Morgunblaðið - 13.01.2009, Blaðsíða 40

GLAMÚR og glæsileiki einkenndu 66. Gol-
den Globe-verðlaunahátíðina sem fór fram í
Hollywood í fyrrakvöld.
Það var kvikmyndin Slumdog Millionaire
sem hlaut flest verðlaun á hátíðinni eða
fern. Myndin fjallar um munaðarleysingja
sem ryður sér leið út úr fátækrahverfum
Mumbai á Indlandi og fara óþekktir leik-
arar með aðalhlutverkin.
Breska leikkonan Kate Winslet vann líka
mikinn sigur en hún fór heim með tvær
styttur, sem besta leikkona í drama-
hlutverki og sem besta leikkona í auka-
hlutverki. Hún hefur verið tilnefnd fimm
sinnum áður til Golden Globe en vann nú í
fyrsta skipti og þykir vel að því komin.
Heath Ledger sálugi fékk verðlaun sem
besti karlleikari í aukahlutverki fyrir Jóker-
inn í The Dark Knight. Það var leikstjóri
myndarinnar, Christopher Nolan, sem tók
við verðlaununum og minntist Ledger með
fögrum orðum svo sumir viðstaddra klökkn-
uðu.
Besti karlleikari í dramahlutverki var
valinn Mickey Rourke fyrir The Wrestler.
Rourke hefur snúið aftur með frammistöðu
sinni í myndinni en hann skaust upp á
stjörnuhimininn í Hollywood með myndinni
9½ vika á níunda áratugnum. Rourke er nú
rúmlega fimmtugur og hefur látið á sjá sök-
um hnefaleikameiðsla, en árið 1991 ákvað
hann að snúa sér aftur að hnefaleikum sem
hann hafði stundað áður en leiklistin tók við.
Íslenskir sjónvarpsáhorfendur ættu að
kannast við sigurvegarana í flokki sjón-
varpsefnis en þar var Mad Men valin besti
dramaþátturinn og 30 Rock besti gam-
anþátturinn.
MORGUNBLAÐIÐ ÞRIÐJUDAGUR 13. JANÚAR 2009
* GILDIR EKKI Í LÚXUSSALI OG Á ÍSLENSKAR MYNDIR.
*
Kvikmyndir
Kvikmynd, drama: Slumdog Millionaire
Kvikmynd, gaman- eða söngleikur: Vicky Christina
Barcelona
Leikari, drama: Mickey Rourke, The Wrestler
Leikkona, drama: Kate Winslet, Revolutionary Road
Leikstjóri: Danny Boyle, Slumdog Millionaire
Leikari, gaman- eða söngleikjamynd: Colin Farrell,
In Bruges
Leikkona, gaman- eða söngleikjamynd: Sally
Hawkins, Happy-Go-Lucky
Aukaleikari: Heath Ledger, The Dark Knight
Aukaleikkona: Kate Winslet, The Reader
Mynd á öðru tungumáli en ensku: Waltz With Bashir
Teiknimynd: Wall-E
Handrit: Simon Beaufoy, Slumdog Millionaire
Tónlist: A.R. Rahman, Slumdog Millionaire
Lag: Bruce Springsteen, The Wrestler
Heiðursverðlaun: Steven Spielberg
Sjónvarp
Dramaþáttur: Mad Men
Leikari, drama: Gabriel Byrne, In Treatment
Leikkona, drama: Anna Paquin, True Blood
Gamanþáttur: 30 Rock
Leikari, gaman: Alec Baldwin, 30 Rock
Leikkona, gaman: Tina Fey, 30 Rock
Stuttþáttasería eða sjónvarpsmynd: John Adams
Leikari stuttþáttaseríu eða sjónvarpsmynd: Paul
Giammatti, John Adams
Leikkona, stuttþáttaseríu eða sjónvarpsmynd:
Laura Linney, John Adams
Leikari í aukahlutverki: Tom Wilkinson, John
Adams
Leikkona í aukahlutverki: Laura Dern, Recount
Sigurvegarar
Glæsilegur Gerard Butler
verður að fá að vera með.
Tískuslys? Skiptar skoðanir eru um kjól Renee
Zellweger. Húðlitað korselettið undir gegnsærri
blússunni fer ekki vel. Og hvað með hárið?
Sykursæt Cameron Diaz
var virkilega flott í Chanel
kjólnum sínum.
Töffari Mickey Rourke virðir
verðlaunastyttuna fyrir sér.
Lala Síður jakki Seal er ekki að virka
vel og skór Heidi Klum passa ekki við
kjólinn sem er annars flottur.
Gaman Tina Fey og Alec Baldwin
fengu bæði verðlaun fyrir besta
leik í gamanþætti fyrir 30 Rock.
Blásin Klæðaburður Drew Barry-
more var innblásinn af Marilyn
Monroe og hárið bara svolítið blásið.
Ken og Barbie Brad Pitt og
Angelina Jolie klikkuðu ekki
á útlitinu.
Öðruvísi Leikkonan Maggie
Gyllenhaal var töff að vanda og
ekki eins og hinar stúlkurnar.
Reuters
Glæsileiki á Golden Globe
Fagnar Kate
Winslett með
tvennu.