. Þó að jafn góður sólóisti og Stan
Getz hafi verið í hljómsveitinni, þá fékk
Zoot einnig sínar sólóar, því að engum
duldist, að hér var óviðjafnanlegur snill-
ingur á ferðinni. Meðal þessara platna
eru „Keen and Peachy“, sem hann
lék með hljómsveitinni, síðan koma
„Keeper of the Flame", „My Pal Gon-
zales“ og „That’s Right“.
Þar sem plöturnar hafa fengizt hér,
tel ég rétt að gefa nánari upplýsingar
um þær, sem ég vona að komi einhverj-
um að notum.
Niðurskipun raddanna á „Four Broth-
er“ og „Keen and Peachy“ er nefnilega
dálítið einkennileg. í fyrsta chorusnum
skiptist fyrsta rödd á milli tenóranna,
fyrst hefur Getz 4 takta, síðan Zoot tvo
og þá Stewart tvo, þannig gengur það
allan chorusinn, með sama taktafjölda á
hvern mann. Sólóarnar skiptast þannig,
að Zoot hefur fyrstu, síðan síðan Chal-
off á baritóninn, þá Stewart og síðan
Getz.
Jack „Zoot“ Sims fæddist í Inglewood
í Kaliforníu 29. október 1925. Hann
byrjaði að leika á trommur á unga aldri,
en ellefu eða tólf ára gamall fór hann
að leika á klarinet og stofnaði skóla-
hljómsv. með bróður sínum Ray, er verið
hefur trombónsólóisti með Les Brown.
Fimmtán ára gamall fór hann að leika á
tenór og var nú skólahljómsveitin orðin
nokkuð stór, eða fimmtán manns. Þeir
léku aðallega Basie-útsetningar, eftir því
sem Zoot segir, en sjálfur reyndi hann
að líkja eftir Ben Webster.
Ungur trombónleikari að nafni Earl
Swope, sem síðar átti eftir að leika með
Woody Herman opnaði augu Zoot fyrir
tenóristanum Lester Young, og segir
Zoot að Lester hafi haft hvað mest áhrif
á þá saxófónleikara, sem komu fram um
svipað leyti og hann. Þetta sama hafa
flestir aðrir hinna yngri tenórista einnig
sagt.
16