Morgunblaðið - 09.07.2011, Blaðsíða 10
Það var líf og fjör í góða veðrinu í Nauthólsvík fyrir
helgina. Þar héldu frístundamiðstöðvarnar í Frosta-
skjóli, Miðbergi, Kringlumýri og Gufunesi sameiginlega
sumarhátíð til styrktar minningarsjóði Sigrúnu Mjallar.
Líkt og sjá má á myndunum skemmtu unglingarnir sér
hið besta. Þeir gæddu sér á pylsum og kandíflossi,
hlustuðu á tónlist, sóluðu sig og spígsporuðu létt-
klæddir um víkina. Einnig var farið í boltaleiki og sjó-
sund. Hátíðin var sannarlega gott framtak hjá krökk-
unum og vel heppnuð, enda gátu allir fundið þar
eitthvað við sitt hæfi.
Sumarhátíð
Fjör í Nauthólsvíkinni
Morgunblaðið/Ernir
Stuð Haffi Haff fór létt með að skemmta unglingunum og söng af miklum móð í múnderingu í sínum stíl.
Sprækir Þessir drengir voru hressir og víluðu ekki fyrir
sér að stilla sér upp fyrir ljósmyndarann.
10 DAGLEGT LÍF
MORGUNBLAÐIÐ LAUGARDAGUR 9. JÚLÍ 2011
Ljósmynd/Ólafur Þorvaldz
Alvar Alto Leikarinn Jóel Sæmundsson brá sér í gervi arkitektsins finnska og leiddi gesti um Norræna húsið.
Díana Rós A. Rivera
diana@mbl.is
Norræna húsið býður núupp á leiðsögn um hús-ið með arkitekt þess,Alvar Alto. Ólafur Þor-
valdz hannaði leiðsögnina en Jóel
Sæmundsson og Jón Sigurðsson
munu skiptast á að bregða sér í
hlutverk Alvars Alto og fræða
gesti og gangandi um sögu húss-
ins, hönnun þess og leyndardóma
auk þess sem gestir fá að smakka
á kræsingum DILL restaurant
sem staðsettur er í húsinu.
Ævintýralegur staður
Þegar ég var krakki var ég
tíður gestur í Norræna húsinu en
þar sem ég gekk til fundar við Al-
var Alto áttaði ég mig á því að ég
hafði ekki komið þangað í óratíma.
Á meðan ég beið eftir því að leið-
sögnin hæfist fór hugurinn að
reika. Ég er fædd í Svíþjóð og
myndi segja að ég væri Skandinavi
í húð og hár. Þegar ég var yngri
og þráði að heyra sönglandi
sænskuna settist ég á stól í sýning-
arsal hússins og horfði á persónur
Astridar Lindgren á tjaldinu. Ég
sökkti mér niður í bækur um Pelle
Svanslös á bókasafninu og sníkti
kakó á kaffiteríunni út úr fullorðna
fólkinu ef það var með í för. Fyrir
utan húsið fannst mér sem krakka
ekkert vera nema víðáttan og
stundum settist ég í gæsaskítinn
við tjörnina og naut nestis og út-
sýnis. Það var allt til alls þarna.
Alvar Alto segir frá
Leiðsögnin færði mig aftur í
tímann en um leið komst ég að
heilmiklu sem ég vissi ekki, það
var bæði óvænt og ánægjulegt. Jó-
el Sæmundsson var einstaklega
Um króka og kima
Norræna hússins
Norræna húsið hefur verið á sínum stað í Vatnsmýrinni í Reykjavík síðan
1968. Það er rekið af Norrænu ráðherranefndinni með það að markmiði að
styrkja menningartengsl milli Íslands og hinna Norðurlandanna. Hægt er að
fá leiðsögn um húsið með arkitekt þess, hinum finnska Alvar Alto.
Vefsíðan readprint.com er sannar-
lega tilvalin fyrir lestrarhesta. En þar
er hægt að lesa (án greiðslu) alls
konar gamlar bækur þar sem höfund-
arrétturinn er fyrndur. Meðal höf-
unda má nefna Jane Austen, Oscar
Wilde og Agötu Christie auk fjölda
annarra. Bækurnar eru vandlega
flokkaðar eftir efni í leikrit, ljóð,
stuttar sögur og þar fram eftir göt-
unum. Einnig má þar líka finna rit-
gerðir. Á síðunni geta einnig þeir sem
vonast eftir frægð og frama í rithöf-
undaheiminum sent inn handrit í von
um að einhver lesi. Þetta gæti vissu-
lega hjálpað einhverjum að komast
upp úr handritaskúffunni. Sniðug
síða fyrir þá sem njóta þess að lesa
og nýta sér nútímatækni til þess. Það
er jú sérstaklega þægilegt t.d. á
lengri ferðalögum þegar fólk nennir
ekki að þyngja farangurinn með bók-
um.
Vefsíðan www.readprint.com
Morgunblaðið/Golli
Jane Austin Leikfélag Kvennaskólans setti upp Hroka og hleypidóma hér um árið.
Frábær fyrir lestrarhesta
Tíminn líður hratt, það vita allir.
Langþrátt sumar er loksins komið en
því miður verður það fljótt að líða og
áður en við vitum af er búið að sækja
kuldaskóna og dúnúlpuna í geymsl-
una. Njótum því árstíðarinnar í botn.
Látum goluna líða um tærnar í opn-
um skóm, njótum þess að geta verið
úti á peysunni eða aðeins í léttum
jakka og að vakna við birtuna á
morgnana. Borðum úti ef veður leyfir,
förum í útilegur, sitjum við varðeld-
inn, öndum djúpt að okkur ilminum af
nýslegnu grasi og förum í miðnætur-
göngutúra. Veturinn er allt of langur
til að njóta sumarsins ekki í botn.
Endilega …
… njótið
útiverunnar
Morgunblaðið/Ernir
Gaman Gott er að hlaupa berfættur.
Skannaðu kóðann
til að fara inn á
vefsíðuna.
„Dagurinn hefst á því að ég vakna í
Skaftafelli og keyri þaðan yfir í
Neskaupstað. Ég stoppa á nokkrum
vel völdum stöðum, ætla að vera
dálítill túristi,“ segir Ragnar Sól-
berg, söngvari og gítarleikari í
hljómsveitinni Sign, en hann hóf
förina austur í gær með trommu-
leikaranum í Sign, kærustu sinni og
vinkonu hennar. Sign mun stíga á
svið á Eistnaflugi í Neskaupstað í
kvöld.
„Klukkan 21.45 stígum við á svið
í Egilsbúð. Við verðum með íbúð í
Neskaupstað og ætli við borðum
ekki kvöldmat þar áður en við spil-
um. Þegar við erum búnir að spila á
tónleikunum ætlum við að horfa á
böndin sem spila
á eftir okkur, t.d.
Triptycon sem
við erum mjög
spenntir að sjá.
Ætli það verði
síðan ekki „wrap-
up“ partí hjá
okkur í íbúðinni
eftir tónleikana
en þó í rólegri
kantinum því á
morgun keyrum við til baka til
Reykjavíkur. Þá förum við hinsvegar
norðurleiðina og aftur ætlum við að
stoppa á vel völdum stöðum, t.d.
Mývatni. Ég er því að fara hringinn
um landið um helgina,“ segir hann.
Hvað ætlar þú að gera um helgina?
Egilsbúð Þar mun hljómsveitin Sign stíga á stokk í kvöld.
Spilar og syngur á Eistnaflugi
Ragnar Sólberg